Alaska

Alaska
	hesło: North to the Future
	přimjeno: Last Frontier
Zakładne daty
stolica	Juneau
přestrjeń	1.723.337 km²
wobydlerstwo	738.432 (1. jul 2015)
hustosć	0 wob. na km²
časowe pasmo	UTC–9/–10 (AKST/HAST)
Politika
guwerner	Bill Walker
přistup do unije	3. januara 1959
	Karta
	Přehladna karta zwjazkoweho stata

64-150

Koordinaty: 64° S, 150° Z

Alaska ( [/əˈlæskə/]a a) je US-ameriski zwjazkowy stat, kotryž leži na samym sewjerozapadźe Sewjerneje Ameriki mjez Ćichim oceanom na juhu a Arktiskim oceanom na sewjeru. Ma něhdźe 740.000 wobydlerjow a je z přestrjenju wot 1,72 milionow km² najwjetši zwjazkowy stat. Stolica je Juneau (31.000 wobydlerjow), najwjetše město pak Anchorage z 292.000 wobydlerjemi. Dalše wuznamne sydlišćo je Fairbanks (31.000).

Stat njemjezuje z druhimi dźělemi Zjednoćenych statow, ale z Kanadu na wuchodźe. Na zapadźe rozwodźa Beringowy přeliw Alasku wot Ruskeje. Tež najwyša hora Sewjerneje Ameriki, Denali, so w Alasce nadeńdźe. Najwažniša rěka je Yukon River.

Alaska přiwza so dnja 3. januara 1959 jako 50. a tuž dotal posledni stat do unije a ma přimjeno „Last Frontier“ („poslednja mjeza“). Američenjo běchu teritorij hakle w lěće 1867 wot Rusow kupili. Dźensa ma Alaska hospodarski wuznam jako jedne z najwažnišich wudobywanišćow zemskeho wolija w Sewjernej Americe.

W lěće 2000 měješe 89,7 % wobydlerstwa jendźelšćinu za maćeršćinu, 5,2 % rěčeše awtochtone mjeńšinowe rěče.