Cleeah (cowrey)

Cleeah
Keealyn
Cadjin: earroo reajyssagh Co-earrooaght: ram obbraghyn (heese) Maddaght: buneeaght hymsaght ennagh. Maddaght: sym kianglee daa ylraghan Maddaght: ayns sheiltynys crontagh, sym crontagh daa chront Maddaght: ayns sheiltynys earrooagh, primorial

Ny jean aavestey Cleeah (cowrey) marish hanzi 井, cowrey geyre (♯), ny viewdata square (⌗) .

She cowrey bun-chooish y duillag shoh. My vel anaase ayd ayns keeall elley yn 'ockle shoh, lhaih cleeah.

She cowrey ee cleeah ny cowrey earrooagh. Cha nel bun baghtal ec y chowrey.

Ymmyd

Shimmey ymmydyn ta jeant jeh'n chleeah. Dy cadjin, t'ee cowraghey earrooyn reajyssagh; ta "#1" cowraghey "y chied" ny "sorçh 1", myr sampleyr, "pensyl #1". Ta sheiltynys ayn dy daink yn ymmyd shen ass cliaghtey Teletype Corporation mysh y vlein 1900. Ny keayrtyn, ta ymmyd jeant jeh er çhellvane dys cowraghey straih dy earrooyn myr reih; myr sampleyr, dys cur stiagh earroo enney, ny jannoo reih ass kaart.

Ayns cowrag, t'ee cowraghey fockle ny raa ta bentyn rish scansh, bun ny dooghys cooid ennagh.

Ayns ny SUA, t'ee cowraghey punt er trimmid dy cadjin.

Ta lhaihderyn prowal jannoo ymmyd jeh'n chleeah ayns prowallyn liauyrey, dys cowraghey dy lhisagh ad cur stiagh tooilley reamys eddyr linnaghyn, focklyn ny lettyryn:

Maddaght

• Ayns sheiltynys çhymsaghtagh, ta #S cowraghey buneeaght ny çhymsaght S. Dy ghra myr shen, 'sy çhymsaght $S=\{s_{1},s_{2},s_{3},\dots ,s_{n}\}$, $\#S=n.$
• Ayns topoaylleeaght, ta A#B cowraghey sym kianglee y daa ylraghan A as B.
• Ayns sheiltynys crontagh, ta A#B cowraghey sym crontagh y daa chront A as B.
• Ayns sheiltynys earrooagh, ta n# ny primorial jeh n

Co-earrooaght

• Ayns shiartanse dy hengaghyn co-earrooagh, cummaghyn fysseree as bleayst-scriptyn, myr sampleyr Python, t'ee cowraghey linney teks myr coontys ny soilshaghey magh nagh vel ry-obbraghey.
• Bentyn rish shen, ta'n daa-lettyr #! ec kione coadan yn-obbraghan ny "shebang" ta cur fys da'n choarys-obbree er cre'n chlaare lhisagh obbraghey er y choad shen. Ta'n daalettyr shoh er ny reih er y fa dy nee cowrey coontys t'ayn ayns ny çhengaghyn shen, as myr shen cha benn eh rish obbraghyn y choadan. Chammah's shen, she cowrey y rheynn CrunchBang Linux t'ayn.

Coadyn co-earrooder

Ayns Unicode, ta cleeah ec U+0023.

Ayns ASCII, ta cleeah ec 35. Ayns earrooyn jeesoil, shen 010 0011.

Ayns EBCDIC, ta cleeah ec 0123.

Ayns HTML as XML, ta cleeah ec "#;".