Saltar ao contido

grao

do Galizionario, dicionario galego na Internet.

Galego

Vexa na Galipedia o artigo acerca de «grao».

Etimoloxía: do latín gradus 'paso', 'chanzo', 'grao, escala'.

Substantivo

grao ¹ (sg: grao; pl: graos)

Cada un dos estados, situacións ou valores que pode ter unha cousa en relación de menor a maior ou viceversa.
- Exemplo: Os distintos graos dunha xerarquía. Un alto grao de risco. A vítima presentaba queimaduras de primeiro grao
  
  .
Lugar na escala da xerarquía militar.
- Exemplo: Acadou o grao de coronel
  
  .
Proximidade relativa de parentesco.
- Exemplo: Sonche parentes de segundo grao
  
  .
(Educación) Título que se consegue ao superar determinados niveis de estudos.
- Exemplo: Grao de doutor. Obtivo o grao en Dereito
  
  .
(Matemáticas) Cada unha das trescentas sesenta partes nas que se dividen a circunferencia e o círculo e coas que se miden arcos e ángulos.
- Exemplo: Un ángulo de trinta graos
  
  .
(Matemáticas) Expoñente máximo que ten a variable dun polinomio ou a incógnita dunha ecuación.
- Exemplo: Ecuacións de segundo grao
  
  .
(Física) Cada unha das divisións ou unidades dunha escala que corresponden a un sistema de medida, como o da temperatura ou o alcohol.
- Exemplo: Unha temperatura de quince graos á sombra.
  
  .
- Exemplo: O viño ha estar bo, pero fáltanlle graos.
(Lingüística) Cada un dos tres modos en que se expresa a intensidade do adxectivo.
(Xeoloxía) Unidade de medida da intensidade dun sismo.
- Exemplo: graos Richter. graos Mercalli
  
  .

Termos relacionados

Galego

Vexa na Galipedia o artigo acerca de «grao».

Etimoloxía: do latín gratus 'grato'.

Substantivo

grao ² (sg: grao; pl: graos)

Voluntade, gusto.
- Exemplo: De bo grao comería estes pasteis, pero o médico non mo permite
  
  .

Termos relacionados

Traído desde «https://gl.wiktionary.org/w/index.php?title=grao&oldid=721703»