Züst (automoción)

Züst
	“l'unica marca che non ha il minimo stock di chassis invenduti”
Tipo	Privada
Fundación	1903
Localización	Intra ata 1905, Milán Italia
Fundador	Roberto Züst e irmáns
Industria	Automóbil
Produtos	Automóbil
	[ editar datos en Wikidata ]

Züst (ou Zust) era un coche de fabricación italiana que funcionou desde 1905 ata 1917.

Historia a características

A compañía foi fundada polo enxeñeiro Roberto Züst, un empresario italiano de orixe suíza, que era dono dunha fabrica de ferramentas de precisión en Verbania Italia, preto do Lago Maggiore (anteriormente fundición de ferro Guller & Croff). Züst experimentou con prototipos de coches ao redor de 1900 e en Milán en 1905, fundou a empresa Zust de fabricación de automóbiles e vehículos comerciais. Os seus primeiros modelos eran máquinas enormes e custosas impulsadas por motores de catro cilindros de 7.432 cc a 11.308 cc. A estes uníuselles un modelo un pouco máis pequeno de 5 litros en 1908. O Zust 28/45 HP participou na Carreira Nova York-París de 1908 e terminou terceiro. Giustino Cattaneo (logo de Isotta Fraschini) traballaba para el.

O Zust 1906 que logrou o terceiro lugar na carreira de Nova York-París de 1908.

En 1906 Züst decidiu facer coches máis pequenos, polo que cos seus cinco fillos, fundou unha nova compañía coñecida como Brixia-Züst na cidade de Brescia. (Züst e Brixia-Züst a miúdo confúndense). Debido a problemas financeiros, Brixia-Züst pechou en 1912, a fábrica de Milán foi vendida e a produción de automóbiles Züst concentrouse en Brescia, onde a produción continuou ata 1914. Os últimos modelos novos, o HP 15/25 ou 2S 365 (2592 cc) e o 25/35 ou o S305 (4712 cc), apareceu en 1913.

O 1 de outubro de 1917, a empresa foi adquirida por Officine Meccaniche de Milán, que seguiu facendo o S305 ata 1923 baixo o seu propio nome.

Véxase tamén

Ligazóns externas

Páxina web oficial (en italiano)