Titan (foguete)

Para outras páxinas con títulos homónimos véxase: Titán.

Titan é o nome dunha familia de foguetes espaciais estadounidenses que ten súa orixe no mísil SM-68 Titan, desenvolvido a principios da década de 1960.^[1]^[2]

Historia

Os foguetes Titan desenvolvéronse para cubrir as necesidades da USAF de levar cargas medias a órbita nos anos 1960, competindo en primeiro lugar co Saturno I e máis tarde cos transbordadores espaciais, sobrevivindo a ambos. Con todo non tivo éxito comercial e acabou sendo substituído polos foguetes Delta IV e Atlas V.^[1]^[2]

Orixinalmente tiñan que ter servido para lanzar o avión espacial tripulado X-20A Dynasoar, a Gemini B e as estación MOL, pero todos eses proxectos acabaron cancelados. No seu lugar usáronse para lanzar satélites de comunicación, recoñecemento e escoita electrónica na súa maior parte. Algúns lanzaron tamén sondas espaciais. O último Titan lanzouse o 19 de outubro de 2005.^[1]^[2]

Notas

↑ ^1,0 ^1,1 ^1,2 Mark Wade (2011). "Titan" (en inglés). Consultado o 14 de febreiro de 2018.
↑ ^2,0 ^2,1 ^2,2 Gunter Dirk Krebs (2011). Gunter's Space Page, ed. "Titan family" (en inglés). Arquivado dende o orixinal o 11 de abril de 2016. Consultado o 14 de febreiro de 2018.

Véxase tamén

Outros artigos

SM-68 Titan

[astronautix-1] 1,0 ^1,1 ^1,2 Mark Wade (2011). "Titan" (en inglés). Consultado o 14 de febreiro de 2018.

[gunter-2] 2,0 ^2,1 ^2,2 Gunter Dirk Krebs (2011). Gunter's Space Page, ed. "Titan family" (en inglés). Arquivado dende o orixinal o 11 de abril de 2016. Consultado o 14 de febreiro de 2018.

[1]

[2]