Theodore Kaczynski

Theodore Kaczynski
	; (1996)
Biografía
Nacemento	(en) Theodore John Kaczynski ; 22 de maio de 1942 ; Evergreen Park, Estados Unidos de América (pt)
Morte	10 de xuño de 2023 (81 anos); Federal Medical Center, Butner, Estados Unidos de América (en)
Causa da morte	suicidio, non oficial
Outros nomes	Unabomber
Residencia	Lincoln (pt) (1971–); Unabomber's cabin (en) (1971–); Lombard (pt) (1969–1971); Chicago (1942–); Evergreen Park (pt)
Grupo étnico	Polish Americans (en)
Ideoloxía política	Anarquismo verde (pt)
Relixión	ateísmo
Educación	Universidade de Míchigan - Análise funcional (1962–1967); Universidade Harvard - matemáticas (1958–1962); Evergreen Park Community High School District 231 (en) ; Eliot House (en)
Director de tese	Allen Shields (pt)
Q89547790	Manifesto Unabomber
Altura	175 cm
Actividade
Campo de traballo	Terrorismo e anarquismo
Ocupación	matemático, domestic terrorist (en) , terrorista, ecoloxista, escritor, filósofo, anarquista
Empregador	Universidade de California, Berkeley (1967–1969)
Movemento	anarquismo, anarcoprimitivismo
Influencias	Jacques Ellul (pt)
Obra
	Obras destacables (1964) Another Proof of Wedderburn's Theorem (en) ; (1995) Manifesto do Unabomber (pt) ; (2015) Anti-Tech Revolution: Why and How (en) ;
Outro
Pais	Theodore Richard Kaczynski e Wanda Dombek
Irmáns	David Kaczynski
Condenado por	asasinato (1996) ; → (life imprisonment without the possibility of parole (en) )
	Sinatura

Theodore John Kaczynski, nado en Chicago (Illinois) o 22 de maio de 1942, e finado o 10 de xuño de 2023, máis coñecido co alcume de Unabomber, foi un matemático, filósofo, neoludita e terrorista estadounidense, que se dedicou á fabricación e envío de cartas e paquetes bomba, motivado e influenciado por un pensamento crítico da sociedade actual.^[1]

Traxectoria

Ted Kaczynski amosou grandes capacidades intelectuais dende unha curta idade. Kaczynski graduouse na Universidade de Harvard, obtendo posteriormente un doutoramento en matemáticas pola Universidade de Míchigan. Ao rematar a súa formación académica, comezou a exercer como profesor asociado na Universidade de Berkeley á idade de 25 anos no ano 1967, ata a súa dimisión dous anos máis tarde.

Tras a súa dimisión en Berkeley, Kaczynski mudouse en 1971 a Lincoln, Montana para vivir nunha cabana artesá feita por el mesmo, a cal carecía de electricidade e auga corrente. En 1978 comezou a fabricar bombas, que enviou a distintos obxectivos empregando o Servizo Postal dos Estados Unidos. A súa actividade terrorista durou dende o 1978 ata a súa detención en 1995. Os obxectivos principais de Kaczynski eran universidades e aeroportos. Atentar contra un avión está contemplado como delito federal nos EUA, polo que o caso pasou a mans do FBI, que o nomeou baixo o acrónimo UNABOMB (do inglés University and Airline Bomber)

Manifesto Unabomber

En 1995, Kaczynski escribiu un manifesto denotando os seus principios, titulado A sociedade industrial e o seu futuro. O manifesto foi enviado ao New York Times e o Washington Post baixo o pseudónimo de FC (Freedom Club). No ensaio, amosa o seu descontento coa sociedade tecnolóxica actual, produto da Revolución Industrial, argumentando que a tecnoloxía supón un obstáculo para a liberdade humana. Kaczynski solicitou a publicación íntegra do seu manifesto a cambio de poñer fin á súa actividade terrorista.

Despois de deliberalo, ambos os dos xornais decidiron publicar o manifesto completo, que na cultura popular pasou a coñecerse baixo o alcume de Manifesto Unabomber. Ao mesmo tempo, as autoridades pediron a colaboración cidadá para a súa detención, esperando que algunha persoa recoñecese o xeito de escribir de Ted.

O seu irmán David Kaczynski recoñeceu no manifesto diversas expresión propias do seu irmán e púxose en contacto coas autoridades. Theodore Kaczynski foi detido na súa cabana en Montana o 3 de abril de 1996. No interior, o FBI atopou varios compoñentes para construír bombas así como unha bomba xa preparada, un xornal de 40.000 páxinas con experimentos detallados e descricións dos crimes de Unabomber e o que semellaba ser o manuscrito orixinal do Manifesto Unabomber.

Kaczynski foi condenado a 8 cadeas perpetuas sen posibilidade de liberdade condicional. No momento da súa morte, estaba retido no ADX Florence, un centro penitenciario de máxima seguridade no condado de Freemont, Colorado, cumprindo a súa condena.

Notas

↑ "Ted Kaczynski, o Unabomber, morre aos 81 anos – Notícias do Brasil" (en portugués). Arquivado dende o orixinal o 10 de xuño de 2023. Consultado o 2023-06-10.

Véxase tamén

Ligazóns externas

Manifesto Unabomber orixinal publicado no Washington Post (en inglés)
Manifesto Unabomber (en castelán)

Este artigo sobre unha personalidade é, polo de agora, só un bosquexo. Traballa nel para axudar a contribuír a que a Galipedia mellore e medre.
Existen igualmente outros artigos relacionados con este tema nos que tamén podes contribuír.

[1] "Ted Kaczynski, o Unabomber, morre aos 81 anos – Notícias do Brasil" (en portugués). Arquivado dende o orixinal o 10 de xuño de 2023. Consultado o 2023-06-10.

[1]