Stadio Flaminio

Stadio Flaminio
	Stadio Flaminio
Datos
Coordenadas	41°55′37″N 12°28′20″L / 41.926944, 12.472222
Localización	Roma, Italia
Construción
Inauguración	1959
Arquitecto	Pierluigi e Antonio Nervi
Custo	900000000 Lira italianas
Estadio
Superficie	Céspede natural
Capacidade	32.000
Propietario	Comitato Olimpico Nazionale Italiano (CONI)
Operadora	Comité Olímpico Nacional Italiano, Italian Rugby Federation e Federação Italiana de Futebol
Localía	Capitolina; A.S. Cisco Calcio Roma; Lazio Marines
Web	http://www.stadioflaminio.org
Eventos
	Xogos Olímpicos de 1960;
	[ editar datos en Wikidata ]

O Stadio Flaminio é un centro deportivo situado na cidade de Roma. Sitúase na Vía Flaminia (calzada romana que levaba de Roma a Ariminium), a tres quilómetros do centro da cidade.

Historia

O estadio actual data de xullo de 1957, ano de inicio da súa construción, aínda que xa anteriormente existía un primeiro estadio chamado tamén Stadio Flaminio, construído en 1927 en honra ao Partito Nazionale Fascista, edificado á súa vez no lugar onde había unha construción de 1911, o Stadio Nazionale, que conmemoraba o 50 aniversario do Risorgimento, que ademais fora construído sobre outro antigo estadio, o Stadio Torino, que se caracterizaba por un estilo arquitectónico clásico e moi sobrio.

O deseño do actual estadio débese aos arquitectos Pierluigi e Antonio Nervi, construído pola sociedade Nervi e Bartoli baixo a dirección do enxeñeiro Bruno Magrelli. A súa inauguración oficial se levou a cabo o 12 de marzo de 1959.

Práctica deportiva

O estadio Fliminio foi o estadio principal da selección italiana de rugby até o ano 2011. Acotío o principal usuario do recinto é o fútbol, sendo o estadio onde xoga o A.S. Cisco Roma da Serie C2 da Lega Calcio (a Liga Italiana de fútbol). Tamén é a sede do equipo de fútbol americano Lazio Marines.

Cunha capacidade de 24.973 espectadores (8.000 cubertos), ata o 2011 foi o máis pequeno dos estadios do Torneo das Seis Nacións, debido a iso, en 2012 os azurri cambiáronse para o Stadio Olimpico^[1].

Durante o campionato italiano de fútbol 1989/90 os equipos da Roma e o Lazio xogaron como locais neste campo debido aos traballos de remodelación do Stadio Olímpico con vistas ao Mundial de Fútbol de 1990, organizado por Italia.

Ademais alberga unha piscina cuberta (25 x 10 metros) e diferentes salas para práctica da esgrima, a loita, a halterofilia, o boxeo e a ximnasia.

Notas

↑ Italians ponder switch from Rome (en inglés)

Véxase tamén

Outros artigos

Torneo das Seis Nacións

[1] Italians ponder switch from Rome (en inglés)

[1]