Rampla

Ramplas helicoidais.

A rampla é un elemento arquitectónico que conecta dúas áreas a diferentes alturas, facilitando a transición entre estas.

En diversos lugares de Europa, a pendente de calquera rampla destinada ao tránsito de peóns non debe superar o 8%, para garantir a accesibilidade, incluíndo ás persoas con discapacidade. En Galiza, as características das ramplas están reguladas pola Lei 10/2014, do 3 de decembro, de accesibilidade, polo Decreto 35/2000 e polo Decreto polo que se aproba o regulamento de accesibilidade.

Terminoloxía

Sinal de azulexos en Macau. Os caracteres chineses tradúcense como "Rampla da Guía Mirando o Mar do Leste", incluíndo o kanji 斜 que significa inclinación. En portugués macaense, traducido como "rampa".

Segundo a xeometría descritiva, as ramplas poden ser ramplas planas ou ramplas helicoidais.

Etimoloxía

O termo rampla no dicionario da RAG é o recoñecido para describir un plano inclinado, o mesmo que no Dicionario visual da construción do COAG. A palabra rampante provén da mesma raíz, do francés rampe.

En dicionarios de galego reintegracionista e de portugués inclúese o termo "rampa".

En castelán e catalán existe a palabra rambla, con acepcións relacionadas derivada do árabe "رمل" ramhla, relacionada tamén cun plano inclinado xa que designaba un areal. En portugués o mesmo termo deu rambla e râmola.

Rampla de vehículos

Rampla helicoidal de acceso a un aparcadoiro en Schleswig-Holstein.

As ramplas para vehículos deben manter un ángulo de ataque cunha pendente máxima do 6% para facilitar a accesibilidade. Recoméndase unha pendente media do 12% cando a situación o permita.

Rampla de acceso para cadeiras de rodas na estación de Carrickfergus, Irlanda do Norte.

Rampla peonil

• A normativa técnica xeralmente recomenda anchos mínimos de 0,90 m para accesibilidade en ramplas para permitir o tránsito dunha persoa en cadeira de rodas. A ampliación a 1,50 m para dúas persoas en paralelo é recomendada para garantir unha adecuada accesibilidade.
• Andeis horizontais cada 10 m cunhas dimensións mínimas de 1,50x1,50 m. Esta recomendación é consistente coas directrices xerais para permitir descansos e facilitar as manobras en cadeiras de rodas. As dimensións mencionadas proporcionan suficiente espazo para que os usuarios xiren ou repousen se for necesario.

Acesibilidade

Un desnivel superior a 3,20 m non se considera accesíbel se só se supera mediante ramplas inclinadas. Este criterio busca fomentar solucións de deseño que integren ascensores ou outras alternativas de accesibilidade cando o desnivel é considrábel.

Galería de imaxes

• 
  Rampla en San Petersburgo, Rusia
• 
  Rampla dun barco
• 
  Rampla en escaleiras
• 
  Rampla de acceso a un autobús
• 
  Ramplas no templo de Hatshepsut, en Exipto.

Véxase tamén

Outros artigos

• Accesibilidade
• Barreiras arquitectónicas
• Plano (xeometría)

---

Este artigo sobre arquitectura é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---