Ne-waza

Ne-waza (en xaponés "técnicas de chan") é unha categoría de técnicas de Judo que agrupa as técnicas de katame-waza, cando estas se executan no chan.

O termo ne-waza emprégase ás veces como sinónimo de katame-waza, aínda que non é de todo correcto xa que non todas as técnicas que pertencen ao grupo katame-waza son executadas mentres os combatentes están no chan. Algúns estrangulamentos e luxacións poden ser executadas amén dende unha posición erguida. Por tanto, tendo en conta a terminoloxía do Kodokan, o termo xeral para designar as técnicas de inmobilización, estrangulamento e luxación no Judo é katame-waza, que cando son aplicadas no chan pódese designar coma ne-waza.