Laguardia

Laguardia

Guardia (eu)
Localización
42°33′00″N 2°34′59″O
Estado	España
Comunidade autónoma	País Vasco
Provincia	Áraba
Cuadrillas	Cuadrilla de Laguardia-Rioja Alavesa
Capital	Laguardia
Poboación
Poboación	1.472 (2023) (18,15 hab./km²)
Lingua oficial	lingua castelá (lingua predominante) lingua éuscara
Xeografía
Parte de	Q107556227
Superficie	81,08 km²
Altitude	62 m
Comparte fronteira con	Lapuebla de Labarca Bilar Kripan Lantziego Logroño Oion Fuenmayor Bernedo Samaniego Elciego Lagrán Navaridas Leza Lapoblación
Creación	1168
Organización política
• Alcalde	José Manuel Amezaga Cuende
Identificador descritivo
Código postal	01300, 01308, 01309 e 01321
Fuso horario	UTC+01:00
Código INE	01031
Outro
Irmandado con	Vayres
Sitio web	laguardia.eus

Laguardia (en éuscaro: Guardia) é un municipio situado no sur da provincia de Álava, a 64 km da capital Vitoria, que pertence á comunidade autónoma do País Vasco. Está situado na comarca da Rioxa Arabesa.

Áchase nun cotarelo e está rodeada por unha muralla que mandou levantar o rei Sancho o Forte de Navarra. Aínda se conservan cinco portas de acceso á cidade. Os seus nomes son: Mercadal, Carnicerías, Páganos, San Juan, e Santa Engracia. As súas rúas e recunchos conservan un gran sabor medieval. A súa economía está baseada na industria do viño, con elaboración propia e numerosas adegas.

Topónimo

Durante a Idade Media recibiu nomes como Leguarda, Gardia, Guardia, Guoardia, Lagarde, Lagardia e Laguoardia até que chegou ao actual Laguardia.

Existe certa controversia sobre o nome éuscaro da localidade. A finais do século XIX estendeuse a crenza de que antes da concesión da carta de vila en 1164, a poboación de Laguardia chamábase Biasteri. Moitos viron en Biasteri un topónimo de orixe éuscara e utilizouse até datas recentes como nome en éuscaro da localidade, mais nos últimos anos do século XX filólogos e historiadores chegaron á conclusión de que Biasteri fora o nome antigo da veciña localidade de Viñaspre, non de Laguardia e que polo tanto non cabía realizar dita asociación. Na actualidade a Euskaltzaindia considera que o nome correcto en éuscaro da localidade é Guardia.

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---