Kang Kyung-hwa
_(cropped).jpg) (2019)  | |
| Nome orixinal | (ko) 강경화 |
|---|---|
| Biografía | |
| Nacemento | 7 de abril de 1955 (69 anos) Seúl, Corea do Sur |
36ª Foreign minister of South Korea (en)  | |
| 18 de xuño de 2017 – 8 de febreiro de 2021 ← Yun Byung-se (pt) – Chung Eui-yong (en) → Membro do gabinete: Moon Jae-in Government (en) | |
| Datos persoais | |
| Educación | Universidade de Massachusetts Amherst (pt) Universidade Yonsei |
| Actividade | |
| Ocupación | diplomática, política |
| Empregador | Escritório das Nações Unidas para a Coordenação de Assuntos Humanitários (pt) ONU Cleveland State University (en) |
| Partido político | Partido Demócrata de Corea |
| Participou en | |
| 22 de xaneiro de 2019 | Encontro Anual do Foro Económico Mundial de 2019 |
| 23 de xaneiro de 2018 | Encontro Anual do Foro Económico Mundial de 2018 |
Sinatura _(cropped).jpg) | |
Kang Kyung-hwa (en hangul, 강경화; en hanja, 康京和) nada en Seúl o 7 de abril de 1955, é unha diplomática surcoreana. Desde xaneiro de 2017 é asesora especial para asuntos políticos do Secretario Xeral da ONU António Guterres. Ten unha ampla experiencia en Nacións Unidas desde 2001, primeiro á fronte da delegación diplomática de Corea do Sur na ONU, e desde 2013 na Oficina da ONU para a Coordinación de Asuntos Humanitarios e como alta comisionada adxunta para os Dereitos Humanos.
Traxectoria
[editar | editar a fonte]Kang graduouse na Universidade Yonsei onde completou a súa licenciatura en ciencias políticas e diplomacia. Realizou un mestrado en comunicación e realizou a súa tese en comunicación intercultural na Universidade de Massachusetts Amherst, Estados Unidos.[1]
No inicio da súa carreira profesional, traballou no Korean Broadcasting System en Seúl en programas sobre temas culturais e despois na Radio Internacional de Corea, e daba clases en universidades de Corea do Sur e os Estados Unidos.
Traballou para a Presidenta da Asemblea Nacional de Corea do Sur en temas relacionados con dereitos humanos, avances nos dereitos das mulleres e diplomacia parlamentaria e en diversas organizacións de mulleres en Corea, incluíndo o Consello Coreano da Muller.
En 1998, incorporouse ao Servizo Exterior de Corea. Foi embaixadora para Asuntos Multilaterais e Directora Xeral de Organizacións Internacionais no Ministerio de Exteriores da República de Corea.[1]
Desde 2001 ten relación con Nacións Unidas. Primeiro estivo á fronte da Misión da República de Corea na ONU (2001-2005) momento no que asumiu a presidencia da Comisión da Condición Xurídica e Social da Muller para os períodos de sesións 48.º e 49.º en marzo de 2005 que marcaron o décimo aniversario da Conferencia Mundial sobre a Muller e reafirmou a Declaración de Beixing e a Plataforma de Acción para o avance das mulleres e a igualdade de xénero.[2]
De 2006 a 2013 foi Alta Comisionada Adxunta de Nacións Unidas para os Dereitos Humanos nomeada polo entón Secretario Xeral de Nacións Unidas Kofi Annan.[2]
Tamén foi directora xeral de Organización Internacional no Ministerio de Asuntos Exteriores e Comercio da República de Corea.
O 18 de marzo de 2013, o Secretario Xeral das Nacións Unidas Ban Ki-moon nomeouna Subsecretaria Xeral e Coordinadora Adxunta de Asistencia de Emerxencia da Oficina de Nacións Unidas para a Coordinación de Asuntos Humanitarios (OCHA) substituíndo a Catherine Bragg coa misión de ser a asesora principal do Secretario Xeral da ONU en Asuntos Humanitarios e asegurar a cooperación entre Nova York e Xenebra co terreo.[3]
En decembro de 2016 o novo Secretario Xeral da ONU António Guterres incorporouna ao seu equipo como Asesora especial para asuntos políticos.[4]
Vida persoal
[editar | editar a fonte]Está casada con Yillbyung Le e ten dúas fillas e un fillo.
Recoñecementos
[editar | editar a fonte]- 2006 foi elixida Muller do Ano pola Asociación Coreana de Mulleres Universitarias e o Instituto Coreano de Mulleres e Política.[1]
Notas
[editar | editar a fonte]- ↑ 1,0 1,1 1,2 "Former Deputy High Commissioner". Arquivado dende o orixinal o 03 de xaneiro de 2017. Consultado o 2 de xaneiro de 2017.
- ↑ 2,0 2,1 United Nations (18 de setembro de 2006). "Secretary-General appoints Kyung-wha Kang of Republic of Korea deputy high Commissioner for Human Rights" (en inglés). Consultado o 2 de xaneiro de 2017.
- ↑ "The Under-Secretary-General and Emergency Relief Coordinator | OCHA". Arquivado dende o orixinal o 08 de novembro de 2013. Consultado o 2 de xaneiro de 2017.
- ↑ "Guterres elige a tres mujeres como pilares de su equipo en la ONU". www.efe.com. Arquivado dende o orixinal o 13 de outubro de 2017. Consultado o 2 de xaneiro de 2017.
