Giorgi Kochorashvili
| Biografía | |||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 29 de xuño de 1999  (25 anos)Tbilisi, Xeorxia | ||||||||||||||||||||||||||||||||||||||||||||||||||||||||||||||||||||||
| Altura | 178 cm | ||||||||||||||||||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||||||||||||||||||
| Nacionalidade deportiva | Xeorxia | ||||||||||||||||||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||||||||||||||||||
| Posición de xogo | Centrocampista | ||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||
 | |||||||||||||||||||||||||||||||||||||||||||||||||||||||||||||||||||||||
Giorgi Kochorashvili (en xeorxiano: გიორგი ქოჩორაშვილი), nado en Tbilisi o 29 de xuño de 1999, é un futbolista xeorxiano que xoga como centrocampista do no Levante, da Segunda División. É internacional absoluto coa selección de Xeorxia.
Traxectoria
[editar | editar a fonte]Formado como futbolista na canteira do Saburtalo Tbilisi, debutou co primeiro equipo o 23 de xullo de 2017, nun partido ante o Torpedo Kutaisi.
Nas tempadas 2017/18 e 2018/19 foi cedido ao Girona FC, xogando na primeira delas no conxunto xuvenil e na segunda no filial, o Peralada, da Segunda División B.[1]
En 2019 foi traspasado ao Levante para xogar no seu filial e o 12 de xullo de 2020 debutou co primeiro equipo na Primeira División, substituíndo a Rubén Rochina nunha derrota por 2-1 ante o Athletic de Bilbao.[2]
Na tempada 2022/23 xogou cedido no Castellón, da Primeira Federación.[3]
Selección xeorxiana
[editar | editar a fonte]Internacional coas categorías inferiores de Xeorxia, militou nos equipos sub-19 e sub-21.[4] O 12 de setembro de 2023 debutou coa selección xeorxiana absoluta, nunha derrota por 2-1 ante Noruega.[5]
Participou nos dous partidos de play-off, correspondentes á clasificación para a Eurocopa de 2024 e na final contra Grecia anotou o seu lanzamento na quenda de penaltis, contribuíndo así á primeira clasificación da historia do seu país para o máximo torneo continental.[6]
No primeiro partido da Eurocopa contra Turquía, Kochorashvili deulle unha asistencia a Georges Mikautadze cun centro á área, que este converteu no primeiro gol de Xeorxia nun torneo internacional.[7]
Na tempada 2024/25 da Liga das Nacións da UEFA, Kochorashvili marcou nos dous primeiros partidos, incluíndo o gol da vitoria contra Albania.[8]
Notas
[editar | editar a fonte]- ↑ "El nou Peralada comença a reforçar-se des del juvenil" (en catalán). 26 de xuño de 2018. Consultado o 26 de outubro de 2024.
- ↑ "Raúl García marca la diferencia". Marca (en castelán). 12 de xullo de 2020. Consultado o 26 de outubro de 2024.
- ↑ "El Levante UD y el CD Castellón acuerdan la cesión de Giorgi Kochorashvili hasta final de temporada" (en castelán). Archived from the original on 30 de agosto de 2022. Consultado o 01 de decembro de 2024.
- ↑ "Giorgi Kochorashvili makes his debut in the call-up for the Georgian National Team" (en inglés). 31 de agosto de 2023. Consultado o 26 de outubro de 2024.
- ↑ "Norway 2-1 Georgia". UEFA. Consultado o 26 de outubro de 2024.
- ↑ "Georgia 0-0 Greece". UEFA (en inglés). Consultado o 26 de outubro de 2024.
- ↑ "Guler stunner helps Turkey to 3-1 win over Georgia in thriller" (en inglés). 18 de xuño de 2024. Consultado o 26 de outubro de 2024.
- ↑ "Albania 0-1 Georgia". UEFA (en inglés). Consultado o 26 de outubro de 2024.
