Crema pasteleira

Unha cunca con crema pasteleira e canela.

A crema pasteleira ou simplemente crema é unha crema elaborada con xemas de ovo, azucre, leite e fariña, e aromatizada con vainilla, canela ou rela de limón, que se emprega para reencher ou decorar tortas e pasteis.

É a base de moitas cremas tradicionais como:

• a crema catalá
• a crème brûlée
• a crema de ovo
• a custard británica

Emprégase a miúdo como recheo de pasteis.

Variantes

A partir da crema pasteleira pódense elaborar diversas cremas derivadas. Estas son algunhas:

• Crema pasteleira de sabores: é unha crema pasteleira á que se lle engade, segundo o caso, cacao, esencia de café ou café solúbel, ron ou whisky ou outros licores, esencia de limón ou laranxa etc.
• Crema cocida lixeira: á crema pasteleira morna engádenselle claras de ovo a punto de neve.
• Crema Saint-Honoré ou crema Chiboust: é unha mesntura de crema pasteleira e merengue italiano.
• Crema diplomática: á crema pasteleira engádeselle crema chantillí. É unha variante da anterior.
• Crema muselina: crema pasteleira con manteiga.
• Crema frangipane: crema pasteleira mesturada con crema de améndoa.