Chapáiev

Chapáiev
	Filme de 1934
Ficha técnica
Título orixinal	Чапаев
Director	irmáns Vassiliev
Baseado en	Na novela homónima, á súa vez no personaxe real
Intérpretes	Boris Babotskin, Boris Blinov, Illarion Pevtsov, Varvara Miasnikova, Leonid Kmit, Gueorgui Jjionov, Boris Chirkov, Nikolai Simonov, Sergei Vassiliev, Stepan Krilov
Duración	90'
Xénero	Realismo; Bélico
Na rede

Chapáiev (en ruso: Чапаев ) é unha película soviética rodada en branco e negro en 1934.

Historia

Foi dirixida polos irmáns Vassiliev (Georgy e Sergei), da produtora Lenfilm. Este filme biográfico conta a historia de Vassili Ivanovich Chapáiev (1887-1919), un lendario comandante do Exército Vermello que se converteu nun heroe da Guerra civil rusa.

Trama

Está baseada na novela homónima escrita por Dmitri Furmanov, un escritor ruso e comisario bolxevique que loitou xunto a Chapáiev.

Sinopse

O protagonista é Vassili Ivanovich Chapáiev, un comandante bolxevique da Guerra civil rusa. O guión está baseado no libro homónimo de Dmitri Furmanov.^[1] Furmanov era de feito o comisario político da división comandada por Chapáiev. O seu libro, porén, é unha novela e non só un documental.^[2] Na película, Furmanov aparece en persoa como un dos personaxes principais. A imaxe épica de Chapáiev creada por Boris Babotskin é a dun home inculto e de conciencia política pouco confirmada, pero que entendía instintivamente os obxectivos dos bolxeviques e a guerra revolucionaria. (O histórico Chapáiev era un home máis complexo). Nunha escena famosa, o comandante cóntalle a un dos seus subordinados un ataque contra brancos usando patacas que simbolizaban tal ou cal grupo militar. Entre os personaxes principais atópanse Petka, unha moza axudante de campo de Chapáiev, e unha moza, Anka, que se encarga da metralleta. Na escena final, Chapáiev morre afogado no río Ural.^[3]

Recoñecementos

Alén dos premios dentro da Unión Soviética, foi galardoada entre outros como Mellor Película Estranxeira pola National Board of Review dos Estados Unidos en 1935 e co Gran Premio da Exposición Internacional de París en 1937.

Repercusión

O filme foi ben distribuído. Inmediatamente despois da súa estrea (o 6 de novembro de 1934 en Leningrado no Titan Cinema), converteuse nunha das creacións máis populares da historia do cine soviético. O primeiro ano foi visto por 30 millóns de persoas só na URSS.

Após a estrea da película, Chapaiév e os seus colaboradores Petka e Anka convertéronse en personaxes recorrentes do folclore ruso. Este trío, xunto co seu comisario político Furmanov, están presentes nunha gran cantidade de chistes rusos.

Durante a Guerra civil española estreouse na zona republicana, onde tivo bastante éxito, xa que unha columna das Brigadas Internacionais recibiu o nome de Chapáiev. Josep Renau realizou os carteis publicitarios da película para a súa estrea en Valencia.

Sobre Vasili Chapáiev fixéronse moitas outros filmes despois deste primeiro, catro en tempos da URSS (dúas películas de animación, unha curta e outra longametraxe en 1968) e, despois de 1992, outras catro longas e tres series de televisión, incluída a coprodución ucraíno-rusa Страсти по Чапаю "Paixón por Chapáiev" ^[4]

O presidente de Rusia Vladimir Putin describiu o Chapáiev de 1934 como o seu filme favorito.^[5]

Elenco

Boris Babotskin: Chapáiev
Boris Blinov: Furmanov
Illarion Pevtsov: Coronel Borozdin
Varvara Miasnikova: Anna
Leonid Kmit: Petka
Gueorgui Jjionov: Tereixa
Boris Chirkov: Agricultor
Nikolai Simonov: Jikharev
Sergei Vassiliev
Stepan Krilov: Potapov

Notas

↑ Jay Leyda (1976). L'Âge d'Homme, ed. Kino Histoire Du Cinema Russe Et Sovietique (en francés). p. 364-365.
↑ Justus Grant Hartzok. Dissertation PhD (Doctor of Philosophy). Universitat d' Iowa, ed. "«Children of Chapaev: the Russian Civil War cult and the creation of Soviet identity, 1918-1941.»" (en inglés). Arquivado dende o orixinal o 29 de abril de 2021. Consultado o 15 de maio de 2022.
↑ (en inglés)Peter Rollberg (2008). Scarecrow Press, ed. Historical Dictionary of Russian and Soviet Cinema. ISBN 978-0-8108-6268-5.
↑ "Страсти по Чапаю". KinoGo.Biz фильмы и сериал смотреть онлайн (en ruso). Consultado o 2022-05-15.
↑ Center, Whitney Humanities; Haven, Auditorium See map 53 Wall Street New; Ct 06511 (2017-09-10). "CHAPAYEV - RED CENTURY: THE RUSSIAN REVOLUTION ON FILM SCREENING". The MacMillan Center (en inglés). Consultado o 2022-05-15.

Véxase tamén

Ligazóns externas

Filme Chapáiev, dos irmáns Vasiliev (en ruso con subtítulos en castelán)

[1] Jay Leyda (1976). L'Âge d'Homme, ed. Kino Histoire Du Cinema Russe Et Sovietique (en francés). p. 364-365.

[childtchap-2] Justus Grant Hartzok. Dissertation PhD (Doctor of Philosophy). Universitat d' Iowa, ed. "«Children of Chapaev: the Russian Civil War cult and the creation of Soviet identity, 1918-1941.»" (en inglés). Arquivado dende o orixinal o 29 de abril de 2021. Consultado o 15 de maio de 2022.

[3] (en inglés)Peter Rollberg (2008). Scarecrow Press, ed. Historical Dictionary of Russian and Soviet Cinema. ISBN 978-0-8108-6268-5.

[4] "Страсти по Чапаю". KinoGo.Biz фильмы и сериал смотреть онлайн (en ruso). Consultado o 2022-05-15.

[5] Center, Whitney Humanities; Haven, Auditorium See map 53 Wall Street New; Ct 06511 (2017-09-10). "CHAPAYEV - RED CENTURY: THE RUSSIAN REVOLUTION ON FILM SCREENING". The MacMillan Center (en inglés). Consultado o 2022-05-15.

[1]

[2]

[3]

[4]

[5]