Bertie Auld

Bertie Auld

Biografía
Nacemento	(en) Robert Auld 23 de marzo de 1938 Glasgow, Reino Unido
Morte	14 de novembro de 2021 (83 anos) Glasgow, Reino Unido
Causa da morte	morte natural
Altura	1,67 m
Actividade
Ocupación	futbolista, adestrador de fútbol
Nacionalidade deportiva	Escocia
Deporte	fútbol
Posición de xogo	Centrocampista
Traxectoria   Equipo 1955–1961 Celtic F.C. 74 (17) 1956–1957 → cesión:  Dumbarton Football Club 15 (8) 1961–1965 Birmingham City 126 (26) 1965–1971 Celtic F.C. 102 (36) 1971–1973 Hibernian F.C. 11 (3)   Selección nacional 1958–1965 Scottish Football League XI 2 (0) 1959–1959   Escocia 3 (0)

Robert Auld, nado en Maryhill o 23 de marzo de 1938 e finado o 14 de novembro de 2021, foi un xogador de fútbol escocés, que xogaba de centrocampista. Popularmente coñecido coma Ten Thirty por xogar co número dez e estar preto dos trinta cando quedou campión europeo. Destacou no Celtic no que formou parte daquel equipo dos Lisbon Lions que acadara o éxito de saír gañador da Copa de Europa no 1967. Tamén foi adestrador.

Traxectoria

Chegou ó Celtic do Maryhill Harp o 2 de abril do 1955 debutando prós verdibrancos dous anos despois fronte ó Rangers. No 1961 foi probar sorte ó Birmingham City onde ficou deica 1965, ano no que volta a Celtic Park para vivi-la súa etapa máis sobresaínte coma futboleiro que remataría en 1971 cando marcha rumbo ó Hibernian cara onde chega coma axente libre. Nesa segunda época en Celtic Park é na que xoga a maior parte dos 279 partidos co conxunto católico e na que consegue tamén a maior parte dos seus 85 tantos.

Coa Selección de fútbol de Escocia non foi moi afortunado ó tan só ter xogado 3 encontros coma internacional nos que non achou o gol na portaría rival. O máis salientable nas súas aparicións co conxunto nacional foi o cartón vermello que recibiu nun amigable contra os Países Baixos que rematou cun 1-2 no 1959.

Na súa etapa de adestrador dirixiu dobremente ó Partick Thistle e nunha estadía ó Hibernian e ó Dumbarton F.C..