Astérix
- Véxase tamén: Astérix (satélite).
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
| Astérix | |
|---|---|
 Logo de Astérix. | |
| Autor(es) | Albert Uderzo (debuxante) René Goscinny (guionista) |
| Páxina web | www.asterix.com |
| Data de lanzamento | 29 de outubro de 1959 |
| Data de remate | En curso |
| Editor(es) | Dargaud |
| Xénero(s) | Cómico-Satírico |
Astérix é o personaxe principal da banda deseñada do mesmo nome, creado en 1959 polos franceses René Goscinny (guionista) e Albert Uderzo (debuxante). Na serie de títulos correspondente, desenvólvese unha visión moi particular e cómica da antiga Galia (Francia no Imperio Romano) na que unha pequena aldea gala loita de diversos xeitos e en diversos lugares contra un invasor presentado como parvo. Para gañaren as pelexas cos romanos, os galos toman unha poción máxica que lles proporciona unha forza sobrehumana. Os orixinais gags cómicos da serie fan que hoxe en día sexa o máis coñecido de todos os cómics franceses. Tras a morte de Goscinny en 1977, Uderzo seguiu adiante coa publicación da serie coa colaboración da súa filla Anna.
Historia
[editar | editar a fonte]"Estamos no ano 50 antes de Cristo. Toda a Galia foi ocupada polos romanos... Toda? Non! Unha aldea poboada por irredutíbeis galos aínda resiste ao invasor. E a vida non é nada fácil para as gornicións de lexionarios romanos nos campos fortificados de Babaorum, Aquarium, Laudanum, e Petibonum...”
Esta cita é o prólogo de todas as edicións dos libros de Astérix.
O pequeno Astérix, o galo, vive na súa aldea resistindo, cos seus amigos, o dominio romano. Para enfrontaren os centurións, contan coa axuda da poción máxica preparada polo druída Panoramix. Todos os galos toman a poción menos Obélix, que caeu no pote da beberaxe cando aínda era bebé e por iso posúe de seu unha superforza.
Personaxes principais
[editar | editar a fonte]
- Astérix: o heroe destas aventuras, Astérix é un pequeno guerreiro galo de bigotes amarelos, listo e enxeñoso. É el quen sempre resolve os problemas aos que se enfrontan os habitantes da aldea gala.
- Obélix: galo gordo e alto, repartidor de menhires. É o mellor amigo de Astérix e acompáñao sempre nas súas aventuras. Obélix caeu cando era un neno na marmita de poción máxica e por iso os efectos da poción son permanentes. Para a súa desgraza, nunca lle deixan probar un pouquiño dela.
- Panorámix: o ancián druída da aldea, canda Astérix é o único de toda a vila con sentido común. É o único que coñece a receita da poción máxica.
- Abraracúrcix: xefe da vila, oufano pero tamén autoritario cando é necesario. Está tan louco como o resto da aldea.
- Karabella: esposa do xefe, ten moi mal xenio e non dubida en zoscar a quen a faga alporizar.
- Asegurancetúrix: bardo da vila, aínda que as súas dotes como cantante deixan moito que desexar. De cando en vez algún dos habitantes dálle un golpe para silencialo.
- Ideafix ou Idéfix: o pequeno can de Obélix.
Moitos destes nomes son xogos de palabras no orixinal francés:
- Astérix ven por asterisque ("asterisco", por ser pequeno);
- Obélix por obelisque ("obelisco", por ser grande);
- Ideáfix por idée fixe ("idea fixa");
- Aseguracetúrix probabelmente por Assurance à tout risque (seguro a todo risco).
Libros
[editar | editar a fonte]- Astérix o Galo (1961)
- O fouciño de ouro (1962)
- Astérix e os godos (1963)
- Astérix gladiador (1964)
- A volta á Galia de Astérix (1965)
- Astérix e Cleopatra (1965)
- O combate dos xefes (1966)
- Astérix en Britania (1966)
- Astérix e os normandos (1967)
- Astérix lexionario (1967)
- Le Bouclier Arverne (1968)
- Astérix nos Xogos Olímpicos (1968)
- Astérix et le Chaudron (1969)
- Astérix en Hispania (1969)
- A cizaña (1970)
- Astérix na Helvecia (1970)
- Le Domaine des Dieux (1971)
- Os loureiros do César (1972)
- Le Devin (1972)
- Astérix en Corse (1973)
- O regalo do César (1974)
- A gran travesía (1975)
- Obélix et Compagnie (1976)
- Astérix na terra dos belgas (1979)
- O gran foxo (1979)
- A odisea de Astérix (1981)
- O fillo de Astérix (1983)
- Astérix chez Rahàzade (1987)
- La Rose et le Glaive (1991)
- La Galère d'Obélix (1996)
- Astérix et Latraviata (2001)
- Astérix et la Rentrée gauloise (2003)
- Le Ciel lui tombe sur la tête (2005)
- O aniversario de Astérix e Obélix. O libro de ouro (2009)
- Astérix e os pictos (2013)
- O papiro do César (2015)
- Astérix en Italia (2017)
- A filla de Vercinxetórix (2019)
- Astérix e o grifón (2021)
- O lirio branco (2023)
Cinema
[editar | editar a fonte]As historias de Astérix transformáronse en filmes de animación, que foron emitidos na TVG, e filmes con actores, estreados con moito éxito.
Animación
- Astérix o Galo (Astérix, le Gaulois) - 1967
- Astérix e Cleopatra (Astérix et Cléopâtre) - 1968
- As doce probas de Astérix (Les 12 travaux d'Astérix) - 1976
- Astérix e a sorpresa do César (Astérix et La Surprise de César) - 1985
- Astérix en Bretaña (Astérix chez les Bretons) - 1986
- Astérix e o golpe do menhir (Astérix et le Coup du menhir) - 1989
- Astérix en América (Astérix et les indiens) - 1995
- Astérix et les Vikings - 2006
- Astérix e a residencia dos deuses - 2014
Con actores
- Astérix et Obélix contre César (1999) - De Claude Zizi. Con Gérard Depardieu (Obélix) e Christian Clavier (Astérix)
- Astérix et Obélix: Mission Cléopâtre (2002) - De Alain Chabat. Con Gérard Depardieu (Obélix), Christian Clavier (Astérix), Monica Bellucci (Cleopatra).
- Astérix aux Jeux Olympiques (2008)
- Astérix & Obélix: Au service de Sa Majesté (2012)
Parque Astérix
[editar | editar a fonte]Parque temático inaugurado en 1989 en París. Posúe diversas atraccións, como xogos e espectáculos, alén de persoas enfeitadas como os personaxes das historias. A pesar do alusión do heroe nacional, sofre coa concorrencia da EuroDisney, tamén sita en París.
