Afonso XII de España

Afonso XII de España
	;
Nome orixinal	(es) Alfonso XII
Biografía
Nacemento	(es) Alfonso Francisco de Asís Fernando Pío Juan María de la Concepción Gregorio Pelayo de Borbón y Borbón . ; 28 de novembro de 1857 ; Palacio Real de Madrid, España
Morte	25 de novembro de 1885 (27 anos); Palacio Real de El Pardo, España
Causa da morte	tuberculose; disentería
Lugar de sepultura	Cripta Real do Mosteiro do Escorial
Monarca de España
	29 de decembro de 1874 – 25 de novembro de 1885 ; ← Amadeu I de España – Afonso XIII de España →
Xefe de Estado de España
	29 de decembro de 1874 – 25 de novembro de 1885
Príncipe de Asturias
	1857 – 1868 ; ← Isabel de Borbón y Borbón – Isabel de Borbón y Borbón →
Datos persoais
Residencia	Palacio Real de Madrid
Relixión	Igrexa católica
Educación	Royal Military College, Sandhurst (en) (1872–); Academia Militar Theresiana (pt) (–1872); Collège Stanislas (París) ; Theresianum (en)
Actividade
Campo de traballo	Política
Ocupación	monarca
Outro
Título	Rei de España ; Rei de León ; Rei de Galicia ; Rei de Granada ; Rei de Navarra ; Rei de Castela ; Rei de Aragón ; Rei de Xerusalén
Familia	Casa de Borbón-Anjou
Cónxuxe	María Cristina de Habsburgo-Lorena (1879–); María de las Mercedes de Orleans (1878–)
Parella	Adelaide Borghi-Mamo ; Elena Sanz y Martinez de Arrizala
Fillos	Alfonso Sanz y Martínez de Arrizala; () Elena Sanz y Martinez de Arrizala; María de las Mercedes de Borbón y Habsburgo-Lorena; () María Cristina de Habsburgo-Lorena; Fernand Sanz; () Elena Sanz y Martinez de Arrizala; María Teresa de Borbón; () María Cristina de Habsburgo-Lorena; Afonso XIII de España; () María Cristina de Habsburgo-Lorena
Pais	Francisco de Asís de Borbón e Isabel II de España
Irmáns	Fernando Francisco de Bourbon; Maria de Pilar, Infanta de Espanha; Isabel de Borbón y Borbón; Baia de Borbón; Maria da Paz, Infanta de Espanha; Maria da Conceição de Bourbon; Infante Francisco de Asís of Spain
Premios
	(24 de outubro de 1881) Knight of the Garter (en) ; (1881) Royal Order of Kamehameha I (en) ; (23 de outubro de 1877) Real Orde dos Serafíns; (29 de decembro de 1874) Grand Master of the Order of the Golden Fleece (en) ; (29 de decembro de 1874) Gran Mestre da Orde de Santiago; (3 de outubro de 1864) Cabaleiro Gran Cruz da Orde do León Neerlandés; (7 de decembro de 1857) Gran Cruz da Orde de Carlos lll; (7 de decembro de 1857) Gran Cruz da Orde de Isabel a Católica; (7 de decembro de 1857) Cabaleiro da Orde do Vélaro de Ouro; Orde de Santo Alexandre Nevsky; Orde de Santo André; fillo ilustre de Palma.; Gran Cruz da Lexión de Honra; Cabaleiro da Gran Cruz da Orde dos Santos Mauricio e Lázaro; Orde Suprema da Santísima Anunciación; Cabaleiro da Gran Cruz da Orde da Coroa de Italia ;
	Sinatura
Descrito pola fonte	Gran Enciclopedia Galega Silverio Cañada; Dicionario Enciclopédico Brockhaus e Efron, (sec:Альфонс XII); Enciclopedia de Otto, (sec:Alfons)

Afonso XII, alcumado O Pacificador, nado en Madrid o 28 de novembro de 1857 e finado en El Pardo (Madrid) o 25 de novembro de 1885, foi rei de España entre 1875 e 1885.

Era fillo da raíña Isabel II e do seu curmán, o príncipe Francisco de Asís de Borbón, aínda que diversas fontes apuntan a que o seu proxenitor verdadeiro é o capitán de tenentes Henrique Puig Moltó, coñecido amante da súa nai.

Traxectoria

Sendo aínda un neno os seus pais foron destronados pola revolución de 1868, "La Gloriosa", e foron obrigados a exiliarse, polo que se educou en diversas cidades europeas como París, Viena etc. A súa nai renunciou ao seu cargo como raíña en favor do seu fillo, nun documento que firmou en París en 1870. Nestes anos sucedéronse varios gobernos provisionais (1868-70), o reinado de Amadeu I de Savoia e a Primeira República española (1873-1874). Esta foi liquidada polo xeneral Pavía, e grazas a isto, abriuse un período de gobernos provisionais. Durante esta etapa histórica (sexenio Revolucionario).

O 1 de decembro, Afonso fixo público un manifesto (Manifesto de Sandhurst), presentándose aos españois como príncipe católico, español, constitucional e desexoso de servilos. O 29 de decembro de 1874 prodúcese a restauración da monarquía en España. Naquel momento, o xefe do estado era o xeneral Serrano, imposto a raíz do golpe de estado do xeneral Manuel Pavía que supuxera a caída da Primeira República. O xefe de goberno provisional era Práxedes Mateo Sagasta.

En xaneiro de 1875 chegou a España e foi proclamado rei perante as Cortes Españolas. O seu reinado consistiu en restaurar a monarquía e o país arranxando as disputas internas, adquirindo así o seu alcume de "Pacificador".

Un ano máis tarde, en 1876, aprobouse a nova Constitución. Durante ese ano rematou a terceira guerra carlista.

Afonso XII realizou en 1883 unha visita oficial a Bélxica, Austria, Alemaña e Francia. Alemaña tratou de ocupar as illas Carolinas, naquel momento baixo dominio español, provocando un incidente entre os dous países que se saldou a favor de España coa sinatura do acordo hispanoalemán en 1885. Ese mesmo ano atopouse un gromo de cólera en Aranjuez.

Pouco despois o rei morreu de tuberculose o día 25 de novembro de 1885 no Palacio del Pardo en Madrid.

Matrimonio

Casou dúas veces, primeiro coa súa curmá, María de las Mercedes de Orleáns, filla dos duques de Montpensier,^[1] quen morreu de tifo uns meses despois de casaren. Despois casou con María Cristina de Habsburgo-Lorena, con quen tivo tres fillos.

Fillos

María de las Mercedes (1880 - 1904), princesa de Asturias.
María Teresa (1882- 1912), infanta de España.
Afonso XIII (1886 - 1941), rei de España, naceu tras a morte do seu pai.

Notas

↑ Comellas García-Llera, José Luis (2014). Historia de España contemporánea (10ª ed.). RIALP. p. 256. ISBN 978-84-321-4346-5.

Véxase tamén

Outros artigos

Predecesor:
Ningún
(Francisco Serrano,
Presidente da República)

Rei de España
1874 - 1885

Sucesor:
Afonso XIII

[1] Comellas García-Llera, José Luis (2014). Historia de España contemporánea (10ª ed.). RIALP. p. 256. ISBN 978-84-321-4346-5.

[1]