Alfonso Martínez

Alfonso Martínez

Biografía
Nacemento	24 de xaneiro de 1937 Zaragoza, España
Morte	17 de abril de 2011 (74 anos) Barcelona, España
Altura	194 cm
Actividade
Ocupación	baloncestista, adestrador
Deporte	baloncesto
Posición de xogo	Pivote
Traxectoria   Deporte base – RCD Espanyol (baloncesto)   Equipo 1953–1955 FC Barcelona Bàsquet 1955–1956 CB Aismalíbar 1956–1958 Real Madrid Baloncesto 1956–1969   España 1958–1961 FC Barcelona Bàsquet 1961–1962 Club Joventut de Badalona 1962–1966 Picadero JC 1966–1972 Club Joventut de Badalona 1972–1975 CE Mataró 1975–1976 Club Baloncesto Breogán
Participou en
1969	Campionato Europeo de Baloncesto Masculino de 1969
1968	Xogos Olímpicos de 1968
8 de setembro de 1967	Jogos do Mediterrâneo de 1967 (pt)
1967	EuroBasket 1967 (pt)
1963	EuroBasket 1963 (pt)
1963	Jogos do Mediterrâneo de 1963 (pt)
1961	EuroBasket 1961 (pt)
1960	Xogos Olímpicos de 1960
1959	EuroBasket 1959 (pt)
1959	Jogos do Mediterrâneo de 1959 (pt)
Familia
Irmáns	José Luis Martínez

Alfonso Martínez Gómez, nado o 24 de xaneiro de 1937 en Zaragoza (Aragón) e finado o 17 de abril de 2011 en Barcelona (Cataluña) aos 74 anos, foi un ex xogador profesional de baloncesto internacional español. Cunha altura de 1,94 metros xogaba na posición de pivote. Contaba cunha forte personalidade e unha gran capacidade tanto anotadora como reboteadora, sendo considerado un dos mellores baloncestistas de España da súa época.

Traxectoria

Formado no baloncesto catalán, desenvolveu unha longa carreira baloncestística, tamén case sempre dentro de clubs cataláns, repleta de éxitos ao longo das dezanove tempadas consecutivas que xogou na Liga española; feito que supón un rexistro histórico e só superado por Joan Creus.

Alfonso Martínez xogou nos mellores equipos de España, e sempre acompañado de éxito. Ao longo da súa carreira gañou catro Ligas españolas, sendo ademais no único xogador que o conseguiu con tres equipos distintos, o FC Barcelona, o Real Madrid e o Club Joventut de Badalona. Este feito repítese coa Copas do Rei, gañando catro e tamén sendo o único en facelo con catro equipos diferentes, o FC Barcelona, o Real Madrid e o Club Joventut de Badalona e Picadero. Tamén xogou entre outros equipos históricos no Breogán de Lugo.

A nivel persoal, foi tres veces o máximo anotador da Liga (1957, 1958 e 1967. Tamén foi na súa época titular indiscutible coa selección de baloncesto de España, non en van disputou un total de 146 partidos internacionais, participando nos Xogos Olímpicos de 1960 en Roma e nos de México 1968, no Mundial de Chile de 1966 e en cinco Europeos: 1959, 1961, 1963, 1967 e 1969, sendo o máximo reboteador no de 1967. Unha vez retirado como xogador en activo adestrou ao Club Baloncesto Valladolid e ao Bàsquet Manresa.

Equipos

• FC Barcelona (1953–1955).
• Aismalíbar (1955–1956).
• Real Madrid (1956–1958).
• FC Barcelona (1958–1961).
• Joventut (1961–1962).
• Picadero (1962–1966).
• Joventut (1966–1972).
• Mataró (1972–1975).
• Breogán Lugo (1975–1976).

Títulos

Club

• 4× Ligas España (1957, 1958, 1959, 1967).
• 4× Copas do Rei (1957, 1959, 1964, 1969).

Individual

• 4× Ligas España (1957, 1958, 1959, 1967).
• 4× Copas do Rei (1957, 1959, 1964, 1969).
• 3× Máximo anotador de Primeira (ACB).
  • 1957 (18,0).
  • 1958 (17,2).
  • 1967 (22,1).
• 1× Máximo reboteador do EuroBasket 1967 coa Selección de baloncesto de España.
• 146 veces internacional coa Selección de baloncesto de España.

Véxase tamén

Ligazóns externas

• Reportaxe sobre Alfonso MartínezArquivado 03 de decembro de 2010 en Wayback Machine.