A versión para imprimir xa non se actualiza e pode conter erros de renderizado. Actualice os marcadores do seu navegador e empregue mellor a función de impresión propia do navegador.
Rotuma é unha illa volcánica do Pacífico Sur, pertencente ás Illas Fidxi. Cuns illotes próximos forman unha dependencia, tendo a maior autonomía dunha subdivisión en Fidxi, debido a que os seus habitantes teñen unha cultura máis parecidas ás illas polinesias do leste como Tonga, Samoa... Ademais conta cunha lingua distintiva. Estas illas montañosas, cubertas de vexetación, con abundantes precipitacións están situadas nas coordenadas 12º35'S 177º10'E, aproximadamente a 465 quilómetros ao norte de Fidxi. A illa de Rotuma mide 13 quilómetros de longo e 4 de ancho, cunha área de 43 km². A súa poboación en 1996 (censo) era de 2.810. Debido ao seu tradicionalismo os seus habitantes opóñense á chegada do turismo. Practícase unha agricultura de subsistencia. A copra representa a maior produción da illa. Ahau é a capital e Motusa a principal cidade e porto. Foi descuberta por un capitán de mariña británico Edward Edwards en 1791 e anexionada por Gran Bretaña en 1881.
