Yuli Tamir

Yuli Tamir
	; (2011) Irudi gehiago
; Europako Kontseiluko Batzar Parlamentarioko Ordezkaria
; Europako Kontseiluko Batzar Parlamentarioko Ordezkaria
Minister of Science, Culture and Sport (en)
Education Minister of Israel (en)
Knesseteko kide
Minister of Immigration and Absorption (en)
Bizitza
Jaiotza	Tel Aviv eta Erresuma Batua, 1954ko otsailaren 26a (70 urte)
Herrialdea	Israel
Hezkuntza
Heziketa	Oxfordeko Unibertsitatea ; Jerusalemgo Unibertsitate Hebrearra
Hizkuntzak	hebreera; ingelesa
Jarduerak
Jarduerak	politikaria, pedagogoa, politologoa, filosofoa eta unibertsitateko irakaslea
Lantokia(k)	Jerusalem
Enplegatzailea(k)	Harvard Unibertsitatea ; Tel Aviv University (en)
Kidetza	Europako Kontseiluko Legebiltzarra
Sinesmenak eta ideologia
Alderdi politikoa	Israelgo Alderdi Langiletiarra

Yael "Yuli" Tamir (hebreeraz: יולי תמיר‎; Tel Aviv, 1954ko otsailaren 26a) akademiko eta politikari ohi israeldar bat da, zeina 2003 eta 2010 artean izan baitzen Knesset-eko kide Partidu Laboristarekin, eta Immigranteen Absortziorako ministroa eta Hezkuntza ministroa. 2010 ezkero Ingeniaritza eta Diseinuko Shenkar Unibertsitateko presidente da.^[1]

Biografia

Tel Aviv hirian jaioa (zenbaitek dio Ramat Gan hirian jaio zela, Tel Aviv-etik hurbil), soldadutza egin bitartean Tamirrek lan egin zuen Inteligentzia Militarreko Zuzendaritzako 848 unitatean, eta Yom Kippur Gerran ofizial moduan aritu zen talde aitzindari batean, Sinain. Jerusalemgo Hebrear Unibertsitatean Biologian lizentziatu eta Zientzia Politikoetan masterra atera zuen. Oxford Unibertsitatean, berriz, Filosofia Politikoan doktoratu zen. 1989 eta 1999 artean Filosofia irakatsi zuen Tel Aviv Unibertsitatean, ikertzen zuen bitartean Shalom Hartman Institutuan, Jerusalemen, eta Princeton eta Harvard unibertsitateetan.

Tamir Peace Now mugimenduaren sortzailetako bat izan zen 1978an, eta 1980 eta 1985 artean Ratz ezkerreko partiduan aritu zen. 1998tik 1999ra Israelgo Eskubide Zibilen Elkarteko lehendakaria izan zen. 1995ean Partidu Laboristan sartu zen. Nahiz eta 1999ko hauteskundeetan Tamirrek lortu ez aulki bat Knesseten, Ehud Barak orduko lehen ministroak izendatu zuen Immigranteen Absortziorako ministro. 2003ko hauteskundeetan Knesseteko parlamentario hautatu zuten, eta lan egin zuen batzorde hauetan: finantzak, konstituzioa, legea eta ordena, input publikoa, kultura eta kirolak. Halaber, lan egin zuen gobernuaren ustelkeria aztertzen zuen ikerketa batzordean.

2006ko hauteskundeetan berriz hautatu zuten Knesseterako, eta Hezkuntza ministro izendatu zuten Ehud Olmert-en Kadima koalizioko gobernuan, 2006tik 2009ra. Orobat, lan egin zuen jarduneko ministro gisa Zientzia, Kultura eta Kirol karteran, Ophir Pines-Paz ministroak dimititu ondoren, 2006ko azarotik 2007ko martxora. Bederatzigarren zihoala bere partiduaren zerrendan, eutsi egin zion aulkiari 2009ko hauteskundeetan. Dena dela, 2010ean dimisioa aurkeztu zuen, eta presidente bihurtu zen Ingeniaritza eta Diseinuko Shenkar Unibertsitatearena.

Tamir pertsona eztabaidatua izan da Israelen. Hezkuntza ministroa zela, onartu zuen historia testuliburu bat haur arabiarrentzat, non nabka deitzen zitzaion Israelen Independentzia gerrari, alegia, hondamendia. Hori zela-eta, oposizioko buruzagiek haren dimisioa eskatu zuten. Tamirrek, ordea, defendatu zuen beraren jarrera, “Arabiarren sentipenei ere ahotsa emateko modutzat”. 2008ko abuztuaren 11n zabaldu zen Tamirrek asmoa zuela Ze'ev Jabotinsky-ren lanak hezkuntza curriculumetik kentzeko, eta horrek sua piztu zuen eskuindarren artean. Tamirrek ukatu egin zuen halakorik.^[2]

Argitalpenak

Liburuak

Tamir, Yael (1993). Liberal Nationalism. Princeton, New Jersey: Princeton University Press. ISBN 0-691-00174-X. ^[3]
Tamir, Yael (1995). Democratic Education in a Multicultural State. Blackwell Publishers. ISBN 978-0631199250
Tamir, Yael (2019). Why Nationalism. Princeton, New Jersey: Princeton University Press. ISBN 9780691190105 ^[4]

Aldizkarietako artikuluak

Tamir, Yael (July 1995). "Two Concepts of Multiculturalism". Journal of Philosophy of Education. Blackwell Publishing Ltd. 29 (2): 161–172. doi:10.1111/j.1467-9752.1995.tb00350.x.
Tamir, Yael (1991). "The Right to National Self-Determination". Social Research. The New School. 58 (3): 565–590. JSTOR 40970660.

Erreferentziak

↑ «Shenkar - Professor Tamir Yuli» www.shenkar.ac.il (Noiz kontsultatua: 2019-02-11).
↑ (Ingelesez) Zion Waldoks, Ehud. «Tamir: Jabotinsky nor removed from curriculum» The Jerusalem Post (Noiz kontsultatua: 2008ko abuztuaren 21).
↑ (Ingelesez) Judt, Tony; Tamir, Yael. (1994-06-23). ‘Liberal Nationalism’. ISSN 0028-7504. (Noiz kontsultatua: 2019-02-11).
↑ «'Financial Times': el independentismo catalán es saludable; el del Brexit, enfermizo» ElNacional.cat (Noiz kontsultatua: 2019-02-11).

Kanpo estekak

Yuli Tamir Knesset-en webgunean.
Yuli Tamir Facebook-en.
Yuli Tamir Jewish Studies Program

Datuak: Q2563029
Multimedia: Yuli Tamir / Q2563029

[1] «Shenkar - Professor Tamir Yuli» www.shenkar.ac.il (Noiz kontsultatua: 2019-02-11).

[2] (Ingelesez) Zion Waldoks, Ehud. «Tamir: Jabotinsky nor removed from curriculum» The Jerusalem Post (Noiz kontsultatua: 2008ko abuztuaren 21).

[3] (Ingelesez) Judt, Tony; Tamir, Yael. (1994-06-23). ‘Liberal Nationalism’. ISSN 0028-7504. (Noiz kontsultatua: 2019-02-11).

[4] «'Financial Times': el independentismo catalán es saludable; el del Brexit, enfermizo» ElNacional.cat (Noiz kontsultatua: 2019-02-11).

[1]

[2]

[3]

[4]