Tautotoponimo

Haranako izena elebiz, haran honetara bidea markatzen duen Aguraingo bide-seinalean.

Tautotoponimoa (grezieratik: tauto "berdin", topos "leku" eta nomos "izen") leku bati izena emateko erabiltzen den toponimo pleonastikoa da, tokiaren izendapen geografikoa beste hizkuntza batean errepikatzen duena. Horregatik, tautotoponimoak leku jakin baten kolonizazioaren erakusgarri izaten dira.

Gure inguruko tautotoponimoen adibiderik klasikoena erdarazko Val d'Aran da (gaztelaniaz Valle de Arán), Aran euskarazko haran hitzetik bide datorrelako. Euskaldun batek errepikapenaren absurdoa argi ikusten du: Arango harana.

Xabier Kintanaren ustez, Atapuerca ere tautotoponimoa izan liteke (ate-puerta): agian, euskaldunon antzinako mendebalderako hedaduraren erakusgarria da.

Beste tautotoponimo batzuk

• Arabako Haranako harana eta Baias ibaia
• Nafarroako Sakana harana
• Okzitaniako Arango harana
• Saharako basamortua (saharak "basamortu" esan nahi du)
• Burgoseko hiria (burgok "hiri" esan nahi du)
• Medinako hiria (medinak "hiri" esan nahi du arabieraz)
• Pont de Suert ("Suert" terminoak "zubi-hiri" esan nahi du aitzineuskaraz)
• Michigan Lakua ("Michigan" terminoak "ur handi" esan nahi du ojibweraz)

Ikus, gainera

• Exonimo
• Toponimo

Kanpo estekak

• Datuak: Q3091091