Claus Sluter

Claus Sluter
	; Irudi gehiago
Bizitza
Jaiotza	Haarlem, 1340
Heriotza	Dijon, 1406 (65/66 urte)
Jarduerak
Jarduerak	eskultorea
Lan nabarmenak	ikusi Well of Moses (en) ;
Kidetza	Guild of the Four Crowned Ones (en)

Claus Sluter (Haarlem, 1345 – Dijon, 1406) herbeheretar eskultorea izan zen.

1379an, Bruselan ari zen lanean. 1385ean, Jean de Marvilleren lantegian egiten zituen eskulturak. Filipe Ausarta Burgundiako dukeak eskulturak eskatu zizkien Dijongo Champmol kapera dekoratzeko. Lan horretan ari zirela, Marville hil egin zen eta Sluterrek hartu zuen lanaren ardura. Lan asko egin zituen arren, gehienak galdu egin dira. Gaur egun arte iritsi diren lan nagusiak hiru dira: Dijongo kaperako atariko eskulturak (horietako bat, Ama Birjina Haurrarekin, 1385-1393); Kalbarioa edo Le Puits de Moïse (1405, Moisesen Putzua) Dijongo kaperaren klaustroan, eta Pleurants de la tombe de Philippe le Hardi (1410, Filipe Ausartaren hilobia), batez ere emakume deitoratzaileen segizioa dela eta, ezaguna dena. Errealismoa espiritualismoarekin eta irudien handitasunarekin lotu zituen. Haren lanak eragin handia izan zuen XV. mendeko eskultoreen eta margolarien artean.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

Datuak: Q372367
Multimedia: Claus Sluter / Q372367