Arno (ibaia)

Arno
Datu orokorrak
Mota	Ibai nagusi
Luzera	241 km
Geografia
Koordenatuak	43°40′50″N 10°16′36″E
Herrialdea	Italia
Eskualdea	Toscana
Hidrografia
Ibaiadarrak	ikusi Ambra (en) Elsa (en) Egola (en) Era (en) Greve (en) Pesa (en) Staggia River (en) Bisenzio (en) Mugnone (en) Ombrone Pistoiese River (en) Sieve (en) Fosso del Mulino (en) Zambra River (en) Affrico (en) Canale Maestro della Chiana (en) Q4013653
Arroaren azalera	8.247 km²
Arro hidrografikoa	Arno basin (en)
Ur-emaria	100 m³/s
Iturburua	Monte Falterona (en) (1.385 m)
Bokalea ()	Liguriako itsasoa

Arno Italiako Toskana eskualdea zeharkatzen duen ibaia da. 241 kmko luzera du eta 8.228 km²ko arroa drainatzen du. Arezzo, Florentzia eta Pisatik igarotzen da.

Geografia

1.385 metroko altueran jaiotzen da, Apeninoetako Falterona mendian, eta Liguriako itsasora (Mediterraneoa) isurtzen da, 241 kilometro egin ondoren. Bere arroa, 8.228 kilometro karratukoa da. Arezzo, Florentzia, Empoli eta Pisa dira zeharkatzen dituen hiririk garrantzitsuenak.

Ibarrak oso pitoreskoak ditu eta, ibaiaren gainean, balio artistiko handiko zubi ugari daude; horien artean, Florentziako Ponte Vecchio nabari da. Beste zubi batzuk Santa Trinità eta Ponte alla Carraia dira.

Ibaiadarrak

• Sieve ibaia
• Bisenzio ibaia
• Ombrone ibaia
• Era ibaia
• Elsa ibaia
• Pesa ibaia
• Pescia ibaia

Azpiarroak

• Casentino
• Val di Chiana
• Valdarno
• Valdarno ertaina, Florentzia, Sesto Fiorentino, Prato eta Pistoia barne
• Behe Valdarno, ibaiadar garrantzitsuen haranekin, Elsa, Pesa eta Era kasu; Pontederatik igaro ondoren, ibaia Liguriako itsasorantz abiatzen da.

Hidrometria

Arnoren erregimena mediterranearra da; udan agorteak izaten dira eta udazkenean, goraldiak. Uholderik handiena 1966ko azaroak 4an izan zuen, non 3540 metro kubiko segundoko emaria erdietsi zuen Rosanon, Apeninoetatik irten ondoren, eta 4500 metro kubiko segundoko Florentzian, iturburuan 400 mm baino gehiagoko eta, Florentzia aldean 200 mm baino gehiagoko euriteen ondorioz. Aldi berean, lehorte garaietan, oso emari txikiak izatera iritsi da; adibidez, Rosanon, 0,56 metro kubiko segundoko.

Kanpo estekak

• Datuak: Q115457
• Multimedia: Arno River / Q115457