Mura cimbalario

Kiel legi la taksonomion Mura cimbalario
Mura cimbalario
Biologia klasado
Regno: Plantoj Plantae Divizio: Angiospermoj Magnoliophyta Klaso: Dukotiledonoj Magnoliopsida Ordo: Lamialoj Lamiales Familio: Plantagacoj Plantaginaceae Genro: Cimbalario Cymbalaria
Dunomo
Cymbalaria muralis G.Gaertn., B.Mey. & Scherb., 1800
Aliaj Vikimediaj projektoj

Mura Cimbalario

GBIF

Mura cimbalario (Cymbalaria muralis Gaertn. et al. aŭ Linaria cymbalaria (L.) Miller), ankaŭ nomata "Ruino de Romo", estas herbo el la familio Skrofulariacoj laŭ la klasika klasado, aŭ Plantagacoj laŭ la filogenetika klasado.

Ofta mediteranea planto sed nun trovebla en preskaŭ tuta Eŭropo, ĝi kovras malnovajn murojn per bukedoj kun rondaj brilaj folioj kaj etaj violaj floroj, kies centro estas flave makulita.

• 
  Folio
• 
  Floro
• 
  Fruktoj

Ekologio kaj Vivmedio

Plurjara planto el suda Eŭropo kaj okcidenta Azio, kutima en preskaŭ la tuta eŭropa kontinento, ĝi ŝatas disvastiĝi sur muroj aŭ rokoj, prefere kalkŝtonaj.

Florperiodo : de aprilo-majo ĝis septembro (pli frue en la sudo)
Polenizado : per insektoj aŭ mempolenizado
Disvastigo : memdisvastigo

Ĝenerala morfologio

Rampanta herba planto, kiu kreskas tufe kun ruĝaj senharaj tigoj. La brilaj karnecaj folioj alternas sur longaj tigoj. Ili estas ren- aŭ rondformaj, plej ofte kun kvin loboj, kelkfoje pli. La rando estas purpure kolorigita.

Manĝeblo

La folioj manĝeblas en salato. La junaj folioj havas iom akran guston, la maljunaj folioj fariĝas amaraj.