Inocento la 2-a

**Inocento la 2-a**
Inocento la 2-a
164-a papo de la katolika eklezio
Naskonomo	Gregorio Papareschi
Pontifiko	de 14-a de februaro 1130
	ĝis 24-a de septembro 1143
Antaŭulo	Honorio la 2-a
Sekvanto	Celesteno la 2-a
Persona informo
Naskiĝo	30-an de novembro 1099; en Romo
Morto	24-a de septembro 1143; en Romo
Tombo	Santa Maria in Trastevere [#]
Lingvoj	latina lingvo [#]
Familio
Gefratoj	Pietro Papareschi [#]
[#]	Fonto: Vikidatumoj
	v • d • r

Papo

Inocento la 2-a (civile Gregorio Papareschi di Guidoni; naskiĝis antaŭ 1116; mortis la 24-an de septembro 1143 en Romo) estis papo de 1130 ĝis 1143. La nomo Inocento signifas latine "la senkulpulo".

Post la morto de la papo Honorio la 2-a, la papa kanceliero, kardinalo Haimerich, deklaris la 14-an de februaro 1130 la kardinalvikaron de Sant'Angela papon. Tamen ankoraŭ samtage la plimulto de la kardinaloj elektis la kontraŭpapon Anakleto la 2-a, tiel estigante ok-jaran skismon.

Inocento estis subtenita de Francujo kaj Anglujo, Anakleto tamen de la sicilaj normanoj, kio donis al li pli grandan potencon ene de Italujo.

La germana reĝo Lotaro la 3-a ne havis opinion en tiu afero. Laŭ postulo de la ĉefepiskopo de Magdeburg Norbert li tamen subtenis Inocenton kaj iris al Italujo. La 4-an de junio 1133, en Romo li estis kronita de Inocento imperiestro.

La 29-an de marto 1139 la papo Inocento konfirmis la fondiĝon de la Ordeno de la Templo per la buleo Omne datum optimum.

En 1139 okazis la dua Laterana Koncilio, kiu kondamnis Anakleton kaj ties disĉiploj, inter kiuj estis la reĝo de la normanoj, Roger la 2-a. Iom poste Inocento iris kun armeo kontraŭ Roger, sed estis kaptita kaj devis sin submeti al la postuloj de Roger.

Li mortis la 24-an de septembro 1143.