Duarte Coelho de Albuquerque

Vidu ankaŭ: Duarte Coelho Pereira

Duarte Coelho de Albuquerque (1537-1579)
Olinda estis la plej riĉa urbo de la Kolonia Brazilo ekde ĝia kreado ĝis la Nederlandaj Invadoj, kiam ĝi estis detruita de la nerdelandanoj, kiuj elektis Recife-on la novan ĉefurbon de la Nova Nederlando.
Persona informo
Naskiĝo	1537 en Olinda, Kapitanlando de Pernambuko, Brazilo
Morto	1579 en Nord-Afriko
Ŝtataneco	Kolonia Brazilo vd
Familio
Patro	Duarte Coelho vd
Patrino	Beatriz de Albuquerque (en) vd
Gefratoj	Jorge de Albuquerque Coelho vd
Profesio
Okupo	colonial administrator (en) vd
Postenoj Postenoj Capitão do donatário (en) (nekonata valoro–) vd
vd	Fonto: Vikidatumoj

La Kapitanlando de Pernambuko en la 18-a jarcento, en ĝia teritoria pinto.

Duarte Coelho de Albuquerque estis 2-a Guberniestro de la Kapitanlando de Pernambuko en Brazilo, post sia patro Duarte Coelho Pereira. Li estis plej maljuna filo de Dona Brites de Albuquerque, portugala nobelulino kaj edzino de la unua kapitanlando de Pernambuko.

Kun lia patro, li kaj lia frato, Jorge de Albuquerque Coelho, ili iris al Portugalio, por efektivigi siajn studojn, en 1554. Tamen, lia patro mortis baldaŭ post ilia alveno. En 1560, la du fratoj revenis al Brazilo, ordonitaj fare de la reĝina reganto de Portugalio, Dona Katarina, por "pacigi la indianojn kiuj atakis la kapitanlandon de Pernambuko".

Duarte de Albuquerque tiam transprenis la registaron de la kapitanlando kaj sukcesis, kun la helpo de ĝentilaj triboj, certigi ĝian supervivadon kaj progreson.

En 1576 li revenis al Portugalio kaj en 1578 li partoprenis en la malsukcesa ekspedicio entreprenita fare de reĝo Dom Sebastião kontraŭ la Maŭroj en Nordafriko. Post la malvenko en la Batalo de Alkazarkibir, en kiu malaperis la portugala reĝo, la du fratoj estis malliberigitaj de la maŭroj. Unu jaron poste ili estus savitaj. Sed Duarte, pro la vundoj ricevitaj, ne supervivus la longan vojaĝon reen al Lisbono.