Blackpool
|
C'l artìcul chè 'l è scrit in
Miranduléś |
Blackpool (a s lèś /ˈblækpuːl/ in ingléś) l'è na sità dal Régn Unî ch'la s cata in dal nòrd-òvest dl'Inghiltèra, in dla cuntèa dal Lancashire. La fà sènt-quarantadumìla abitànt (dat stimâ dal 2014) e la s cata in frònt a 'l Mâr 'd Irlànda. Al sò mòt 'l è „Progress“ (Prugrès). Da 'l 2011 al cumùṅ 'l è in maṅ a i laburìsta.
A s pénsa ch'la tóga 'l nóm da 'l culōr scûr dgl'àqui par via dna canaléta ch'la gh dascargàva dèntar. In tut' al manéri a 'l dè 'd incō Blackpool 'l è 'n impurtànt sèntar turìstic balneàr anc s'l à patî dimóndi la cuncurénsa di pòst ad vacànsa dal Mediterraneo pasànd da darsèt migliòṅ ad turìsta dal 1992 a i déś dal 2007, anc par via di viàś in aparéć a prèsi bas.
Da 'l 1896 la sità la gh'à 'l più grand parc ad divertimènt dal paéś, al “Blackpool Pleasure Beach”.
Persunàǵ ligâ a Blackpool
- John Evan, tasterìsta di Jethro Tull
- Jeffrey Hammond, basìsta di Jethro Tull
- Chris Lowe, tasterìsta di Pet Shop Boys
- Robert Smith, cantànt e sunadōr di The Cure
- Nick McCarthy, cantànt e chitarìsta di Franz Ferdinand
- David Thewlis, atōr