Алматы

Ӳкерчĕк:Апорт.JPG

Алма-Ата апорчĕ

Алматы, Алма́-Ата́, Алма-Ата́ (казах. Алматы'; 1921 çулчен — Верный) — Казахстанăн шĕкĕр хули.

Тавралăхĕ

Алматы сăнĕ, кайăк вĕçевĕнчен

Алма-Ата хули Еврази континенчĕн варринче, Казахстанăн кăнтăр хĕвел тухăçĕнче, 77° хĕвел тухăç тăсăлăвĕпе 43° çурçер анлăшĕнче, Заили Алатау умĕнче — самого северного хребта Тянь-Шаньăн çурçĕр ту хысакĕнче, тинĕс шайĕнчен 600 - 1650 метр çӳллĕшĕнче, вырнаçнă. Унпа пĕр анлăшра Гагра тата Владивосток лараççĕ.

Хулари климат вичкĕн континентлă, температура çулталăкра çеç мар, талăкра та питĕ хăвăрт улшăнать.

Климат

Алмат климачӗ континентлӑ тата ту-айлӑмри циркуляци витӗмӗпе палӑрса тӑрать, ҫакӑ уйрӑмах хулан ҫурҫӗр пайӗнче, ту тайлӑмӗсем тӳремлӗхе куҫнӑ ҫӗрте палӑрать.

Сывлӑшри вӑтам температура +10 °С, чи сивӗ уйӑх (кӑрлач) - 14,7 °С, чи ӑшӑ уйӑх (июль) +23,8 °С.

Алматы кун-çулĕ

Верный

Ӳкерчĕк:Детский приют. 1892 год. (Ныне медицинский колледж. Здание сохранено частично).jpg

Ача-пăча çурчĕ. 1892 çул. (Халĕ медицин колледжĕ. Çурчĕ кăштах сыхланса юлнă)

И. Габдулвалиев сутăçăн лавкки (халĕ Кызыл-Тан). 1911 çул

Хальхи хулан малианхи никĕсне 1854 çулхи нарăсăн 4-мĕшĕнче хунă, ун чухне вырăс правительстви Кĕçĕн Алмата юханшывăн сулахай çыранĕнче вăрçă хӳтлĕх çуртне тума шутланă. 1854 çулхи çуркунне, авалхи Алмата ишĕлчĕкĕсем патĕнче Заил хӳтлĕхĕсен никĕсне хунă, каярах ăна Верное ят панă. Çурт-йĕре тăвас ĕçе Перемышельский майор па Александровский инженер-поручик ертсе пынă. Çав çулăн кĕр кунĕсенче ĕçсене вĕçленĕ. Йывăç пӳртсемпе казармăсенче Заили тĕкĕрчĕн 470 салтакĕпе офицерне вырнаçтарнă.

1855 çулăн варринче хӳтлĕхе пĕрремĕш вырăссем куçса килнĕ. Верный хăвăрт ӳсме тытăнать. Юнашар Мăн тата Кĕçĕн Алмата станицисем, Тутар слободки никĕсленĕççĕ. 1856 çулта «Хысна садне» (халĕ Этеплĕхпе кану тĕп паркĕ), 1857 çулта Тутар слободки районĕнче пĕрремĕш шыв арманне ĕçе кĕртнĕ. 1858 çулта ĕçе янă пĕрремĕш сăра пĕçерекен савут вырăнти промăçлăхне пуçарса ярать. 1859 çулта кунта Петербургран ĕçпе янă Голубев геодезист Верное пăнчăпа палăртать, çак вырăн вара тĕнче карттине кĕрет. 1859 çулхи çу уйăхĕнче хӳтлĕхре 5 пин çын пурăннă, 1860 çулта пĕрремĕш почтă уйрăмĕ тата хоспитăль уçăлать.

1867 çулхи акан 11-мĕшĕнче Верный хула Туркестан генерал-кĕпернетĕрне шутĕнчи Семириченск облаçĕн центрĕ пулса тăрать. 1867 çулхи утăн 13-мĕшĕнче Семиреченск касак çарне йĕркеленĕ. Çав вăхăтрах Семиреченск облаçĕн гербне тăваççĕ: виççĕне пайланă, улмаллă панулми турачĕн гирляндипе йĕри-тавра çавăрнă питлĕх. Çӳлти пайĕ — карман сăнĕ, аялти: сулахайра — хĕрес, сылтăмра — çурма уйăх. Семиреченск облаçĕн центрĕ пулса тăрсан, Верный промăçлăхпа ăсталăх ĕçесене аталантарма тытăнать. Спирт-водкă тата сăра пĕçерекен савутсем, шăрт-çăм пусмана тăвакан фабрикă уçăлать. Хулан чи пысăк промăç йĕрклĕвĕсем шутне Гавриловăн (1875) тата Кадкинăн (1900) тапак фабрикисем кĕнĕ. Хулара хĕрарăмсен тата арçынсен училищисене, прихут тата ăстаĕç шкулĕсене, каярах арçынсен тата хĕрарăм гимназисене уçаççĕ. Мечетсем çумĕнче мăсăльман шкулĕсем ĕçленĕ.

1887 çулхи çăвăн 28-мĕшĕнче питĕ вăйлă çĕр чĕтренĕвĕ пулать, ун чухне 322 çын пĕтет, 1798 кирпĕч çурт ишĕлет. Мăн тата Кĕçĕн станицăсен йывăç çурчĕсем ытлах арканмаççĕ. Каярахпа хулара сейсмо тата метеорологи станцисене, А. П. Зенков архитектор ертсе пынипе çурт-йĕре тунă чухне сейсмо йĕркине шута илес системăна туса хунă. Çĕр кисреннĕ хыççăн хулари çуртсене хăпартнă чухне ытларах йывăçпа усă кураççĕ. Вĕсенчен пысăк çурчĕсем — Çар полкĕн çурчĕ, Кафедра соборĕ, Этем пĕрлĕх çурчĕ тата ыттисем те. Çав тапхăрти упранса юлнă хăшпĕр çурт-йĕре истори, архитектура палăкĕ шутне кĕртнĕ, вĕсене патшалăх сыхлать. Çав трагедие асăнса хула çыннисем часавай лартнă, анчах та ăна 1927 çулта çĕмĕрнĕ.

1913 çул умĕн хулара 41 пин ытла çын пурăннă, 59 промăç йĕркелĕвĕ ĕçленĕ.

Совет тапхăрĕ

Ӳкерчĕк:Дворец Труда.jpg

Ĕçлев керменĕ

Ӳкерчĕк:Алма-Ата телеграф.jpg

Главный почтамт. 1931-34. Архитектор Г. Г. Герасимов

1918 çулта Вернайра совет влаçне туса хунă. Хулана облаçпе пĕрле РСФСР шутĕнчи Туркестан автономине (ТАССР) кĕртеççĕ. 1921 çулхи нарăсăн 5-мĕшĕнче Вернăйа кунти выпăнăн авалхи ятне — Алматана — куçараççĕ. 1927 çулхи акан 3-мĕшĕнче Кызылордăран Алматана РСФСР шутĕнчи Казак АССРĕн тĕп хулине куçараççĕ. Çакна пула хула татах ӳсме тытăнать. 1936 çултанпа (Казах ССРне йĕркеленĕренпе) Алмата малтан Казах ССРĕн, кайран ирĕклĕ Казахстанăн тĕпĕ.

Хальхи Алмата

Аль-Фараби проспекчĕн бизнес-центрĕ

Аль-Фараби проспекчĕ

Самала районĕ

Хула сăнĕ, Коктюбе енчен (2007)

1997 çулта Казахстан Республикин Президенчĕ Нурсултан Назарбаевăн Хушăвĕпе тĕп хулана Акмолана куçарнă, çур çултан ăна Астана ята панă. Çак саманта Алмата патшалăхăн ăслăлăх, этеплĕх, истори, промăçлăх тата финансă центрĕ пулса тăрать. Алматара хальлĕхе Казахстанăн Наци банкĕ тата хăшпĕр элчĕлĕхсем, правительствăн ытти йĕркеленĕвĕсене Астанана куçарнă. 1998 çулхи утăн 1-мĕшĕнче Хулан ятарлă статусе пирки саккун йышăннă. Алматана официаллă мар «Кăнтăр тĕп хула» теççĕ.

Влаç органĕсем

Ӳкерчĕк:Алматинский городской суд.jpg

Алмата хула сучĕ

Хула акимне (пуçлăх) халĕ Казахстан Республикин Президенчĕ маслихат (хула пухăвĕ) килĕшнĕ хыççăн лартать.

• Байузаков Х. Б. — (1940—1941)
• Абдикалыков М. — (1941—1942)
• Шарипов С. — (1942—1943)
• Орехов П. Г. — (1943—1944)
• Милованов К. А. — (1944—1947)
• Айбасов Х. Х. — (1947—1950)
• Ильяшев Р. — (1950—1952)
• Шарипов И. Ш. — (1950—1954)
• Мамонов Ф. А. — (1954—1956)
• Адилов А. А. — (1956—1960)
• Дуйсенов Е. Д. — (1960—1975)
• Аухадиев К. М. — (1975—1978)
• Жакипов А. Х. — (1978—1980)
• Койчуманов А. Ж. — (1981—1983)
• Кулибаев А. А. — (1983—1985)
• Нуркадилов З. К. — (1985—1994)
• Кулмаханов Ш. К. — (1994—1997)
• Храпунов В. В. — (1997—2004)
• Тасмагамбетов И. Н. — (2004—2008)
• Есимов А. С. — (2008—х.в.) Паллӑ ҫынсем
• Полина Ледокова - кулинари кӗнекисен авторӗ, фудблогер
• Наталья Назарова-театрпа кино актриси
• Димаш Адилет - бизнесмен, блогер, телешоу хутшӑннӑ
• Владимир Жириновский-политикӑпа патшалӑх деятелӗ
• Радионова Светлана-Роспроднадзор ертӳҫи

Транспорт

Ӳкерчĕк:Tramvai Almaty.jpg

Алмата трамвайĕ

Метрополитен

Метро тума 1988 çулта пуçланă, 7 чарăнуллă пĕрремĕш йĕрне 2010 çулхи раштав уйăхĕнче палăртнă,

Ăслăх тата çутĕç

Çавăн пекех пăхăр: Казахстан университечĕсем.

Алмата ĂТИ

• Биологи тата ӳсентăран биотехнологин институчĕ
• Кунаев ячĕллĕ ту ĕçĕсен институчĕ
• КР ĂЙЦ Йĕтре физикин институчĕ
• Байтурсынов ячĕллĕ чĕлхе тĕпчевĕн институчĕ
• Казах Ăслăлăх-Тĕпчев Чокин академик ячĕллĕ энергетика ĂТИ
• Казахстан Республикин ăслăлăх-техника информацин наци центрĕ
• В.Г. Фесенков ячĕллĕ астрофизика институчĕ
• Сулейман Демирель ячĕллĕ университечĕ

Этеплĕх ӳнер

Ӳкерчĕк:Almaty-day.jpg

2008 çулхи юпан 5-мĕшĕнче хула уявĕнчи плакат

Театрсем

• Патшалăх академи Абай ячĕллĕ оперăпа балет театрĕ
• Казах патшалăх академи М.О. Ауэзов ячĕллĕ драма театрĕ
• Патшалăх академи М.Ю. Лермонтов ячĕллĕ драма вырăс театрĕ
• Патшалах академи ача-пăча тата яшсен Г. Мусрепов ячĕллĕ театрĕ
• Патшалăх академи ача-пăча тата яшсен Натальи Сац ячĕллĕ вырăс театрĕ
• Корей театрĕ
• Уйгур мусăк камичĕн К. Кужамьяров ячĕллĕ театре
• Алматан нимĕç театре
• «ARTиШОК» театрĕ
• Республика пукане театрĕ

Тăванлă хуласем

• Хусан, Раççей
• Мускав, Раççей
• Санкт-Петербург, Раççей (1996)
• Шаблон:Кăркăстан ялавĕ Бишкек, Кăркăстан
• Ташкент (узб. Toshkent), Узбекистан
• Тусон (акăл. Tucson), Аризона, АПШ
• Киев (укр. Київ), Украина
• Урумчи (китай 烏魯木齊), Китай
• Вильнюс (лит. Vilnius), Литва
• Джидда (арап. جدة), Сауд Аравийĕ
• Стамбул (туркк. İstanbul), Турци
• Ренн (фр. Rennes), Франци
• Тель-Авив (ивр. תל אביב-יפו‎), Израиль
• Тэгу (кор. 대구), Кăнтăр Корей
• Рига (лат. Rīga), Латви

Юлташ-хуласем

• Минск (бел. Мінск), Беларуç (1994)

Фотопухăм

• 
  Хулана кăнтăр енчен кĕнĕ чухнехи çул çинчи паллă
• Здание головного банка АО «Казахстан халăхĕн перекет банкĕ»
  Здание головного банка АО «Казахстан халăхĕн перекет банкĕ»
• Алма-Ата. Горы
  Алма-Ата. Горы
• Вид с Кумбельтау на пик Советов
  Вид с Кумбельтау на пик Советов
• Вид с Кумбельтау на пик Комсомола
  Вид с Кумбельтау на пик Комсомола
• 28 панфиловсен паркĕ
  28 панфиловсен паркĕ
• 
  28 панфиловсен паркĕ
• 
  Коктюберен пăхсан
• 
  Махатма Ганди палăкĕ
• 
  Фурманов проспекчĕ
• 
  Landsat satellite photo of Almaty
• 
  Медео çинчи пĕве

Çавăн пекех пăхăр

• Апорт (панулми тĕсĕ)
• Тастак
• Сайран
• Раимбек проспекчĕ (Алмата)
• Достык проспекчĕ (Алмата)
• Толе би урамĕ (Алмата)
• Казахфильм
• Рахат Тауэрс

Каçăсем

• «Алматы хулин официаллă сайчĕ» 2009 ҫулхи Нарӑс уйӑхӗн 6-мӗшӗнче архивланӑ.
• «Алматы хулан канашлăвĕ» — Almaty-City.kz 2013 ҫулхи Раштав уйӑхӗн 31-мӗшӗнче архивланӑ.
• Алмата картти 2012 ҫулхи Раштав уйӑхӗн 27-мӗшӗнче архивланӑ.
• MyCity.kz — «Алмата картти» — Интерактивлă карттă 2012 ҫулхи Ака уйӑхӗн 23-мӗшӗнче архивланӑ.
• «Электронлă хыпар картти „e-city Almaty“ — Алмата хулан картти» 2009 ҫулхи Нарӑс уйӑхӗн 12-мӗшӗнче архивланӑ.
• Almaty Development — Проекты и развитие города 2016 ҫулхи Юпа уйӑхӗн 15-мӗшӗнче архивланӑ.
• «Алмата кун-çулĕ, эссесем» 2006 ҫулхи Нарӑс уйӑхӗн 3-мӗшӗнче архивланӑ.
• Афиша Алматы — кинотеатрсем, театрсем, концерт тата курав залĕсем 2020 ҫулхи Ака уйӑхӗн 3-мӗшӗнче архивланӑ.
• Справочно-информационный портал «Алмата — Кăнтăр тĕп хула» 2006 ҫулхи Ҫу уйӑхӗн 25-мӗшӗнче архивланӑ.
• «Тĕнче аэропорчĕ Алматы» 2022 ҫулхи Пуш уйӑхӗн 7-мӗшӗнче архивланӑ.
• «Алматы город мечта!» 2011 ҫулхи Чӳк уйӑхӗн 21-мӗшӗнче архивланӑ.
• Телефонный справочник Алматы и ЮКО 2009 год 2010 ҫулхи Нарӑс уйӑхӗн 27-мӗшӗнче архивланӑ.