Qulle

Jijkovda (Çehiya) telekörüv qullesi

Brodıda saat qullesi

Vinnıtsâda eski suv qullesi

Eyfel qullesi

Troitskaya qullesi - Kremlniñ eñ yüksek qullesi

Qulle - mahsus maqsadı olğan yüksek tar bina, onıñ yüksekligi temeliniñ ölçüsinden çoq büyük ola. Başqa yüksek binalardan esas farqları - sozuvlarnıñ olmağanı (tek temelde pekitilgen konsol qurulışı) ve küçük içki kölemi, kimerde qulleniñ bütün kölemi tek merdivenlerden ibaret ola bile. Müendislik yapı olaraq antennalı-direkli binalarına ait ola.

İçki kölemi olmağan qullelerge direk deyler.

Sıq direkler, olarnıñ üstünde antennalı-fiderli tertibatlarnıñ yerleştirilüvi içün qullanalar. Meselâ, közenek alâqasınıñ operatorları, qullelerde radioreleli ve panelli antennalarnı yerleştireler. Antennalı-fiderli inşaatnıñ (AFİ) yüksekligi, 45 metrden ziyade olsa, onıñ üstünde uçuvlarnıñ telükesizligini temin etüv içün kerek olğan yarıq qoruması sistemasını tiklep qoymaq kerek.