Michael J. Fox

Michael J. Fox (pseudonimu di Michael Andrew Fox, o à l'accortu Michael A. Fox; natu u 9 di ghjugnu 1961 in Edmonton, Alberta) hè un attore di cinemà è televisione canadianu-statunitense.

Biugrafia

Hè diventatu famosu soprattuttu per i so rolli di cumedianti in diversi filmi è serie, per esempiu in a trilugia Back to the Future (1985-1990) o in Family Ties (1982-1989). Ma ch’è Fox hè ancu un bon'attore di caratteru, l'hà pruvatu in i drami Bright Lights, Big City (1988) è Casualties of War (1989). Questi dui, sò stati i so rolli più straurdinarii, ma forse, puru i so più boni.

Fox chì sà dapoi u 1991 ch'ellu hà a malatia di Parkinson hè fundadore di a Michael J. Fox Foundation for Parkinson's Research.

Filmugrafia di selezzione

Back to the Future (1985), di Robert Zemeckis, cù Christopher Lloyd
Teen Wolf (1985)
Light of Day (1987)
The Secret of My Success (1987)
Bright Lights, Big City (1988), cù Kiefer Sutherland è Tracy Pollan (chì hè oghje a moglia di Fox)
Casualties of War (1989), di Brian De Palma, incù Sean Penn
Back to the Future Part II (1989), di Robert Zemeckis, cù Christopher Lloyd
Back to the Future Part III (1990), di Robert Zemeckis, cù Christopher Lloyd
The Hard Way (1991), incù James Woods
Doc Hollywood (1991), cù Woody Harrelson
For Love or Money (1993)
The American President (1995), cù Michael Douglas, Annette Bening, Martin Sheen, Richard Dreyfuss
The Frighteners (1996), di Peter Jackson
Mars Attacks! (1996), di Tim Burton è incù Jack Nicholson, Glenn Close, Pierce Brosnan, Natalie Portman

In a televisione

In a televisione, Michael J. Fox hà ghjucatu durante a so carriera dui caratteri di sitcom chì sò estremamente pupulari: Alex P. Keaton in Family Ties (da u 1982 à u 1989) è Mike Flaherty in Spin City (da u 1996 à u 2000/2001). Ancu u so rollu di u Duttore Kevin Casey in dui episodii di a seria Scrubs in u 2004 fù rimarchevule.

Premii

Michael J. Fox hà ricevutu dodeci numinazione per un Emmy è nove numinazione per un Golden Globe. Hà pudutu guadagnà cinque Emmy (1986, 1987, 1988, 2000, 2009) è quattru Golden Globe (1989, 1998, 1999, 2000). L'Emmy di u 2009, Fox l'hà guadagnatu pè u so rollu di u Dwight in a seria Rescue Me.

In fin di u 2022 hà ottenutu u Jean Hersholt Humanitarian Award, un tipu di Oscar di onore.

Michael J. Fox cum'è autore

Michael J. Fox hà scrittu quattru libri, in u 2002 l'autobiugrafia Lucky Man, in u 2009 Always Looking Up: The Adventures of an Incurable Optimist, in u 2010 A Funny Thing Happened on the Way to the Future: Twists and Turns and Lessons Learned è trè anni fà (2020) No Time Like the Future: An Optimist Considers Mortality.

Da vede dinù