Lady Gaga

Lady Gaga
Si Gaga sa pagtúboy ni Joe Biden niadtong 2021
Kinatibuk-ang Kasayuran
Ngalan sa pagkatawo	Stefani Joanne Angelina Germanotta
Gihimugsû	(1986-03-28) Marso 28, 1986 Bag-ong York
Mátang sa musika	Pop sayaw electroniko jazz
Panginabuhi	mag-aawit magsusulat-og-awit aktres
(Mga) galamiton	Mga bokal/tingog pyano
Katuigan	2001–kasamtangan
(Mga) timananan	Def Jam Cherrytree KonLive Streamline Interscope
(Mga) kauban	Lady Starlight Tony Bennett Bradley Cooper
Lingkit
ladygaga.com

Si Stefani Joanne Angelina Germanotta (natawo Marso 28, 1986), labing nailhan isip Lady Gaga, mao ang maghuhuni ug aktres gikan didto sa Amerika. Nailhan siya sa pagbag-o sa iyang hulagwayan ug paghimo og lain-laing mátang sa musika. Gisinugdan sniya sa pag-awit sa bata pa. Miadto siya sa usa ka kolehiyo aron magtuon og Collaborative Arts Project , apan miundang ug misugod sa paghimo og musika. Pagkahuman niya milagda sa Def Jam Records wala nadayon, misulat siya og mga awit alang sa Sony/ATV Music Publishing. Niadtong 2007, milagda siya sa Interscope ug KonLive. Ang iyang unang album migula niadtong 2008.

Sayo'ng Kinabuhi

Natawo si Stefani Joanne Angelina Germanotta 'niadtong ika-28 sa Marso 1986 sa Manhattan, Dakbayan sa Bag-ong York. Ang iyang mga ginikanan mao sila Cynthia Louise Bissett ug Joseph Germanotta. Si Gaga adunay usa ka manghod nga babaye nga ginganlag Natali. Ang iyang bánay usa ka kabus. Mituon siya sa Manhattan. Miingon siya nga kanunay siyang dili maharuhay sa gisulti sa mga tawo kabahin kaniya. Nagtuo siya nga kataw-anan siya ug lahi.

Si Gaga nagsugod sa pagtugtog og pyano sa dihang siya upat ka tuig ang panuigon. Nagpraktis siya sa piano ug mikuha og mga leksyon. Gusto sa iyang mga ginikanan nga makat-on siya sa pagbasa ug pagtugtog og musika. Nagdula siya sa mga pasundayag nga open mic kauban ang iyang inahan sa dihang tin-edyer pa siya. Gisulayan niya ang mga gipasalida sa Bag-ong York apan wala makasulod, bisan kon nagpakita siya sa usa ka yugto sa The Sopranos  isip usa ka magtutuon.

Niadtong 2003, sa panuigong napulog-pito, si Gaga nakasulod sa Collaborative Arts Project 21 pinaagi sa New York University. Didto siya mituon sa musika ug gipauswag ang iyang kahanas pinaagi sa pagsulat og mga sanaysay bahin sa alampat, pagtuo, katilingbanon ug lugay. Ug nagsulat siya usa ka gumalaysay sa panukiduki bahin sa mga bantog nga mag-aawit sama nila Spencer Tunick ug Damien Hirst.

Niadtong 2005, miundang siya sa pag-tuon sa ikaduhang semestre sa iyang ikaduhang tuig aron mag-tutok sa iyang buhat sa paghuhuni. Nianang tuiga, nagdula usab siya isip usa ka wala’y pagduda nga pumapalit sa kan-anan alang sa Boiling Points sa MTV, usa kini ka kamatuorang binuang nga pasundayag sa telebisyon.

Miingon si Gaga sa usa ka interbyu gikan 'niadtong 2014 nga siya gilugos sa dihang panuigong napulong-siyam. Aduna siya'y sakit sa panghunahuna (PTSD) nga giingon niya nga gikan sa pagpanglugos, apan gipasalamatan niya ang iyang mga magtatambal, bánay ug mga higala sa paghatag niya og sánib ug pagtabang kaniya nga mamaayo.

Binuhatan sa musika

2005–2007: Unang Buhat

Niadtong 2005, gimugna ni Gaga ang usa ka pundok nga gitwag og SGBand. Nagrekord siya og duha ka húni uban sa usa ka magrararap. Ang ngalan sa proyekto mao ang "The Portal in the Park". Nagbuhat si Gaga niining proyekto kauban ang mga higala gikan sa New York University. Nagdungan sila sa patugtog og musika. Nakita ni Wendy Starland nga bag-ong mag-aawit kuno si Gaga. Nakigtambayayong siya sa usa ka prodyuser nga si Rob Fusari sa New Jersey. Gitabangan siya ni Fusari sa pagpalambo sa iyang mga huni ug pagsulat og bag-ong urog.

Mga sumpay sa gawas

• Opisyal nga websityo
• Tan-awa ang Lady Gaga sa Curlie
• Tan-awa si Lady Gaga sa IMDb
• Tan-awa si Lady Gaga sa Rotten Tomatoes
• Mga pakita niya sa C-SPAN