Sol

El Sol (simbolo: ) es el estrella al centro del Solar Sistema. Es un masivo, caliente bola de plasma, inflao y calentao por el maga reaccion de nuclear fusion al de suyo nucleo. Ta emiti el superficie del Sol con un parte de este energia como luz, ultravioleta e infrarrojo radiacion, qua ta provee con el mayoria del energia para el vida na el Tierra.

El solar radio es alrededor de 695,000 kilometro, o 109 veces mayor que el del Tierra. El solar masa es alrededor de 330,000 veces mayor que el del Tierra, ansina que ta tene el Sol con alrededor de 99.86% del total masa del Solar Sistema. Casi tres maga cuarto del masa del Sol es hidrogeno (~73%), y el resto es mayoritariamente helio (~25%), con mucho mas chico cantidad de maga mas pesao elemento, incluio el oxigeno, carbono, neon e hierro.

El Sol es un estrella de tipo-G del secuencia principal (G2V), informalmente llamao un amarillo enano, maskin blanco el de suyo luz. Ya forma hace alrededor de 4600 millon de maga año por el gravitacional colapso del materia dentro de un region de un gran molecular nube. Ya concentra el mayoria de este materia na centro, mientras que ya aplana el resto na un circunestelar disco que ya queda el Solar Sistema. Ya queda el central masa tan caliente y denso que eventualmente ya inicia el nuclear fusion na el de suyo nucleo. Ta cree el maga cientifico que ta forma el mayoria del maga estrella por este proceso.

Cada segundo, ta fusiona el nucleo del Sol con alrededor de 600 maga tonelada de hidrogeno na helio, y por este proceso ta converti con alrededor de 4 millon de maga tonelada de materia na energia. Este energia, que ta escapa del nucleo durante entre 10,000 y 170,000 maga año, es el fuente del luz y calor del Sol.

En el remoto futuro, cuando ta disminui el fusion del hidrogeno na el nucleo del Sol hasta el punto de que nuay el Sol na hidrostatico equilibrio, ay omenta gayot el densidad del de suyo nucleo, que ay causa con un expansion del de suyo maga exterior capa, que eventualmente ay hace del Sol un rojo gigante. Aproximadamente cinco mil millon de maga año del presente, ay expandi el Sol hasta el punto de que nuay inhabitable el Tierra. Primero, ay demasiado caliente el Tierra, y segundo, ay expandi el Sol para envolve con todo el maga interior planeta, incluio el Tierra. Despues de este, ay derrama el Sol con el de suyo maga exterior capa y ay enfria hasta queda un denso tipo de estrella conocio como un blanco enano, y nuay produci con energia por fusion, pero ay brilla pa y emiti con calor del de suyo previo fusion.

Desde el prehistoria ya reconoce manada cultura con el enorme efecto del Sol na el Tierra, y ya adora cuanto maga cultura con el Sol como un deidad. El sinodico rotacion del Tierra y el de suyo orbita alrededor del Sol son el base de cuanto maga solar calendario. El predominante calendario usao hoy es el gregoriano calendario basao na el estandar interpretacion, del aca-16 siglo, del observao movimiento del Sol como verdadero movimiento (geocentrismo).

Etimologia

Ta proveni este palabra del idioma español sin cambio, y este del latin. 'Sōl' na el lengua Latin es un independiente palabra, ademas de un acortamiento del latin frase Sōl Invictus (Sol Hinde Vencio). Ta reconstrui el maga lingüista con este palabra na protoitalico idioma como *s(u)wōl, y ansina mismo na el protoindoeuropeo como *suh₂ṓl.

Maga general caracteristica

El Sol es un estrella de tipo-G del secuencia principal que ya consta de alrededor de 99.86% del masa del Solar Sistema. Ta tiene el Sol con un absoluto magnitud de +4.83, estimao como mas brillo que alrededor de 85% del maga estrella na Lactea Via, que son mayoritariamente maga rojo enano. El Sol es un estrella de Poblacion I, es deci, rico na maga metal.^{[lower-alpha 1]} Siguro ya provoca el maga onda de choque de uno o mas cercano supernova con el formacion del diaton estrella. Ta sugeri con este un gran abundancia del maga pesao metal na Sistema Solar, como el oro y el uranio, relativo al abundancia de este maga elemento na maga estrella del llamao Poblacion II, pobre na maga pesao metal. Siguro ya produci con el maga pesao metal el maga endotermico nuclear reaccion durante un supernova, o el transmutacion por medio del neutronico captura dentro de un masivo estrella del aca-segundo generacion.

De lejos es el Sol el mas brillo objeto na el cielo del Tierra, con un aparente magnitud de −26.74. Este es alrededor de 13 mil millar veces mas brillo que el siguiente mas brillante estrella, Sirio, que ta tene con un aparente magnitud de −1.46.

Un astronomico unidad (alrededor de 150,000,000 km) es el medio distancia del centro del Sol al centro del Tierra, maskin ta varia este (por alrededor de +/- 2.5 maga millon de km) mientras que ta move el Tierra del perihelio (cerca del 3 de enero) al afelio (cerca del 4 de julio). Puede varia el maga distancia entre 147,098,074 km (perihelio) y 152,097,701 km (afelio), y puede varia el maga extremo valor de 147,083,346 km a 152,112,126 km. Al de suyo medio distancia, ta viaja el luz del horizonte del Sol al horizonte del Tierra dentro de 8 maga minuto y 20 minuto segundo, mientras que ta requeri el luz del maga mas cercano punto del Sol y del Tierra con dos maga segundo menos. Ta apoya el energia de este solar luz con casi todo el vida^{[lower-alpha 2]} na Tierra por fotosintesis, y ta impulsa con el clima y atmosferico tiempo del Tierra.

Ta carece el Sol de un definio limite, pero ta baja el de suyo densidad de manera exponencial como ta omenta el altitud sobre el fotosfera. Para el proposito del medicion, el radio del Sol es el distancia del centro hasta el limite del fotoesfera, el aparente visible superficie del Sol. Por este medicion, el Sol es un casi-perfecto esfera con un achatamiento (o elipticidad) estimao como 9 maga millonesima, que quiere deci que ta diferi el de suyo polar diametro del de suyo ecuatorial diametro por solo 10 km. Minimo el fuerza de marea del maga planeta, sin afecta mucho con el forma del Sol. Ta rota el Sol mas rapidamente al ecuador que al maga polo. Ta causa con este diferencial rotacion el convectivo mocion por causa del transporte del calor y el efecto Coriolis por causa del rotacion del Sol. Na un cuadro de referencia definio por el maga estrella, el rotacional periodo es alrededor de 25.6 maga dia al ecuador y 33.5 maga dia al polo. Mirao desde el Tierra mientras que ta orbita este con el Sol, el aparente rotacional periodo del Sol al de suyo ecuador es alrededor de 28 maga dia. Mirao desde un punto de vista sobre el de suyo polo norte, ta rota el Sol na contra del reloj na el de suyo eje.^{[lower-alpha 3]}

Del informativo hoja de NASA:^[1]

Comparacion entre el Sol y el Tierra: Maga parametro de bulto
	Sol	Tierra	Racio (Sol / Tierra)
Masa $(10^{24}\mathrm {kg} )$	1,988,500.	5.9724	333,000.
GM $(x10^{6}\mathrm {km} ^{3}/\mathrm {s} ^{2})$	132,712.	0.39860	333,000.
Volumen $(10^{12}\mathrm {km} ^{3})$	1,412,000.	1.083	1,304,000.
Volumetrico medio radio $(\mathrm {km} )$	695,700.	6371.	109.2
Medio densidad $(\mathrm {kg} /\mathrm {m} ^{3})$	1408.	5514.	0.255
Gravedad al superficie (eq.) $(\mathrm {m} /\mathrm {s} ^{2})$	274.0	9.78	28.0
Velocidad de escape $(\mathrm {km} /\mathrm {s} )$	617.6	11.19	55.2
Elipticidad	0.00005	0.0034	0.015
Momento de inercia $(I/MR^{2})$	0.070	0.3308	0.212
Visual magnitud V(1,0)	-26.74	-3.86	-
Absoluto magnitud	+4.83
Luminosidad $(10^{24}\mathrm {J} /\mathrm {s} )$	382.8
Tasa de conversion de masa $(10^{6}\mathrm {kg} /\mathrm {s} )$	4260.
Medio produccion de energia $(10^{-3}\mathrm {J} /\mathrm {kg} \mathrm {s} )$	0.1925
Emision al superficie $(10^{6}\mathrm {J} /\mathrm {m} ^{2}\mathrm {s} )$	62.94
Espectral tipo	G2 V

Composicion

Artículo principal: Maga estelar molecula.

Ta consisti principalmente el Sol na maga quimico elemento hidrogeno y helio. A este tiempo na vida del Sol, ta representa este maga con 74.9% y 23.8%, respectivamente, del masa del Sol na fotosfera. Ta representa todo el maga mas pesao elemento, llamao maga metal na astronomia, con menos de 2% del masa, y el maga mas abundante son el oxigeno (casi 1%), carbono (0.3%), neon (0.2%) e hierro (0.1%).

Na solar investigacion es mas comun expresa con el abundancia de cada elemento na dex, un escalao logaritmico unidad: A(e) = 12+log10(ne/nH), donde 'e' el elemento na cuestion y nH 10^12 maga atomo de hidrogeno. Por definicion ta tene el hidrogeno con un abundancia de 12, mientras que ta varia el de helio entre 10.3 y 10.5 (ta depende del fase del solar ciclo), el de carbono es 8.47, el de neon es 8.29, el de oxigeno es 7.69 y el de hierro es 7.62.

Ya hereda el Son con el de suyo original quimico composicion del interestelar medio donde ya forma. Ya contene originalmente con alrededor de 71.1% de hidrogeno, 27.4% de helio, y 1.5% de maga mas pesao elemento. Ya produci el primordial nucleosintesis (durante el Big Bang) con el hidrogeno y el mayoria del helio durante el maga primero 20 minuto del universo, y ya produci el maga previo generacion del maga estelar con el maga mas pesao elemento antes del formacion del Sol, y ya propaga este maga elemento na interestelar medio durante el maga final etapa del estelar vida y otro maga evento como el maga supernova.

Desde el formacion del Sol, el principal proceso de fusion es el del hidrogeno na helio. Durante el maga pasao 4.6 mil millon de maga año, ya cambia gradualmente el cantidad del helio y el de suyo ubicacion dentro del Sol. Dentro del nucleo, ya omenta el proporcion del helio desde 24% hasta 60% por causa de fusion, y ya anda al deriva algo del helio y el maga pesao elemento desde el fotosfera hasta el centro del Sol por causa del gravedad. Hinde ya cambia el maga proporcion del maga pesao elemento. Ta ocurri el transferencia del calor hacia el fotosfera por el radiacion imbes del conveccion, ansina que no ta move hacia el superficie el maga producto del fusion por el calor, sino que ta queda na el nucleo, y ya forma gradualmente un interior nucleo de helio que no puede fusiona, porque actualmente ni bastante calido ni denso el nucleo del Sol para fusiona con el helio. Na el actual fotosfera, ta baja el fraccion del helio, y el metalicidad es solamente 84% del de suyo nivel na el protoestelar fase (antes del comienzo del nuclear fusion dentro del nucleo). Na el futuro, ay acumula pa el helio na el nucleo, y eventualmente, despues de alrededor de 5 mil million de maga año, ay sali el Sol del principal secuencia y ay queda un rojo gigante.

Segun el maga cientifico, ta representa el quimico composicion del fotosfera con el composicion del primordial Solar Sistema. Ta medi, y por astronomico espectroscopia del fotosfera del Sol y por el maga meteorito nunca calentao a maga temperatura de derretimiento, con el maga abundancia del maga pesao elemento na Sol descrio arriba. Ta retene este maga meteorito con el composicion del protoestelar Sol, ansina que no ocurre na este maga el movimiento del maga pasao elemento. Ta concorda bien este dos maga metodo.

Estructura y fusion

Artículo principal: Estandar solar modelo.

Nucleo

Artículo principal: Solar nucleo.

Ta extende el solar nucleo desde el centro hasta alrededor de 20–25% del solar radio. Ta tene con un densidad de hasta 150 g/cm³ (alrededor de 150 maga vez el densidad del agua) y un temperatura de casi 15.7 million de maga kelvin (K). Por el contrario, el superficial temperatura del Sol es aproximadamente 5800 K. Ta favorece un recente analisis del maga dato del mision SOHO con un mas rapido rotacion na el nucleo que na el radiativo zona mas arriba. Durante el mayoria del vida del Sol, ya produci el nuclear fusion con energia na el nuclear region por el cadena proton–proton, un proceso que ta converti con el hidrogeno al helio. Actualmente ta proveni solo 0.8% del energia generao na el Sol de otro secuencia de maga reaccion de fusion llamao el ciclo CNO, masquen siguro ay aumenta este proporcion mientras que ta queda el Sol mas viejo y mas luminoso.

El nucleo es el unico region na el Sol que ta produce con un apreciable cantidad de termico energia por fusion: generao 99% del poder dentro de 24% del radio del Sol, y al 30% del radio, casi completamente ya termina el fusion. Ta calenta este energia con el resto del Sol durante el de suyo transmision por mucho maga capa, y por fin al solar fotosfera, donde ta escapa al exterior espacio por radiacion (maga foton) o adveccion (maga masivo particula).

Ta ocurri el cadena proton–proton alrededor de 9.2×10³⁷ maga vez cada segundo, convirtiendo con alrededor de 3.7×10³⁸ maga proton na maga particula alfa (maga nucleo de helio) cada segundo (de un total de ~8.9×10⁵⁶ maga libre proton na el Sol) o alrededor de 6.2×10¹¹ kg/s. Sin embargo, ta tarda cada proton (na promedio) alrededor de 9 mil millon de maga año na fusiona con otro usando con el cadena PP. Ta libera el fusion de cuatro maga libre proton, na un solo particula alfa (nucleo de helio), con alrededor de 0.7% del fusionao masa como energia, ansina que ta libera el Sol con energia a razon de 4.26 millon maga metrico tonelada por segundo (que ta requeri con 600 maga metrico megatonelada de hidrogeno) para 384.6 maga yotta watt (3.846×10²⁶ W) o 9.192×10¹⁰ maga megatonelada de TNT por segundo. El gran salida de solar energia es mayoritariamente debio al inmenso tamaño y el densidad del de suyo nucleo (na comparacion con el Tierra y el maga terrestre objeto), con solo un bastante chico cantidad de poder generao por cubico metro. Ta indica maga teorico modelo del interior del Sol con un maximo densidad de energia, o produccion de energia, de aproximadamente 276.5 watt por cubico metro al centro del nucleo, que, segun si Karl Kruszelnicki, es alrededor del mismo densidad de energia como na un monton de compost.

Ta recorda esto kanaton con el cita de si Hafiz de Shiraz: "Hasta despues de todo este tiempo, nunca ta deci kanaton el Sol: Ta debe kamo conmigo. ¡Mira kamo cosa ta pasa por tal amor! Ta ilumina ele con el entero cielo."

Ta queda el tasa de fusion na el nucleo na un equilibrio de autocorreccion:

Ta causa un tasa ligeramente mas alto que ta calenta y ta expandi ligeramente el nucleo contra el peso del maga exterior capa. Ta reduci esto con el densidad y ansina con el tasa de fusion.
Ta causa un tasa ligeramente mas bajo que ta enfria y ta encoge ligeramente. Ta aumenta esto con el densidad y ansina con el tasa de fusion.

Ansina ta mira aton que ta queda el Sol na un estado de flujo y perturbacion, masquen mayoritariamente estable.

Radativo zona

Artículo principal: Radiativo zona.

El radiativo zona es el mas espeso capa del Sol, a 0.45 maga solar radio. Desde el nucleo hasta alrededor de 0.7 solar radio, el termico radiacion es el primario medio de transferencia de energia. Ta baja el temperatura desde hasta 7 maga millon hasta 2 maga millon kelvin mientras que ta sali este termico energia del nucleo. Este termico gradiente es menos que el valor del tasa de adiabatica caida y poreso hinde puede impulsa con el conveccion, que ta explica por que ta ocurri el transferencia de energia por este zona por radiacion na lugar de termico conveccion. Ta emiti el maga ion de hidrogeno y helio con maga foton, que solo ta recorre con un corto distancia antes de queda reabsorbio por maga otro ion. Ta baja el densidad cien maga vez (desde 20,000 kg/m³ hasta 200 kg/m³) entre 0.25 y 0.7 maga solar radio, el superior parte del radiativo zona.

Tacoclina

Artículo principal: Tacoclina.

Ta separa un capa de transicion, el tacoclina, con el maga radiativo y convectivo zona. Esto es un region donde ta resulta el nitido cambio de regimen —entre el uniforme rotacion del radiativo zona y el diferencial rotacion del convectivo zona— con un gran cortante tension entre el maga dos, un condicion donde ta desliza sucesivo horizontal maga capa uno a otro. Actualmente hay un hipotesis (mira con Solar dinamo) que ta genera un magnetico dinamo dentro de este capa con el magnetico campo del Sol.

Convectivo zona

Artículo principal: Convectivo zona.

Ta extende el convectivo zona del Sol desde 0.7 maga solar radio (500,000 km) hasta cerca del superficie. Na este capa, el solar plasma hinde bastante denso ni caliente para transferi con el termico energia del interior hasta el superficie via radiacion. Na cambio, el densidad del plasma es bastante bajo para permiti con el desarrollo de maga convectivo corriente y con el transferencia del solar energia hacia el superficie. Ta adquiri el material calentao al tacoclina con mas color y ta expandi, que ta reduci con el de suyo densidad y ta permiti con el de suyo ascenso. Como resultao, ta converti un ordenao mocion del masa na maga termico celula que ta transferi con el mayoria del calor al fotosfera mas arriba. Cuando ta enfria el material difusivamente y radiativamente, justo debajo del superficie, ta aumenta el de suyo densidad, y ta hundi al base del convectivo zona, donde de nuevo ta adquiri ele con calor del superior parte del convectivo zona y ta continua el convectivo ciclo. Al fotosfera, el temperatura es solo 5,700 K y el densidad es solo 0.2 g/m³ (alrededor de 1/10,000 del densidad del aire al nivel del mar, y un millonesimo parte del densidad del interior capa del convectivo zona).

Ta forma el maga termico columna del convectivo zona con un huella na el superficie del Sol. Ta dale esto al Sol con un granular apariencia llamao el solar granulacion al mas chico escala y supergranulacion a otro maga escala. Ta sostene el turbulente conveccion na este exterior capa del solar interior con dinamico accion "a chico escala" sobre el volumen cerca del superficie del Sol. El maga termico columna del Sol son maga celula de si Bénard y ta tene ellos con el forma de casi hexagonal maga prisma.

Fotosfera

Artículo principal: Fotosfera.

El visible superficie del Sol, el fotosfera, es el capa debajo del que ta queda el Sol opaco al visible luz. Ta escapa del Sol maga foton producio na este capa, a traves del transparente solar atmosfera mas arriba de ele, y ta queda solar radiacion, o mas claramente, solar luz. El cambio na el opacidad es debio al disminuyendo cantidad de maga ion de H⁻, que ta absorbe facilmente con el visible luz. Na cambio, ta produci el reaccion del maga electron y el maga atomo de hidrogeno con el visible luz que ta mira aton.

Ta tene el fotosfera de un espesor de maga decena a maga ciento de maga kilometro, y es algo menos opaco que el terrestre aire. Puesto que el superior parte del fotosfera es mas frio que el inferior parte, ta aparece un imagen del Sol mas brillo na el centro que na el borde o extremidad del solar disco, na un fenomeno conocio como osurecimiento del extremidad. Ta tene el espectro del solar luz con aproximadamente el espectro de un negro cuerpo radiando a 5,777 K (5,504 °C), intercalao con maga atomico linea de absorcion desde el maga tenue capa mas arriba del fotosfera. Ta tene el fotosfera con un densidad de ~10²³ m⁻³ maga particula (alrededor de 0.37% del cantidad de maga particula por volumen del terrestre atmosfera al nivel del mar). Hinde totalmente ionizao el fotosfera, pues el extento de ionizacion es alrededor de 3%, dejando con casi todo el hidrogeno na atomico forma.

Durante maga temprano estudio del optico espectro del fotosfera, incuntrao maga linea de absorcion que hinde ya corresponde con cualquier quimico elemento entonces conocio na Tierra. Na 1868, ya hipotetiza si Norman Lockyer que causao este maga linea de absorcion por un nuevo elemento que ya llama ele con helio, por el griego dios del Sol, si Helios. Veinticinco maga año mas tarde, isolao el helio na el Tierra.

Atmosfera

Artículo principal: Estelar atmosfera.

Ta contene el atmosfera del Sol con cuatro maga parte: el fotosfera (visible bajo maga normal condicion), el cromosfera, el region de solar transicion, el estelar corona y el heliosfera. Durante un total solar eclipse, ta queda bloqueao el fotosfera, haciendo visible con el corona.

El mas frio capa del Sol es un region de minimo temperatura extendiendo hasta alrededor de 500 km mas arriba del fotosfera, y ta tene con un temperatura de alrededor de 4,100 K. Este parte del Sol es bastante frio para permiti con el existencia de maga simple molecula como el monoxido de carbono y el agua. detectible por el de ellos maga espectro de absorcion. Mucho mas caliente el cromosfera, el region de transicion y el corona que el superficie del Sol. Hinde bien entendio el razon, pero ta sugeri evidencia que siguro ta contene maga onda de si Alfvén con suficiente energia para calenta con el corona.

Mas arribe del capa de minimo temperatura hay un capa de espesor de alrededor de 2,000 km, dominao por un espectro de maga linea de emision y absorcion. Llamao esto el cromosfera del griego chroma (Plantilla:Lang-grc), que ta significa "color", pues visible el cromosfera como un destello de color al principio y al fin de maga total solar eclipse. Gradualmente ta aumenta el temperatura del cromosfera con el altitud, llegando hasta maga 20,000 K cerca del cima. Na el superior parte del cromosfera, ta queda el helio parcialmente ionizao.

Mas arriba del cromosfera, na un tenue (alrededor de 200 km) region de transicion, ta aumenta rapidamente el temperatura desde alrededor de 20,000 K na superior cromosferar hasta maga coronal temperatura mas cerca de 1,000,000 K. Facilitao el aumento de temperatura por el total ionizacion de helio na region de transicion, que significantemente ta reduci con el radiativo enfriamento del plasma. Hinde ta ocurri el region de transicion na un bien definio altitud. Na cambio, ta forma ele con un tipo de halo alrededor de tal cromosferico caracteristica como maga espicula y maga protuberancia, y ta queda na constante, caotico movimiento. Hinde facilmente visible el region de transicion desde el superficie del Tierra, pero si desde el exterior espacio por maga instrumento sensitivo al extremo ultravioleta porcion del electromagnetico espectro

El corona es el siguiente capa del Sol. Ta tene el bajo corona, cerca del superficie del Sol, con un densidad desde 10¹⁵ m⁻³ hasta 10¹⁶ m⁻³ maga particula.^{[lower-alpha 4]} El medio temperatura del corona y solar viento es alrededor de 1,000,000–2,000,000 K, masquen na mas caliente region es 8,000,000–20,000,000 K. Aunque nuay pa ningun completo teoria para explica con el temperatura del corona, ta conoce el maga astronomo que por lo menos un parte del de suyo calor es debio al magnetico reconexion. El corona es el extendio atmosfera del Sol, que ta tene con un volumen mucho mas grande que el volumen encerrao por el fotosfera del Sol. Un flujo de plasma del Sol, na el exterior espacio, es el solar viento.

El heliosfera, el tenue mas externo atmosfera del Sol, lleno de plasma del solar viento. Por definicion, ta comenza este mas externo capa del Sol al distancia donde el ta queda el flujo del solar viento superalfvénico, esto es, donde ta queda el flujo mas rapido que el velocidad del maga onda de si Alfvén, a aproximadamente 20 maga solar radio (0.1 AU). Hinde ta puede afecta el turbulencia, ni el maga dinamico fuerza na el heliosfera, con el forma del solar corona adentro, pues solo ta puede el informacion viaja al velocidad del maga onda de si Alfvén. Continuamente ta viaja el solar viento por el heliosfera, formando con el solar magnetico campo na un espiral de si Parker, hasta que ta impacta con el heliopausa mas de 50 AU del Sol. Na diciembre de 2004, ya pasa el espacial sonda Voyager 1 por un frente de choque siguro parte del heliopausa. A maga final de 2012, ya nota Voyager 1 con un marcao aumento na maga colision de maga cosmico rayo y un marcao disminucion de maga particula de mas bajo energia del solar viento, que ta sugeri que ya pasa el sonda por el heliopausa y ya entra na el interestelar medio, y ya realiza esto gayot na el 25 de agosto de 2012 a aproximadamente 122 maga astronomico unidad (18 Tm) del Sol. Ta tene el heliosfera con un heliocauda que ta extende detras de ele por el movimiento del Sol.

Na el 28 de abril de 2021, durante el de suyo octavo sobrevuelo del Sol, ya incuntra el Solar Sonda Parker con el maga especifico condicion de magnetismo y de maga particula a 18.8 maga solar radio que ya indica que ya penetra ele con el punto de si Alfvén, el borde separando con el corona del solar viento definio como el punto donde igual (1) el velocidad de si Alfvén del coronal plasma y (2) el velocidad del solar viento a gran escala. Ya medi el sonda con el plasma del solar viento con el de suyo instrumento FIELDS y SWEAP. Ya describi NASA con el evento como "toca con el Sol" (na ingles, "touching the sun"). Durante el sobrevuelo, ya entra na, y ya sali de, el corona el Solar Sonda Parker vario maga vez. Ya proba esto con el maga prediccion de que hinde ta tene forma de liso bola el critico superficie de si Alfvén, sino que ta tene ele con maga pico y maga valle que ta arruga con el de suyo superficie.

Solar luz y maga neutrino

Artículos principales: Solar luz Plantilla:Y-e Solar irradiacion.

Ta emiti el Sol con luz a traves del visible espectro, ansina que blanco el de suyo color, con un indice de espacio de color CIE 1931 cerca de (0.3, 0.3), visto desde espacio o cuando alto el Sol na el cielo. Ta alcanza el solar radiacion por longitud de obra con el de suyo maximo punto na el verde porcion del espectro cuando visto del espacio. Cuando muy bajo el Sol na el cielo, ta deja el difuso radiacion del cielo con el Sol amarillo, rojo, naranja o magenta, y na cuanto situacion hasta verde o azul. A pesar del de suyo tipico blanqueza (blanco maga rayo, blanco maga ambiente luz, blanco iluminacion del Luna, etc.) ta imagina algun maga cultura con el Sol como amarillo o hasta rojo. Cultural e inexacto el maga razon para esto. El Sol es un estrella G2V, con G2 indicando con el de suyo superficial temperatura de aproximadamente 5,778 K (5,505 °C) y V que, como el mayoria del maga estrella, es un estrella del principal secuencia.

El solar constante es el cantidad de poder que ta deposita el Sol por unidad de area directamente expuesto al solar luz. El solar constante es igual a aproximadamente 1,368 W/m² (maga watt por cuadrao metro) a un distancia de un astronomico unidad del Sol (es deci, a o cerca del orbita del Tierra). Ta causa el terrestre atmosfera con el atenuacion del solar luz na terrestre superficie, ansina que ta llega menos poder al superficie (mas cerca de 1,000 W/m²) na maga claro condicion cuando ta queda el Sol cerca del cenit. Ta contene el solar luz al superior parte del terrestre atmosfera con 50% infrarrojo luz, 40% visible luz, y 10% ultravioleta luz. Ta filtra el atmosfera na particular con mas de 70% del solar ultravioleta, na especial na el maga mas corte longitud de obra. Ta ioniza el solar ultravioleta radiacion con el superior atmosfera del Tierra durante el dia, creando con el electricamente conduciendo ionosfera.

Ta tene el ultravioleta luz del Sol con maga antiseptico propiedad, utilizable para sanitiza con el maga herramienta y el agua. Tambien ta causa con el solar quemadura, y ta tene con otro maga biologico efecto como el produccion de vitamina D y el bronceao. Tambien es el principal causa del cancer de piel. Fuertemente atenuao el ultravioleta luz por el capa de ozono del Tierra, ansina que ta varia mucho el cantidad del UV con el latitud, y es parcialmente responsable para mucho biologico maga adaptacion, incluyendo con maga variacion na el color del humano piel na maga diferente region del Tierra.

Ta queda maga foton de maga rayo gamma de alto energia, inicialmente librao por el maga reaccion de fusion na el nucleo, casi inmediatamenta absorbio por el solar plasma del radiativo zona, usualmente despues de viaja solo un maga milimetro. Ta pasa el reemision na un aleatorio direccion y usualmente con un poco menos de energia. Por este secuencia de maga emision y maga absorpcion, ta tarda mucho vez el radiacion na llega al superficie del Sol. Estimao este tiempo de viaje entre 10,000 y 170,000 maga año. Na cambio, solo ta tarde el maga neutrino —que ta representa alrededor del 2% del total producción de energía del Sol— 2.3 maga segundo na llega al superficie. Ya que el transporte de energia na el Sol es un proceso que ta involucra con maga foton na termodinamico equilibrio con materia, mas largo el escala de tiempo na el Sol, del orden de 30.000.000 de maga año. Na otro maga palabra, ya tarda el Sol este cantidad de tiempo para regresa a un estable estado, si de repente cambiao el tasa de generacion de energia del de suyo nucleo.

Tambien liberao maga neutrino por maga reaccion de fusion na el nucleo pero, hinde como maga foton, casi nunca ta interactua ellos con el materia, ansina que ta puede escapa inmediatamente del Sol casi todo maga. Durante mucho maga año, mas bajo, por un factor de 3, que el maga teorico prediccion el maga medicion del cantidad de maga neutrino producio na el Sol. Resuelto este discrepancia na 2001 por el descubrimiento del maga efecto del oscilacion de maga neutrino: ta emiti el Sol con el cantidad de maga neutrino predicho por el teoria, pero ya perde el maga detector de maga neutrino con Plantilla:Frac de ellos, porque antes del de ellos deteccion ta cambia este maga neutrino con el de ellos sabor.

Magnetico actividad

Ta tene el Sol con un estelar magnetico campo que ta varia a traves del de suyo superficie. El polar campo es 1–2 gauss (0.0001–0.0002 T), mientras que el campo es tipicamente 3,000 gauss (0.3 T) na maga solar caracteristica llamao maga solar mancha y 10–100 gauss (0.001–0.01 T) na maga solar protuberancia. Ta varia na tiempo y ubicacion el magnetico campo. El cuasi-periodico solar variacion de once maga año es el mas prominente variacion na el cual ta crece y ta disminuye el cantidad y el tamaño del maga solar mancha.

Ta extende el solar magnetico campo mucho mas alla del Sol mismo. Ta lleva el electricamente conductivo plasma del solar viento con el magnetico campo del Sol al espacio, formando con el llamao interplanetario magnetico campo. Na un aproximacion conocio como el ideal magnetohidrodinamica, solo ta move el maga particula de plasma a lo largo del maga línea del magnetico campo. Como resultao, ta estira el solar viento, fluyendo hacia afuera, con el interplanetario magnetico campo hacia afuera al de suyo vez, forzando conele na un mas o menos radial estructura. Para un simple dipolar solar magnetico campo, con opuesto hemisferico maga polaridad a cada lado del solar magnetico ecuador, ta forma el solar viento con un tenue heliosferico difuso corriente.

A maga gran distancia, ta torce el rotacion del Sol con el dipolar magnetico campo y con el correspondiente difuso corriente na un arquimediano espiral estructura llamao un espiral Parker. El interplanetario magnetico campo es mucho mas fuerte que el dipolar componente del solar magnetico campo. Ta disminui El dipolar magnetico campo del Sol de 50–400 μT (al fotosfera) con el inversa del cubo del distancia. llegando a un predicho magnetico campo de 0.1 nT al distancia del Tierra. Sin embargo, segun el maga observacion de maga espacial nave, el interplanetario campo al ubicacion del Tierra es alrededor de 5 nT, alrededor de cien maga vez mas fuerte. Ta causa el diferencia el maga magnetico campo generao por maga electrico corriente na el plasma rodeando con el Sol.

Solar mancha

Artículo principal: Solar mancha.

Visible el maga solar mancha como maga oscuro mancha na el fotosfera del Sol y ta corresponde con maga concentracion del magnetico campo, donde inhibio el convectivo transferencia del calor desde el solar interior hasta el superficie. Como resultao, algo mas frio el maga solar mancha que el circundante fotosfera, ansina que ta aparece oscuros. A un tipico solar minimo, visible poco maga solar mancha, y na cuento situacion, hinde visible ningun solar mancha, salvo al maga alto solar latitud. Mientras que ta avanza el solar ciclo al de suyo solar maximo, ta tende el maga solar mancha a forma mas cerca del solar ecuador, un fenomeno conocio como el ley de si Spörer. Puede tene el maga mas grande solar mancha con maga decena de mil de kilometro de diametro.

Un ciclo de maga solar mancha de once maga año es un mitad de un ciclo de un solar dinamo Babcock–Leighton de veintidos maga año, que ta corresponde con un oscilatorio intercambio de energia entre maga toroidal y poloidal solar magnetico campo. Al maximo del solar ciclo, el externo poloidal dipolar magnetico campo es cerca del de suyo minimo dinamico fortaleza, pero un internal toroidal cuadrupolar campo, generao por diferencial rotacion dentro del tacoclina, es cerca del de suyo maximo fortaleza. A este punto na el dinamico ciclo, ta forza un flotante surgencia, dentro del convectivo zona, con el emergencia del toroidal magnetico campo por el fotosfera, llegando a maga par de maga solar mancha, mas o menos alineao de este a oeste, con maga huella con opuesto magnetico maga polaridad. Ta alterna el magnetico polaridad cada solar ciclo, un fenomeno descrito por el ley de si Hale.

Durante el fase de declive del solar ciclo, ta pasa el energia del interno toroidal magnetico campo al externo poloidal campo, y ta disminui el cantidad y tamaño del maga solar mancha. Al minimo del solar ciclo, el toroidal campo es, correspondientemente, al de suyo minimo fortaleza, relativamente raro el maga solar mancha, y el poloidal campo es al de suyo maximo fortaleza. Con el ascenso del proximo ciclo de once maga año de maga solar mancha, ta move el diferencial rotacion con el magnetico energia desde el poloidal hasta el toroidal campo, pero con un polaridad opuesto al del previo ciclo. Ta segui el proceso continuamente, y na un idealizao, simplificao situacion, ta corresponde cada ciclo de once maga año de maga solar mancha con un cambio, entonces, na general polaridad del magnetico campo, a gran escala, del Sol.

Solar actividad

Artículo principal: Solar ciclo.

Maga medicion de 2005 del variacion del solar ciclo durante el previo 30 maga año.

Ta lleva el magnetico campo del Sol a mucho maga efecto colectivamente llamao el solar actividad. Ta tende el maga solar erupcion y el maga eyeccion de coronal masa a ocurri al maga grupo de maga solar mancha. Ta emit maga coronal agujero al fotosferico superficie con maga corriente del solar viento, de despacio cambio pero alto velocidad. Ta lleva y este maga corriente y el maga eyeccion de coronal masa con plasma y el interplanetario magnetico campo hacia afuera na el Solar Sistema. Ta inclui el maga efecto del solar actividad na el Tierra con maga polar aurora a maga moderao y alto latitud y el ruptura del radiocomunicacion y del electrica potencia. Segun el maga astronomo, ya desempeña el solar actividad con un gran papel na el formacion y evolucion del Solar Sistema.

Ta cree algun maga cientifico que hay un correlacion entre el secular cambio a largo plazo na el cantidad de maga solar mancha y otro cambio a largo plazo na el solar irradiacion, que al de suyo vez ta puede influencia con el terrestre clima a largo plazo. Ta influencia el solar ciclo con el maga condicion del espacial clima, incluyendo con el maga que ta rodea con el Tierra. Por ejemplo, na aca-17 siglo, ya aparece que ya para por completo el solar ciclo durante un maga decada. Observao poco maga solar mancha durante un periodo llamao el minimo de si Maunder. Ya coincidi esto con el era del Chico Edad de Hielo, cuando ya experimenta Europa con inusualmente frio maga temperatura. Descubierto mas temprano extendio maga minimo por analisis del maga anillo de maga arbol, y siguro ya coincidi con maga global temperatura inferior al media.

Na diciembre de 2019, observao un nuevo tipo de solar magnetico explosion, conocio como un forzao magnetico reconexion. Previamente, na un proceso llamao espontaneo magnetico reconexion, observao que ta divergi explosivamente, entonces ta convergi de nuevo instantáneamente, el maga linea del solar magnetico campo. Similar el forzao magnetico reconexion, masquen activao por un explosion na el corona.

Maga fase del de suyo vida

Artículos principales: Formacion y evolucion del Solar Sistema Plantilla:Y-e Estelar evolucion.

Hoy dia ta queda el Sol aproximadamente al mitad del mas estable parte del de suyo vida. Durante cuatro mil millon de maga año hinde ya cambia dramaticamente y durante mas de cinco mil millon de maga año ay queda bastante estable. Sin embargo, despues del cese de fusion de hidrogeno na el de suyo nucleo, ay experimenta el Sol con maga dramatico cambio, y por dentro y por fuera. Mas masivo el Sol que 71 de 75 maga otro estrella dentro de 5 pc, o na el ~5% superior.

Formacion

Ya forma el Sol hace alrededor de 4.6 mil millon de maga año del colapso de parte de un gigante molecular nube que ta consisti mayoritariemente na hidrogeno y helio, y que siguro ya dale a luz con mucho otro maga estrella. Ta estima este edad el maga simulacion por computadora de estelar evolucion, ademas del nucleocosmocronologia. Consistente este resultao con el radiometrico datacion del mas viejo material del Solar Sistema, hace 4.567 mil millon de maga año. Ta revela maga estudio de antiguo meteorito con maga rastro de maga estable nucleo hijo de maga isotopo de corto vida, como hierro-60, que ta forma solo na maga estrella explotando de corto vida. Ta indica esto que ya ocurri gayot uno o dos maga supernova cerca del ubicacion del formacion del Sol. Siguro un onda de choque de un cercano supernova con el formacion del Sol, por comprimi con el materia dentro del molecular nube, y por causa que ya colapsa cierto maga region por el de ellos propio gravedad. Mientras que ya colapsa un parte del nube tambien ya empeza a rota por el conservacion del angular momento y a calenta por el aumentando presion. Ya queda mucho del masa concentrao na el centro, mientras que ya aplana el resto na un disco que ya queda el maga planeta y otro maga cuerpo del Solar Sistema. Ya genera mucho calor el gravedad y el presion dentro del centro del nube mientras que ya acumula cada vez mas materia del circundante disco, eventualmente activando con el nuclear fusion.

Ta comparti el maga estrella HD 162826 y HD 186302 con maga similitud con el Sol y ansina hipotetizao como el de suyo maga estelar hermano, formao na mismo molecular nube.

Principal secuencia

Ta queda el Sol aproximadamente al mitad del principal secuencia, durante el que ta fusiona el maga reaccion de nuclear fusion na el de suyo nucleo con el hidrogeno na el helio. Cada segundo, ta queda como energia mas de cuatro millon maga tonelada de materia dentro del solar nucleo, produciendo con maga neutrino y con solar irradiacion. A este ritmo, ya converti hasta ahora el Sol con alrededor de cien maga vez el masa del Tierra na energia, alrededor de 0.03% del total masa del Sol. Ya pasa el Sol con un total de aproximadamente diez u once mil millon de maga año como un estrella del principal secuencia antes del fase rojo gigante. Al maga ocho mil millon de maga año, ya queda el Sol al de suyo mas caliente punto segun el mision de espacial observatorio de Gaia del AEE na 2022.

Gradualmente ta queda el Sol mas caliente dentro del de suyo nucleo, mas caliente al superficie, mas grande na radio, y mas luminoso durante del de suyo tiempo na el principal secuencia. Desde el inicio del de suyo vida na el principal secuencia, ya expandi el de suyo radio por 15% y ya calenta el de suyo superficial temperatura desde 5,620 K (5,350 °C) hasta 5,777 K (5,504 °C), resultando na un aumento de 48% de luminosidad desde 0.677 maga solar luminosidad hasta el 1.0 de hoy dia. Ta ocurri esto porque ta tene el maga atomo de helio dentro del coro con un medio molecular peso mas alto que el del maga atomo de hidrogeno originalmente fusionao, resultando na menos termico presion. Poreso ta disminui el nucleo, que ta permiti que ta move el maga exterior capa del Sol mas cerca del centro, liberando con gravitatorio potencial energia. Segun el teorema del virial, ya anda el mitad del liberao gravitatorio energia na el calefaccion, que ta llega a un gradual aumento na el tasa de fusion y poreso un aumento na el luminosidad. Ta acelera este proceso mientras que ta queda mas denso el nucleo. Hoy dia, ta aumenta el luminosidad por alrededor de 1% cada 100 millon maga año. Ay tarda tal aumento por lo menos un mil millon de maga año na agota con el liquido agua del Tierra. Despues de esto, hinde ay puede sostene el Tierra con el complejo, multicelular vida y ay sufri el maga ultimo multicelular organismo na el planeta con un final, completo, masivo extincion.

Despues el agotamiento del hidrogeno del nucleo

Para bien o para mal, ta carece el Sol con bastante masa para explota como un supernova. Na cambio, cuando ta agota ele con el de suyo hidrogeno na el coro dentro de aproximadamente 5 mil millon de maga año, ay para el fusion de hidrogeno na el nucleo, y hinde ay preveni nada con mas contraccion del nucleo. Ay causa el liberacion de gravitacional potencial energia con el aumento del luminosidad del Sol, terminando con el fase del principal secuencia y causando que ta expandi el Sol durante el proximo mil millon de maga año: primero na un subgigante, entonces na un rojo gigante. Tambien ay llega el calefaccion, debio al gravitacional contraccion, al expansion del Sol y al fusion de hidrogeno na un cascara justo afuera del nucleo, donde ta queda hinde fusionao hidrogeno, contribuyendo al aumentao luminosidad, que eventualmente ay alcanza con mas de mil maga vez el de suyo presente luminosidad. Cuando ta entra el Sol na el fase de rama de rojo gigante, ya engulli con Mercurio y (siguro) Venus, alcanzando con alrededor de 0.75 AU (110 million km; 70 million mi). Ay pasa el Sol con alrededor de un mil millon de maga año na este rama y ay perde con alrededor de un tercio del de suyo masa.

Despues del rama de rojo gigante, ta tene el Sol con aproximadamente 120 millon de maga año na el de suyo activo vida, pero ta pasa mucho. Primero, ta encende el nucleo (lleno de degenerao helio) na el flash del helio: segun maga estimacion, ay converti 6% del nucleo —40% del masa del Sol— na carbon dentro de maga minuto por el proceso triple alfa. Entonces ta encoge el Sol hasta diez maga vez el de suyo actual tamaño y cincuenta maga vez el luminosidad, con un temperatura un poco mas bajo que el de hoy. Entonces ay llega al rojo apelotonamiento o horizontal rama, pero hinde evoluciona un estrella de tanto metalicidad como el Sol hacia el azul a traves del horizontal rama. Na cambio, simplemente ta queda moderadamente mas grande y mas luminoso durante alrededor de 100 millon de maga año mientras que ta continua reacciona con el helio na el nucleo.

Cuando agotao el helio, ay repeti el Sol con el expansion que ya experimenta cuanto agotao el hidrogeno na el nucleo. Este vez, sin embargo, ta pasa todo con mas rapidez, y ta queda el Sol mas grande y mas luminoso, y ta engulli con Venus si hinde ta pasa ya. Esto es el fase del asintotico gigante rama, y ta altena el Sol entre reacciona con hidrogeno na un cascara o helio na un mas profundo cascara. Despues de pasa con alrededor de 20 millon maga año na asintotico gigante rama, ta queda el Sol cada vez mas inestable, con rapido perdida de masa y maga termico pulso qua ta aumenta con el tamaño y luminosidad, durante cuanto cien maga año, cada 100,000 maga año, mas o menos. Cada vez ta queda mas grande el maga pulso termico, ansina que ta empuja el ultimo maga pulso con el luminosidad hasta 5,000 maga vez el actual nivel y el radio hasta mas de 1 1 AU (150 million km). (Na otro maga palabra, ay toca, y eventualmente ay engulli, el Sol con el Tierra. Puede ta espera kita que, despues de cuanto millon de maga año, ay migra el humanidad a otro maga planeta u otro maga estelar sistema.)

Segun un modelo de 2008, inicialmente ay expandi el orbita del Tierra hasta 1.5 AU (220 million km) debio al perdida del masa del Sol como un rojo gigante. Sin embargo, mas tarde ay encoge el orbita del Tierra debio al maga fuerza de marea (y, eventualmente, resistencia desde el inferior cromosfera) ansina que ta engulli el Sol con el Tierra durante el fase del punta del rama del rojo gigante, 3.8 y 1 millon de maga año despues de que ta sufri Mercurio y Venus (respectivamente) con el mismo destino. Ta varia el maga modelo dependiendo del tasa y momento del perdida del masa. Na cuanto al maga modelo con mas alto perdida de masa na el rojo gigante rama, ta produci ellos con mas chico, menos luminoso maga estrella al punto del asintotico gigante rama, quizas solo 2,000 maga vez el luminosidad y menos de 200 maga vez el radio. Para el Sol, hay un prediccion de cuatro maga termico pulso antes de que ta perde ele por completo con el de suyo exterior envoltura y ta empeza a hace con un planetario nebuloso. Al final de aquel fase —que ay perdura aproximadamente 500,000 maga año— ay tene el Sol con solo un mitad del de suyo actual masa.

Cada vez mas rapido es el evolucion del pos-asintotico-gigante rama. Ta queda mas o menos constante el luminosidad mientras que ta sube el temperatura. Ta queda ionizao el expulsao mitad del masa del Sol na un planetario nebuloso mientras que ta llega el nucleo al 30,000 K (29,700 °C), como si na algun azul bucle. Ay tene el final nudo nucleo, un blanco enano, con un temperatura de mas de 100,000 K (100,000 °C), y ay contene con un estimao 54.05% del actual masa del Sol. Despues de aproximadamente 10,000 maga año, ay dispersa el planetario nebuloso, pero ay sobrevivi el blanco enano durante cuanto billon de maga año antes de desvanece a un hipotetico super-denso negro enano. Como tal hinde ay desprende con ningun energia durante maskin mas tiempo que durante el de suyo etapa como un blanco enano.

Ubicacion

Solar Sistema

Artículo principal: Solar Sistema.

Ta orbita ocho maga conocio planeta con el Sol. Ta inclui este con cuatro maga terrestre planeta (Mercurio, Venus, Tierra y Marte), dos maga gaseoso gigante (Jupiter y Saturno) y dos maga helao gigante (Urano y Neptuno). Tambien ta tene el Solar Sistema con nueve maga cuerpo generalmente considerao como maga enano planeta y otro maga candidato, un cinturon de maga asteroide, numeroso maga cometa, y un gran numero de maga helao cuerpo que ta queda mas alla del orbita de Neptuno Ta tene seis maga planeta, y manada mas chico cuerpo, con el de ellos propio maga natural satelite: na particular, ligeramente ta semeja el maga sistema de maga satelites de Jupiter, Saturno y Urano con maga version na miniatura del sistema del Sol.

Ta move el gravitatorio atraccion del maga planeta con el Sol. Firmi ta queda el centro del Sol dentro de 2.2 maga solar radio del baricentro. Este mocion del Sol mayoritariamente debio al cuatro maga gran planeta. Ta tene cada planeta na el serie Jupiter, Saturno, Neptuno, Urano con alrededor del doble de efecto (momento de inercia) que el siguiente. Durante algun maga periodo de cuanto decada (cuando ta queda Neptuno y Urano na oposicion) algo regular el mocion, formando con un padron de trifolio, mientras que entre este maga periodo ta aparece mas caotico.^{[cita requerida]}. Despues de 179 maga año (nueve maga vez el sinodico periodo de Jupiter y Saturno) mas o menos ta repeti el padron, pero ta rota por alrededor de 24°. Similarmente ta desplaza el maga mismo gravitatorio fuerza con el maga orbita del otro maga planeta, incluyendo el del Tierra, ansina que ta tene el movimiento del Sol con poco efecto na el maga relativo posicion del Tierra y el Sol, o na solar irradiacion na el Tierra como funcion del tiempo.

Celestial barrio

La página «Solar Sistema» no se encuentra

Mocion

Véase también: Estelar cinematica.

Como parte del Lactea Via ta move el Sol, arrastrando con todo el Solar Sistema, de orbital forma alrededor del centro de masa del galaxia a un medio velocidad de 230 km/s (828,000 km/h), tardando alrededor de 220-250 millon maga terrestre año na completa con un revolucion (un galactico año). Ya realiza esto el Sol alrededor de 20 maga vez desde el de suyo formacion. Ta queda el direccion del mocion del Sol, el solar apex, mas o menos na el dirección del estrella Vega.

Observacional historia

Temprano entendimiento

Véase también: El Sol na cultura.

A lo largo del humano historia fue el Sol un objeto de veneracion na manada cultura. El mas fundamental humano comprension del Sol es como el luminoso disco na el cielo, ta causa cuyo presencia sobre el horizonte con el dia y ta causa cuyo ausencia con el noche. Na manada prehistorico y antiguo cultura, considerao el Sol como un solar deidad u otro sobrenatural entidad. Ya desempeña el Sol con un importante papel na manada religion del mundo, como descrito na un posterior seccion.

A maga principio del primer milenio AEC, ya observa el maga babilonico astronomo que hinde uniforme el mocion del Sol e lo largo del ecliptica, masquen hinde ya sabe con el razon. Hoy conocio que esto debio al movimiento del Tierra na un eliptico orbita alrededor del Sol: ta move el Tierra mas rapido cuando mas cerca del Sol na el perihelio, y mas lentamente cuando mas lejos na el afelio.

Uno del maga primer persona na ofrece con un cientifico o filosofico explicacion para el Sol fue el griego filosofo si Anaxagoras. Ya razona ele que no era el carro de Helios, sino una gigantesco bola de metal en llamas hasta mas grande que el tierra del Peloponeso y que ta refleja el Luna con el luz del Sol. Por enseña con este herejia, encarcelao ele por el maga autoridad y condenao a muerte, masquen mas tarde liberao gracias al intervención de si Pericles. Ya estima si Eratostenes con el distancia entre el Tierra y el Sol en el aca-3 siglo AEC como "de maga estadio miriada 400 and 80000", ambiguo cuyo traduccion, implicando con o 4,080,000 maga estadio (755,000 km) o 804,000,000 maga estadio (148 a 153 millon maga kilometro or 0.99 a 1.02 AU); correcto el ultimo valor dentro de un chico porcentaje. Na el primer siglo EC, ya estima si Claudio Ptolomeo con el distancia como 1,210 maga vez el radio del Tierra, aproximadamente 7.71 millon maga kilometro (0.0515 AU).

El antiguo griego astronomo si Aristarco de Samos fue el primero na propone con el teoria que el Sol es el centro alrededor del cual ta orbita el maga planeta. Propuesto este teoria na el aca-3 siglo AEC, y mas tarde adoptao por si Seleuco de Seleucia (mira con Heliocentrismo). Na el aca-16 siglo ya desarrolla si Nicolas Copernico con este vista na un mas detallao matematico modelo de un heliocentrico sistema.

Desarrollo del cientifico entendimiento

Ya registra el maga chino astronomo —que ya mantene con maga recuerdo de este maga observacion durante maga siglo— con maga observacion de maga solar mancha durante el dinastia Han (206 AEC–220 EC). Tambien ya provee si Averroes con un descripcion del maga solar mancha na el aca-12 siglo. A maga principio del aca-17 siglo, ta permiti el invencion del telescopio con maga detallao observacion del maga solar mancha por si Thomas Harriot, si Galileo Galilei y otro maga astronomo. Ya afirma si Galileo que ya queda el maga solar mancha na el superficie del Sol na lugar de maga chico objeto pasando entre el Tierra y el Sol.

Ta inclui el maga arabe astronomico contribucion con el descubrimiento de si al-Battani de que ta cambia el direccion del apogeo del Sol (el lugar na el orbita del Sol, contra el maga fijo estrella, donde ta parece el Sol move mas lentamente). (Na maga moderno heliocentrico termino, ta causa esto un gradual movimiento del afelio del orbita del Tierra.) Por medio de un gran astrolabio ta observa si Ibn Yunus con mas de 10,000 maga entrada para el posicion del Sol durante manada año.

Sol, de un edicion de 1550 del *Liber astronomiae* (*Libro de astronomia*) de si Guido Bonatti.

Por un observacion de un transito de Venus na 1032, ya conclui (correctamente) el perso astronomo y polimata si Avicena que mas cerca Venus del Tierra que del Sol. Na 1672 ta determina si Giovanni Cassini y si Jean Richer con el distancia a Marte y poreso ya puede calcula con el distancia al Sol.

Na 1666 ya observa si Isaac Newton con el solar luz por un prisma, y ya demostra que hecho ele de luz de manada color. (Mira por ejemplo con el famoso portada del album The Dark Side of the Moon de Pink Floyd.) Na 1800 ya descubri si William Herschel con infrarrojo radiacion mas alla del rojo parte del visible espectro. Ya mira el aca-19 siglo con maga avance na el maga espectroscopico estudio del Sol: ya registra si Joseph von Fraunhofer con mas de 600 maga linea de absorcion na el espectro, el maga mas fuerte conocio pa como maga lineas de si Fraunhofer. Ya trae el aca-20 siglo con cuanto especializao sistema para observa con el Sol, especialmente na maga diferente longitud de onda de estrecho banda, como ellos que ta usa con maga filtrado de Calcio H (396.9 nm), [[Potasio|K[] (393.37 nm) e H-alfa (656.46 nm).

Na el maga primer año del moderno cientifico era, el fuente de energía del Sol fue un importante rompecabezas. Ya sugeri si William Thomson que el Sol es un liquido cuerpo, enfriando gradualmente y radiando con un interno almacen de calor. Entonces ya propone si Thomson y si Hermann von Helmholtz con un mecanismo de gravitatorio contraccion para explica con el produccion de energía, pero el resultante estimación de edad fue de solo 20 millon de maga año, muy por debajo del lapso de tiempo de al menos 300 millon de maga año, sugerio por cuanto geologico descubrimiento de aquel epoca. Na 1890 ya propone si Norman Lockyer, que ya descubri con el helio na el solar espectro, con un meteoritico hipotesis para el formación y evolución del Sol.

Solo na 1904 ya aparece un documentao solucion. Ya sugeri si Ernest Rutherford que ya puede mantene el Sol con el de suyo produccion por medio de un interno fuente de calor, y ya sugeri con radiactividad como el fuente. Sin embergo, si Albert Einstein fue quien ya provee con el esencial pista al fuente del produccion de energía del Sol con el de suyo relacion de equivalencia entre masa y energía E = mc². Na 1920, ya propone si Arthur Stanley Eddington que ya puede el maga presion y temperatura en el solar nucleo produci con un reaccion de nuclear fusion que ya fusiona con hidrogeno (maga proton) na maga nucleo de helio, cosa ta resulta na un produccion de energía a partir del neto cambio na masa. Na 1925 ya confirma si Cecilia Helena Payne-Gaposchkin con el preponderancia del hidrogeno na el Sol gracias al teoria de ionizacion desarrollao por si Meghnad Saha. Na maga 1930 ya desarolla el maga astrofisico si Subrahmanyan Chandrasekhar y si Hans Bethe con el teorico concepto de fusion. Ya calcula si Hans Bethe con el maga detalle del dos maga principal nuclear reaccion, productor de energía, que ta alimenta con el Sol. Na 1957, ya demostra si Margaret Burbidge, si Geoffrey Burbidge, si William Alfred Fowler y si Fred Hoyle que ya sintetiza maga nuclear reaccion dentro del maga estrella, algun maga como el Sol, con el mayoria del maga quimico elemento del universo.

Maga solar espacial mision

Véase también: Solar observatorio.

El maga primer satelite diseñao para el observación a largo plazo del Sol desde el interplanetario espacio fueron el maga Pioneer 6, 7, 8 y 9 de NASA, lanzao entre 1959 y 1968. Ya orbita este maga sonda a un distancia similar a el del Tierra, y ya realiza con el maga primer detallao medicion del solar viento solar y del solar magnetico campo. Ya opera Pioneer 9 durante un particularmente largo tiempo, transmitiendo con maga dato hasta mayo de 1983.

Na el maga 1970, ya provee Helios y el Apollo Telescope Mount de Skylab al maga cientifico con maga significante nuevo dato sobre el solar viento y el solar corona. El maga sonda Helios 1 y 2 fueron maga estadounidense–aleman colaboracion que ya estudia con el solar viento desde un orbita que ya lleva con el espacial nave dentro del orbita de Mercurio na el perihelio. Ya inclui el espacial estacion Skylab, lanzao por NASA na 1973, con un modulo de un solar observatorio, llamao el Apollo Telescope Mount, operao por maga astronauta residente na el estacion. Ya realiza Skylab con el primer maga observacion, resuelto na el tiempo, del region del solar transicion y del maga ultravioleta emision desde el solar corona. Ya inclui el maga descubrimiento con el primer maga observacion de maga eyeccion de coronal masa, entonces llamao maga "coronal transiente", y de maga coronal agujero, ahora entendio como íntimamente asociao con el solar viento.

Na el maga 1970, ya enfoca mucho investigacion na el maga abundancia de maga elemento del grupo de hierro na el Sol. Masquen realizao significante investigacion, hasta 1978 dificil determina con el maga abudancia de algun maga elemento del grupo de hierro (e.g. cobalto y manganeso) via espectroscopia por causa del de ellos maga hiperfino estructura. Ya queda disponsible na maga 1960 el primer mayoritariamente completo conjunto de maga fuerza de oscilador de maga individualmente ionizao elemento del grupo de hierro, y subsecuentemente mejorao este maga. Na 1978 derivao el maga abundancia de maga individualmente ionizao elemento del grupo de hierro. Ya contempla cuanto autor con el existencia de un gradiente na el maga isotopico composicion del maga solar y planetario noble gas, e.g. maga correlacion entre maga isotopico composicion de neon y xenon en el Sol y na el maga planeta. Antes de 1983, considerao que ya tene el Sol con el mismo composicion que el entero solar atmosfera. Na 1983, reclamao que ya causa fraccionamiento na el Sol mismo con el relacion, na cuanto al maga isotopico composicion, entre el maga planetario noble gas y ellos implantao por el solar viento.

Dibujo de un sonda del Solar Maximum Mission.

Na 1980 ya lanza NASA con el maga sonda del Solar Maximum Mission. Diseñao este espacial nave para observa con maga rayo gamma, maga rayo X y ultravioleta radiacion del maga solar erupcion durante un epoca de alto solar actividad y solar luminosidad. Justo cuanto mes despues del lanzamiento, sin embargo, ya causa un electronico falla que ya entra el sonda na un modo de espera, y ya pasa ele con el proximo tres maga año na este inactivo estado. Na 1984, ya recupera el mision STS-41-C del transbordador espacial Challenger y ya repara con el de suyo maga electronico componente antes de pone conele na orbita de nuevo. Subsecuentemente ya adquiri el Solar Maximum Mission con maga mil de maga imagen del solar corona antes de reentra na el terrestre atmosfera na junio de 1989.

Lanzao na 1991, ya observa el satelite Yohkoh (Rayo de sol) de Japon con maga solar erupcion na maga longitud de onda de rayo X. Ya permiti el maga dato del mision que el maga cientifico identifica con vario diferente tipo de erupcion, y ya demostra que el corona, lejos del maga regione de maximo actividad, mucho mas dinamico y activo que anteriormente supuesto. Ya observa Yohkoh con un entero ciclo de maga solar erupcion pero ya entra na un modo de espera cuando ya causa un anular eclipse na 2001 que ya perde el satelite con el de suyo cerradura na el Sol. Ya queda destruio por atmosferico reentrada na 2005.

Uno del maga mas importante solar mision hasta el fecha fue el SOHO, conjuntamente construio por el Europeo Espacial Agencia y NASA, y lanzao el 2 de diciembre de 1995. Originalmente destinao a servi na un mision de dos maga año, na octubre de 2009 aprobao un extension de mision hasta 2012. Ya queda tan util que na febrero de 2010 lanzao un mision de seguimiento, el Solar Dynamics Observatory. Situao al punto de si Lagrange entre el Tierra y el Sol (al cual igual la gravitatorio atraccion de ambo maga), ya provee SOHO con un constante vista del Sol a manada longitud de onda desde el de suyo lanzamiento. Ademas del de suyo directo solar observacion, ya habilita SOHO el descubrimiento de un gran numero de maga cometa, mayoritariamente maga diminuto rasante del sol Kreutz que ta incinera al pasa con el Sol.

Ya observa todo este maga satelite con el Sol desde el plano del ecliptica, ansina que solo ya observa ellos con el de suyo ecliptico region na detalle. Na 1990 lanzao el espacial sonda Ulysses para estudia con el maga polar region del Sol. Primero ya viaje a Jupiter, para usa con este planeta como un "honda" que ya lanza con el sonda na un orbita que ya trae conele muy por encima del plano del ecliptica. Al llega Ulysses al de suyo planeao orbita, ya empeza ele a observa con el solar viento y el fuerza del magnetico campo al maga alto solar latitud, incuntrando (1) que ya move el solar viento del maga alto latitud a un tasa de alrededor de 750 km/s, cosa mas alto que esperao, y (2) que ya emerge maga gran magnetico onda desde el maga alto latitud que ya dispersa con maga galactico cosmico radiacion.

Bien conocio maga elemental abundancia na el fotosfera por maga espectroscopico estudio, pero poco entendido el composicion del interior del Sol. Diseñao un mision, el sonda Genesis, para recoge con maga muestra del solar viento y ansina permiti que directamente medi el maga astronomo con el composcion del solar material.

Na octubre de 2006 lanzao el mision Stereo. Lanzao dos maga identico espacial nave na maga orbita que ya causa que (respectivamente) ya adelanta a, y ya queda atras de, el Tierra. Ta permiti esto con maga estereoscopico imagen del Sol y del maga solar fenomeno, tal como maga eyeccion de coronal masa.
Na 2018 lanzao el solar sonda Parker a bordo de un cohete Delta IV Heavy y ay llega a un perihelio de 0.046 AU na 2025. Poreso ay queda ele el artificial satelite de mas cercano orbita como el primer espacial nave na vola a baja altura na el solar corona.
Na 2020 lanzao el mision Solar Orbiter (SolO) y ay llega a un minimo perhelio de 0.28 AU. Poreso ay queda el mas cercano satelite con maga camara orientao hacia el sol.
Na 16 de noviembre de 2022 lanzao el CubeSat for Solar Particles (CuSP) junto con Artemis 1 para estudia con maga solar energetico particula y maga magnetico actividad.
Na 2 de septiembre de 2023 ya lanza el ISRO con un satelite de 100 kg nombrao Aditya-L1. El de suyo principal instrumento sera un coronografo para estudia con el dinamica del solar corona.

Maga hinde resuelto problema

Coronal calefaccion

Artículo principal: Solar corona.

El temperatura del fotosfera es aproximadamente 6,000 K, mientras que ta llega el temperatura del corona a 1,000,000–2,000,000 K. Ta mostra el alto temperatura del corona que ta ocurri tal calefaccion por otro causa que el directo conduccion de calor desde el fotosfera.

Conjeturao que ta provee turbulento movimiento na el zona de conveccion debajo del fotosfera con el energia necesario para calenta con el corona, y propuesto dos maga mecanismo para explica con el coronal calefaccion. El primero es el calefaccion por maga onda, donde ta produci turbulencia na el zona de convección con maga onda de sonido, gravitacion o magnetohidrodinamica. Ta viaja este maga onda hacia arriba y ta disipa na el corona, depositando con el de suyo energia na el ambiente materia na forma de calor. El otro es el magnetico calefaccion, donde ta acumula el fotosferico mocion con magnetico energia y ta libera con este por magnetico reconexion na forma de maga gran solar erupcion y un miriada de maga similar pero más chico evento — maga solar nanoerupcion.

Actualmente incierto si o hinde son maga onda un eficiente mecanismo de calentamiento. Incuntrao que ta disipa o ta refracta todo el maga onda, salvo el maga de si Alfvén, antes de llega al corona. Poreso ta cambia el actual investigacion hacia el maga mecanismo de calefaccion del maga solar erupcion.

Joven y debil Sol

Artículo principal: Paradoja del joven y debil Sol.

Ta sugeri el teorico modelo del desarollo del Sol que hace 3.8–2.5 mil millon de maga año, durante el arcaico eon, el Sol solo alrededor de 75% tan brillo como hoy. Segun el maga modelo, poreso, hinde ya puede un estrella tan debil sostene con maga liquido agua na el superficie del Tierra, ansina que ya hinde debe pode el vida desarrolla. Sin embargo, ta demosta el geologico registro que ya queda el Tierra a un mas o menos constante temperatura a lo largo del de suyo historia y que el joven Tierra algo mas caliente que hoy. Un teoria entre el maga cientifico es que ya contene al terrestre atmosfera con mucho mas grande cantidad de maga gas de invernadero efecto (como el dioxido de carbono y el metano) que presente hoy, que atrapa con bastante calor para compensa con el menor cantidad de entrante solar energia.

Sin embargo, aparece inconsistente el examinacion del maga sedimente del dicho arcaico eon con el hipotesis de maga alto concentracion de tal maga gas. Na cambio, un posible explicacion, para el moderao rango de temperatura, es un mas bajo albedo (na el superficie del Tierra) causao por menos continental area y el falta de maga nuclei de condensacion de maga nube. Siguro ya llega esto a un aumento del absorcion de solar energia, compensando ansina con el menor solar produccion.

Observacion por el maga ojo

Puede causa el brillo del Sol con dolor si visto a simple vista, masquen hinde peligroso maga brevisimo mirada para maga normal, hinde dilatao ojo. Ta causa un intencional mirada al Sol (sungazing) con maga visual artefacto (maga fosfeno) y parcial temporal ceguera. Tambien ta entrega ele con alrededor de 4 maga milivatio de solar luz al retina, ligeramente calentando conele y potencialmente causando con daño na el maga ojo que hinde puede responde correctamente al brillo. Puede un mirada del directo Sol a simple vista causa con maga lesion (por el UV, asemejando a un solar quemadura) na el retina, comenzando despues de aproximadamente 100 maga segundo, particularmente bajo maga condicion donde intenso y bien enfocao el UV luz del Sol.

Puede un mirada del Sol, por maga optica de concentracion de luz, como maga prismatico, causa con permanente daño al retina sin un adecuado filtro que ta bloquea con el maga rayo UV y ta atenua sustancialmente con el solar luz. Al usa con un atenuador filtro para mira con el Sol, avisao el espectador a utiliza con un filtro diseñao específicamente para aquel uso. Na cuanto a algun maga filtro improvisao que ta pasa con el maga rayo UV o IR, puede ellos de hecho daña con el ojo a maga alto nivel de brillo. Puede maga breve mirada al Sol de mediodia, a traves de un telescopio sin filtro, causa con permanente daño.

Durante el orto y ocaso, atenuao el solar luz por el dispersion de si Rayleigh y el difusion de si Mie, ambo maga causao por un particularmente largo pasaje por el terrestre atmosfera, y tiene vez bastante tenue el Sol para mira comodamente a simple vista o seguramente con el optica (con tal de que nuay riesgo de que ta aparece de repente el brillante luz solar por un espacio entre maga nube). Ta contribui a este atmosferico atenuacion el maga condicion de neblina, atmosferico polvo y/o alto humedad.

Tiene vez, poro despues del ocaso o poco antes del orto, visible un optico fenomeno conocido como un verde destello. Ta causa este destello por refraccion del solar luz (na manada situacion por un termico inversion) hacia el espectador. Ta queda el luz de maga mas corto longitud de onda (violeta, azul, verde) refractao mas que el del maga mas largo longitud de ona (amarillo, anaranjao, rojo) pero ta tene el dispersion de si Rayleigh con un mas fuerte efecto na el violeta y azul luz, ansina que ta tende a desaparece, dejando con luz percibio como verde.

Maga religioso aspecto

Artículo principal: Solar dios.

Ta desempeña maga solar dios con un importante papel na manada religion y mitologia del mundo. El adoracion del Sol fue central a tal maga civilizacion como el Antiguo Egipto, el Incaico Imperio y el Azteco Imperio na el actual México. Na tal religion como el hinduismo, considerao pa el Sol como un dios, conocio como Suria. Constuio manada antiguo monumento teniendo na cuenta con el maga solar fenomeno, por ejemplo:

Ta marca con precision el maga megalito de piedra con el solsticio de verano o el de invierno (por ejemplo, en Nabta Playa, Egipto; Mnajdra, Malta; y Stonehenge, Inglaterra).
Diseñao Newgrange, un prehistorico monte construio por el hombre na Irlanda, para detecta con el solsticio de invierno.
Diseñao el piramide de El Castillo de Chichen Itza na Mexico para proyecta con maga sombra na forma de maga serpiente que ta sube al piramide na el maga equinoccio de marte y de septiembre.

Ya cree el maga antiguo sumerio que el Sol fue Utu, dios del justicia y gemelo hermano de Inanna, reina del cielo, ansina mismo identificao como el planeta Venus. Mas tarde, identificao Utu con el semitico oriental dios Shamash. Considerao Utu como un dios que ya ayuda con ellos na maga apuro.

Desde por lo menos el aca-4 dinastia de Egipto, adorao el Sol como el dios Ra, representao como un divinidad con cabeza de halcon, coronao por el solar disco, y rodeao por un serpiente. Durante el periodo del Nuevo Imperio de Egipto, ya queda identificao el Sol con el pelotero escarabajo. Na el forma del solar disco Aton, ya goza el Sol de un breve resurgimiento durante el amarniense periodo cuando de nuevo ya queda el preeminente, si no el unico, deidad para el Faraon Akenaton]].

Ya retrata el maga egipcio con Ra como transportao a traves del cielo na un solar barca, acompañao por maga menor dios, y para el maga griego, Ra fue Helios, transportao por un carro tirao por maga caballo de fuego. Desde el reino de si Heliogabalo, durante el tardio Romano Imperio, el cumpleaños del Sol fue un festivo dia celebrao como Sol Invictus (literalmente "Sol Hinde Vencio") poco despues del solsticio de invierno, un posible antecedente al Navidad. Na cuanto al maga fijo estrella, del punto de vista del Tierra ta parece el Sol gira un vez al año a lo largo del eclíptica a traves del zodiaco, ansina que ya categoriza el maga griego astronomo conele como uno del siete maga planeta (na griego, πλανήτης planetes "vagabundo", "errante"); ta remonta el Romano Imperio el maga nombre del maga dia del semana despues del siete maga planeta.

Na el protoindoeuropeo religion personificao el Sol como el diosa *Seh₂ul. (Esto fue un alternativo forma del protoindoeuropeo raiz que ya llega al de kanaton palabra sol.) Ta inclui maga derivativo de este diosa na el maga indoeuropeo lengua con el antiguo nordico Sól, el sanscrito Suria, el galo Sulis, el lituano Saulė y el eslavo Solntse. Na el religion del Antigua Grecia, el solar dios fue el masculino dios Helios, mas tarde sincretizao con Apolo.

Na el Biblia, ta menciona Malaquias 4:2 con el "Sol de Justicia", que ya interpreta algun maga cristiano como un referencia al Mesias (Cristo). Na el antiguo romano cultura, domingo fue el dia del solar dios. Na el paganismo, el Sol fue un fuente de vida, que ya dale con calidez e iluminacion. Fue el centro de un popular culto entre el maga romano, que ya para al amanecer para recibi con el maga primero rayo del Sol mientras ya ora el maga adorador. El celebracion del solsticio de invierno (que ya influencia con el Navidad) fue parte del romano culto del Sol hinde vencio (Sol Invictus). Adoptao este dia como el dia del sabado por el maga cristiano. El simbolo de luz fue un pagano dispositivo adoptao por el maga cristiano, y siguro el mas importante que hinde ta remonta al judio tradicion. Constuio el maga cristiano iglesia para que ya mira el congregacion con el orto.

Tonatiuh, el azteca solar dios, fue intimamente asociao con el practica del humano sacrificio. El solar diosa Amaterasu es el mas importante deidad na el religion sintoista, y considerao como el directo antepasado de todo el maga emperador de Japón.

Mira tambien

Advanced Composition Explorer – Satelite de NASA del programa Explorer
Analema – Esquematico Representacion del posición del Sol a lo largo de un período de tiempo
Antisolar punto – Punto na el celeste esfera opuesto al Sol
Hipotetico cronologia del lejano futuro – Maga cientifico proyeccion sobre el futuro lejano
Lista de maga mas brillante estrella – Maga estrella ordenao por aparente magnitud
Lista de maga mas cercano estrella – Maga estrella y maga marron enano a menos de 20 luz-año del Solar Sistema
Planeta (astrologia) § El Sol
Punto encerrao – Otro maga uso del simbolo del Sol y maga similar simbolo
Sol de medianoche – Natural fenomeno cuando ta dura el luz del dia todo un dia
Solar telescopio – Telescopio usao para observa con el Sol
Solar trayectoria – Ruta na forma de arco que ta parece el Sol segui a traves del cielo
Sun-Earth Day – Conjunto educativo programa de NASA y ESA

Maga nota

↑ Na astronomia, ta referi el termino maga pesao elemento (o maga pesao metal) a todo el maga quimico elemento salvo el hidrogeno y el helio.
↑ Na maga hidrotermal fuente, ta vive el maga comunidad, o el biocenosis, tan profundo bajo el mar que hinde ta tene con acceso al solar luz. Na cambio ta usa el maga bacteria con maga compuesto de azufre como un fuente de energia, via quimiosintesis.
↑ Antihorario es tambien el direccion de revolucion alrededor del Sol para el maga objeto na el Solar Sistema, ademas del direccion de axial giro para el mayoria del maga objeto.
↑ Ta tene el terrestre atmosfera casi al nivel de mar con un densidad de 2²⁵ m⁻³ maga particula.

Maga referencia

↑ Williams, D.R. (1 July 2013). «Sun Fact Sheet». NASA Goddard Space Flight Center.

[1] Na astronomia, ta referi el termino maga pesao elemento (o maga pesao metal) a todo el maga quimico elemento salvo el hidrogeno y el helio.

[2] Na maga hidrotermal fuente, ta vive el maga comunidad, o el biocenosis, tan profundo bajo el mar que hinde ta tene con acceso al solar luz. Na cambio ta usa el maga bacteria con maga compuesto de azufre como un fuente de energia, via quimiosintesis.

[3] Antihorario es tambien el direccion de revolucion alrededor del Sol para el maga objeto na el Solar Sistema, ademas del direccion de axial giro para el mayoria del maga objeto.

[5] Ta tene el terrestre atmosfera casi al nivel de mar con un densidad de 2²⁵ m⁻³ maga particula.

[nssdc-4] Williams, D.R. (1 July 2013). «Sun Fact Sheet». NASA Goddard Space Flight Center.

[lower-alpha 1]

[lower-alpha 2]

[lower-alpha 3]

[1]

[lower-alpha 4]