ranndi

Brezhoneg

Etimologiezh

Amprestet digant ar c'hembraeg rhandy pe savet diwar e skouer, ennañ an anv-kadarn brezhonek rann hag al lostger -di

Da geñveriañ gant ar ger kerneveurek ranjy

Anv-kadarn

ranndi /ˈrãndi/ benel (liester : ranndioù)

1. Rann eus ur savadur annez zo meur a bezh enni
   • Kentañ menoz a zeu war he spered : mont da brennañ dor ar ranndi gant an alc'houez-surentez diabarzh, sparlañ anezhi gant n' eus forzh petra, evit mirout ouzh an treitour da zont-tre. Sotoni ! — (Vefa de Bellaing, Ar peskig ruz, Al Liamm niv. 178, Gwengolo-Here 1976, p. 313.)
   • Betek neuze n'en doa bet nemet enklaskoù eeun da gas da benn : un den lazhet en ur ranndi a Vrest, [...]... — (Goulc'han Kervella, Brezel ar Rigadell, Al Liamm, 1994, p. 155.)
   • A-us d'an davarn e oant o chom, en ur ranndi war daou live a skoe war ul liorzh vihan. — (Mich Beyer, Seizh Devezh Warn-ugent, An Alarc'h Embannadurioù, 2006, p. 11.)

Gerioù heñvelster

• apartamant

Troidigezhioù

• galleg : appartement ^(fr)
• kembraeg : rhandy ^(cy)
• kerneveureg : ranjy ^(kw)
• saozneg : flat ^(en)