Louis Harel de la Noë

Krogit e-barzh !
Un danvez pennad eo ar pennad-mañ ha labour zo d'ober c'hoazh a-raok e beurechuiñ.
Gallout a rit skoazellañ Wikipedia dre glokaat anezhañ. 

Louis Auguste Marie Harel de la Noë, bet ganet e Sant-Brieg (Aodoù-an-Hanternoz, Breizh) d'an 29 a viz Genver 1852 hag aet da Anaon e Landerne (Penn-ar-Bed, Breizh) d'an 28 a viz Here 1931, a oa un ijinour breizhat.

E holl studioù en devoa kaset da-benn e Pariz pe e-kichen : Lise Saint-Louis da gentañ-penn, Skol greiz al labourioù foran adalek 1870 ha Skol vroadel an hentoù ha pontoù (a-gevret gant Fulgence Bienvenüe eno) da c'houde.

Anvet da bennijinour an Hentoù ha Pontoù en Aodoù-an-Hanternoz etre 1901 ha 1918 en devoa krouet meur a savadur, an darn vrasañ anezhe liammet ouzh diorren an hentoù-houarn en departamant-se.

Un dekred bet embannet d'an 11 a viz Gouere 1898 a roas da Louis Harel de la Noë ar rez a ofiser en Urzh broadel al Lejion a enor adalek an 9 a viz Eost 1898.

E labourioù

• 
  Karrbont Breheg etre Ploueg-ar-Mor ha Plouha.
• 
  Karrbont Karoual
  en Erge-ar-Mor.
• 
  Karrbont Douvenant etre Sant-Brieg ha Langaeg.
• 
  Karrbont Lezardrev.
• 
  Karrbont Souzain etre Sant-Brieg ha Plerin.
• 
  Karrbont ar Vau-Hervé
  e Langaeg.
• 
  Pont ar Redadegoù
  e Saozon (Sant-Brieg).
• 
  Karrbontoù la Hasée ha Beaufeuillage e Binig.
• 
  Ti-gar Sant-Brieg.
• 
  Pont Gouedig
  e Sant-Brieg.
• 
  Ar Pont dreist al Leger
  e Lannuon
• 
  Ar Pontoù-Du
  e Landreger
• 
  Karrbont Toupin
  e Sant-Brieg.
• 
  Karrbont Parfond du Gouët e Porzhig.
• 
  Karrbont ar Pourrhis
  e Staol.
• 
  Pont Itron-Varia-ar-Gwildoù.
• 
  Pont ar Yeodi
  er Roc'h-Derrien.
• 
  Ti-gar kreiz Tramways de la Sarthe er Mañs.