Lot, niz Abraham
Loth pe Lot (en hebreeg: לוט - [lōṭ]; en arabeg: لوط - [lūṭ]) a zo unan eus ezec'h ar Bibl, niz da Abraham, meneget e Levr ar C'heneliezh.
E Levr ar C'heneliezh
[kemmañ | kemmañ ar vammenn]Mab e oa da Haran, a oa breur da Abraham (Gen. 11:27). Nahor, ur breur all da Abraham, a zeuas da vout breur-kaer Lot dre zimeziñ da c'hoar Lot, Milcah hec'h anv.
Goude kuitaet Ur gant e eontr Abraham setu int o tegouezhout war lez ar Jordan. Ha pep hini da vont en e du : Abraham a chom e Bro Canaan ha Loth a ziskenn gant e chatal war-du plaenenn ar Jordan ha betek kêr Sodom. Brezel a zo etre roueed ar c'hornad, ha tapet eo Loth ha dalc'het evel prizoniad. Dont a ra Abraham da zieubiñ e niz ha d'e gas da Sodom en-dro. Ha Doue da ziskuliañ da Abraham en deus divizet distruj Sodom ha Gomorrha a zo deuet da vout lec'hioù a bec'hed. Klask a ra Abraham aspediñ Doue evit mirout ouzh an distruj.
An aelez
[kemmañ | kemmañ ar vammenn]
Dont a ra daou ael da Sodom, ha degemeret int gant Loth en e di. Ha setu Sodomiz, hag o deus klevet kaoz eus daou estren nevez degouezhet e kêr, da zont da stekiñ ouzh dor Loth evit ober anaoudegezh ganto ha kinnig dezho c'hoari daou pe muioc'h. Loth a ziwall an aelez, ha kinnig a ra e verc'hed en o lec'h.
O chom e oa Lot e Sodom, ha kemenn a reas ar bobl da ziwall diouzh kastiz Doue abalamour d'o obererezh mezhus a anver sodomiezh. Kaset e voe da sutal. Sachet e voe Lot neuze, gwreg ha merc'hed hag all, gant an aelez e-maez kêr a-raok an drouziwezh. Repu a gavas o strollad en ur gêr anvet Tsoar. Lavarout a eure an aelez dezho chom hep sellout war o c'hiz da vare an distruj.
Daoust da se e troas gwreg Lot da sellout, ha kerkent e voe troet e en un delwenn holen . Krediñ a reer e c'hallfe bezañ un dave da rec'hier holenek a gaver war aod ar Mor Marv.
Lot hag e verc'hed
[kemmañ | kemmañ ar vammenn]Distrujet an div gêr gant an tan-taran, setu Lot hag e verc'hed o repuiñ en ur vougev er menez.
- Hag ar verc'h henañ d'he c'hoar : “Kozh eo hon zad ; ha gwaz ebet nend eus er c'hornad, da zont d'hor bete, hervezgiz an holl vroioù. Deus, roomp gwin d'evañ d'hon zad, gourvezomp gantañ, ma virimp gouenn hon zad.”.
- Hag int ha reiñ gwin d'o zad eta en noz-se ; hag ar verc'h henañ da vont gant he zad da c'hourvez. Hag eñ ne welas na pegoulz e c'hourvezas-hi, na pegoulz e savas-hi. En deiz war-lerc'h e lavaras ar c'hoar henañ d'e c'hoar: “ Setu, dec'h da noz em boa kousket gant mazad; roomp gwin dezhañ henozh c'hoazh, ha kae da gousket gantañ, evit ma virimp gouenn hon zad ”.
- Gwin a rojont d'o zad da evañ en noz-se c'hoazh; hag an hini yaouankañ a eas da gousket gantañ. Ne daolas ket me na pegoulz ec'h eas-hi da gousket na pegoulz e savas-hi. Brazezet e oa bet div verc'h gant o zad. Ar verc'h henañ a c'hanas ur mab, a voe anvet Moab. Hennezh eo tad ar Voabited betek an deiz-mañ. Ar verc'h yaouankañ a c'hans ur mab ivez, a voe anvet ganti Ben-Ammil. Hennezh eo tad an Ammonited betek an deiz-mañ.
En Islam
[kemmañ | kemmañ ar vammenn]Lût pe Loût eo e anv er C'horan .
Kerentiezh Lot
[kemmañ | kemmañ ar vammenn]
| Terach | |||||||||||||||||||||||||||||
| Abraham | Nachor | Haran | |||||||||||||||||||||||||||
| Lot | Milka | Jiska | |||||||||||||||||||||||||||
| Moab | Ben-Ammi | ||||||||||||||||||||||||||||
Notennoù
[kemmañ | kemmañ ar vammenn]Pennaoù kar
[kemmañ | kemmañ ar vammenn]Liammoù
[kemmañ | kemmañ ar vammenn]
Lot el livadurioù
[kemmañ | kemmañ ar vammenn]Gant div abadenn eus buhez Lot, dreist ar re all, eo bet awenet an arzourien.
Lot o tec'hel eus Sodom
[kemmañ | kemmañ ar vammenn]-
Tec'hadenn Lot, gant Albrecht Dürer, 1496, Washington, National Gallery of Art -
Tec'hadenn Lot, gant Gustave Doré -
Tec'hadenn Lot eus Sodom, gant Johann Georg Trautmann, Karlsruhe, Staatliche Kunstalle -
Lot hag e diegezh o tec'hel, gant Pieter Paul Rubens, 1615, Würzburg, Martin-von-Wagner-Museum -
Tec'hadenn Lot, diwar dresadenn Raffaello, gant Mattheus Merian -
Tec'hadenn Lot eus Sodom, gant Gustave Doré, embannadur ar Bibl e 1866 -
Lot o tec'hel gant e verc'hed, gant Paolo Veronese -
Lot hag e diegezh o tec'hel eus Sodom, gant Pieter Paul Rubens, war-dro 1615
Lot hag e verc'hed
[kemmañ | kemmañ ar vammenn]-
Lot hag e verc'hed, gant Lucas van Leyden (war-dro 1490-1533), 1509. -
Lot hag e verc'hed, eoullivadur war lien gant Albrecht Altdorfer, 1537, Vienna, Kunsthistorisches Museum. -
Drouziwezh Sodom, gant Jan Brueghel gozh (1568-1625) -
Livadur gant Marcantonio Francescini (1648 - 1729) -
Lot hag e verc'hed, gant Jan Massys, 1565 -
-
Livet gant Andrea Vaccaro, XVIIvet kantved. Rio de Janeiro. -
Livet gant Jan Muller
