Kontelezh Naoned

Edo kontelezh Naoned er marz savet gant rouaned ar Franked war harzoù Breizh dizalc'h. Aloubet e voe gant Nominoe, kentañ roue Breizh, e 851, hag anavezet e c'halloud gant feur-emglev Angers. Gant Salaun e voe kresket c'hoazh ar rouantelezh war-zu ar reter. Met ken bras e oa deuet ar vro da vezañ ma oa diaes da zifenn war un dro diouzh ar Franked hag ar Vikinged. Adal deroù an X^vet kantved edo Naoned dindan gwarez konted Anjev. Daoust da se e voe aloubet gant ar Vikinged eus 919 da 937 a-raok bezañ kemeret gant Alan II. Goude-se e teuas Bro-Naoned da vout ur gontelezh, hag ar gonted anezhi a veze dalc'hmat o'n em gannañ gant konted Roazhon da c'houzout piv anezho a vije dug Breizh. Pep hini en devoa skoazellerien

konted Anjev ha Kerne a skoazelle re Naoned
konted Bleaz, enebourien Anjev, a skoazelle re Roazhon.

Dre zimeziñ ez eas Naoned digant Tiegezh Kerne gant Tiegezh Anjev, ar re Plantagenêt, a-raok bout staget ouzh domani Duged Breizh en XIII^vet kantved.

Listenn konted Naoned

Franked

war-lerc'h 786-818 : Guy de Nantes, prefed marz Breizh .
818-831 : Lambert Iañ Naoned
831-841 : Ricuin Naoned
841-843 : Renaud d'Herbauges, kont Herbauge
843-846 : Lambert II Naoned
846-849 : Amaury de Nantes lakaet da gont gant Karl Voal
849-851 : Lambert II Naoned

Konted vrezhon

851-852 : Erispoe, roue Breizh
852-870 : Salaun, roue Breizh
870-877 : Paskwezhen
877-907 : Alan Iañ.

Kont Anjev ha Naoned

907-919 : Foulk Iañ ar Rouz, kont Anjev. Anavezet de jure evel kont Anjev ha Naoned betek Alan Barvek.

Marevezh ar Vikinged

914-919 : Ottar ha Hroald
919-e-tro 930 : Rognväld
e-tro 930-937 : Incon (Håkon pe Inge ?)

Konted Naoned

938-952 : Alan II
952-958 : Drogon Breizh
958-960 : Foulk II, kont Anjev
960-981 : Hoel Iañ
981-988 : Gwereg
988-990 : Alan Breizh
990-992 : Konan Iañ, kont Roazhon ha dug Breizh
992-994 : Aimery III de Thouars
992-1004 : Yezekael Naoned (Judicaël e galleg)
1004-1038 : Budig
1038-1051 : Mazheaz Iañ
1051-1063 : Judit Naoned
1063-1084 : Hoel II , dug Breizh
1084-1103 : Mazheaz II Naoned
1103-1112 : Alan IV, dug Breizh
1112-1148 : Konan III
1148-1156 : Hoel III

Lignez Plantagenêt

1156-1158 : Jafrez VI , kont Anjev
1158-1158 : Konan IV, dug Breizh
1158-1185 : Henri II Plantagenêt, roue Bro-Saoz, ha dug Anjev ha Normandi
1185-1186 : Jafrez II, dug Breizh, mab da Herri II
1185-1201 : Konstanza, gwreg Jafrez II
1196-1203 : Arzhur Iañ, dug Breizh, lazhet gant e eontr Yann Dizouar, roue Bro-Saoz.

Levrlennadur

E brezhoneg ha galleg

"Guide historique bilingue Nantes/Naoned", Embannadurioù Yoran Embanner, 2006.

E galleg

Chronique de Nantes => e-barzh Gallica http://gallica.bnf.fr
Essai sur l'Histoire de la Ville et du Comté de Nantes, Gérard Mellier, bet maer Naoned, dornskrid embannet gant Léon MAITRE, Nantes (1872) => e-barzh Gallica http://gallica.bnf.fr
Bruno RENOULT, Les Vikings en Bretagne, Editions Bretland (1985) ISBN 84-7633-005-7