Занікелія

Занікелія
Занікелія балотная (Zannichellia palustris). Батанічная ілюстрацыя з кнігі Яна Копса «Flora Batava», 1800—1934
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Урэчнікавыя Род:  Занікелія
Міжнародная навуковая назва
Zannichellia P.Micheli ex L. (1753)
Сінонімы
Pelta Dulac (1867), nom. superfl. Pseudalthenia (Graebn.) Nakai (1943) Vleisia Toml. & Posl. (1976)
Тыпавы від
Zannichellia palustris L. (1753) — Занікелія балотная
Сістэматыка на Віківідах Выявы на Вікісховішчы ITIS   39067 NCBI   27253 EOL   108395 IPNI   27871-1 FW   214121

Занікелія (Zannichellia) — род водных травяністых раслін сямейства Урэчнікавыя (Potamogetonaceae). Род названы ў гонар італьянскага батаніка Джавані Джэролама Дзанікелі.

Апісанне

Пагружаныя ў ваду шматгадовыя травы. Лісце лінейнае або ніткападобнае з адной жылкай, супраціўнае. Тычынкавыя і песцікавыя кветкі размяшчаюцца звычайна ў пазусе аднаго ліста на адной расліне. Андрацэй складаецца з аднаго пылавіка на тонкай тычынкавай нітцы. Гінецэй утвораны 2—5 свабоднымі пладалісцікамі з доўгімі стылодыямі на вяршыні. Плады — дробныя (1,8—3,5 мм), дугападобна выгнутыя, размешчаны на доўгіх ножках.

Віды

Род ўключае 6 відаў:

• Zannichellia andina Holm-Niels. & R.R.Haynes (1985)
• Zannichellia aschersoniana Graebn. (1907)
• Zannichellia contorta (Desf.) Cham. (1827)
• Zannichellia obtusifolia Talavera, García-Mur. & H.Smit (1986)
• Zannichellia palustris L. (1753) — Занікелія балотная
• Zannichellia peltata Bertol. (1855)

Карыялогія

Лік храмасом (2n) вар’іруе ад 12-14 (Zannichellia obtusifolia, Zannichellia contorta і Zannichellia peltata) да 26-28 (Zannichellia palustris).

Ахова

Занікелія балотная ўключана ў многія Чырвоныя кнігі суб’ектаў Расійскай Федэрацыі, у тым ліку ў рэспубліках Карэлія, Калмыкія, Марый Эл, Крым, а таксама Мурманскай, Ніжагародскай, Калужскай, Валагодскай, Пскоўскай, Іркуцкай абласцях.

Літаратура

• Цвелёв Н. Н. Род Цаникеллия — Zannichellia // Флора европейской части СССР = Flora partis europaeae URSS : в 11 т. / отв. ред. Ан. А. Фёдоров. — Л. : Наука, 1979. — Т. 4 : Покрытосеменные : Двудольные, Однодольные : [Каперсовые — Рогозовые] / ред. тома Ю. Д. Гусев. — С. 196—198. — 355 с. — 3950 экз.
• Заннихеллия // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.

Спасылкі

• Цаникеллия: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.) (Праверана 2 верасня 2017)