Хары Холкеры

Хары Холкеры
Harri Holkeri
64-ы Прэм’ер-міністр Фінляндыі 30 красавіка 1987 — 26 красавіка 1991
Прэзідэнт	Маўна Койвіста
Папярэднік	Калеві Сорса
Пераемнік	Эска Аха
Нараджэнне	6 студзеня 1937(1937-01-06) Орыпяя[d], Паўднёва-Заходняя Фінляндыя, Аба-Б’ёрнеборгская губерня, Фінляндыя
Смерць	7 жніўня 2011(2011-08-07) (74 гады) Хельсінкі, Усіма, Агенцтва рэгіянальнага кіравання Паўднёвай Фінляндыі[d], Фінляндыя
Месца пахавання	Хіетаніемі
Імя пры нараджэнні	фінск.: Harri Hermanni Holkeri
Партыя	Нацыянальная кааліцыя
Адукацыя	Хельсінкскі ўніверсітэт (1963)
Навуковая ступень	магістр грамадскіх навук[d]
Месца працы	Арганізацыя Аб’яднаных Нацый
Званне	маёр
Узнагароды	valtioneuvos[d] (15 мая 1998) Cross of merit with clasp of Reservists' association[d] (6 снежня 1994)
Медыяфайлы на Вікісховішчы

Хары Хермані Холкеры (фінск.: Harri Hermanni Holkeri; 6 студзеня 1937, Орыпяя — 7 жніўня 2011, Хельсінкі) — фінскі палітычны дзеяч, прэм’ер-міністр Фінляндыі (1987—1991), старшыня Генеральнай Асамблеі ААН (2000—2001), былы глава UNMIK, былы глава фінскай партыі «Нацыянальная кааліцыя».

Біяграфія

Нарадзіўся ў фінска-швецкай сям’і Анці Холкеры і Майрэ Ахлгрэн у камуне Орыпяя. Неўзабаве сям’я пераехала ў горад Тояла. Менавіта там будучы палітык атрымлівае адукацыю, становіцца актывістам скаўцкага руху.

Скончыў паліталагічны факультэт Хельсінкскага ўніверсітэта. У 1970 годзе Холкеры выбраны ў парламент Фінляндыі.

Балаціраваўся ў прэзідэнты Фінляндыі двойчы — у 1982 і 1988 гадах.

Унёс вялікі ўклад у міжнародную міратворчую дзейнасць. У прыватнасці, ён быў аўтарам мірнага плану Паўночнай Ірландыі ў канцы 90-ых гадоў. Каралева Вялікабрытаніі Елізавета II узнагародзіла яго рыцарскім ордэнам Брытанскай імперыі.

У 2003 годзе ён узначаліў адміністрацыю ААН у Косава.

Сканаў пасля працяглай хваробы 7 жніўня 2011 года.

Асабістае жыццё

У 1960 годзе Холкеры жаніўся на Мар’е-Лійсэ Лепісцё (фінск.: Marja-Liisa Lepistö), у іх нарадзілася двое дзяцей — Юка (Jukka, нар. 1962) і Кацью (Katju, нар. 1964).