Нябесныя істоты

Нябесныя істоты
англ.: Heavenly Creatures
Жанр	female buddy film[d], крымінальны фільм[d], драматычны фільм[…], гісторыя сталення[d] і гомаэратызм у кіно[d]
Рэжысёр	Пітэр Джэксан[…]
Прадзюсар	Jim Booth[d] Пітэр Джэксан
Сцэнарыст	Пітэр Джэксан Фрэн Уолш[d]
У галоўных ролях	Melanie Lynskey[d][…] Кейт Уінслет[…] Jed Brophy[d][…] Clive Merrison[d] Elizabeth Moody[d] Пітэр Джэксан Peter Elliott[d] Sarah Peirse[d]
Аператар	Alun Bollinger[d]
Кампазітар	Peter Dasent[d]
Кінакампанія	WingNut Films[d]
Працягласць	108 хв.
Краіна	Новая Зеландыя  Германія
Мова	англійская
Год	1994 і 12 студзеня 1995
IMDb	ID 0110005
Афіцыйны сайт (англ.)

«Нябесныя істоты» (англ.: Heavenly Creatures) — новазеландскі біяграфічны фільм 1994 года, зняты Пітэрам Джэксанам па сцэнарыі, які ён напісаў разам са сваёй жонкай Фрэн Уолш. Галоўныя ролі выканалі Мелані Лінскі і Кейт Уінслет. Фільм спалучае элементы розных жанраў, такіх як гістарычная драма, крымінал, псіхалагічны трылер, рамантыка і фэнтэзі.

Заснаваны на вядомай справе аб забойстве Паркер — Х’юм, фільм разглядае адносіны між дзвюма дзяўчынкамі-падлеткамі — Палін Паркер і Джульет Х’юм — кульмінацыяй якіх стала наўмыснае забойства маці Паркер. Падзеі ахопліваюць перыяд ад першай сустрэчы дзяўчат у 1952 годзе да здзяйснення злачынства, якое адбылося ў Крайстчэрч, Новая Зеландыя, 22 чэрвеня 1954 года.

Прэм’ера фільма адбылася на 51-м Венецыянскім кінафестывалі ў верасні 1994 года, дзе карціна была ўзнагароджана «Сярэбраным львом». Фільм атрымаў шырокае прызнанне крытыкаў, стаўшы адным з самых папулярных фільмаў таго года. Рэцэнзенты высока ацанілі большасць аспектаў пастаноўкі, асаблівую ўвагу надалі працы невядомых раней Лінскі і Уінслет, а таксама рэжысуры Джэксана. Фільм атрымаў намінацыю на «Оскар» за найлепшы арыгінальны сцэнарый у 1995 годзе.

Сюжэт

У 1954 годзе з Англіі ў новазеландскі гарадок прыязджае школьніца па імені Джульет. Там яна знаёміцца са сваёй новай аднакласніцай Палін, і іх сяброўства неўзабаве пераходзіць у лесбійскую сувязь. Страсная цяга дзяўчат адна да адной умацоўваецца і сумесным захапленнем фантастычнымі сусветамі і літаратурай. Іх бурная фантазія прыводзіць да стварэння паралельнай рэальнасці, дзе яны адчуваюць сябе ў бяспецы і вольнымі ад грамадскіх абмежаванняў. Спрабуючы захаваць сваю ўнікальную сувязь, сяброўкі здзяйсняюць крайні ўчынак, пераходзячы грань між выдумкай і рэальнасцю.

Узнагароды

Паводле рэсурса «Internet Movie Database» фільм быў адзначаны 17 кінаўзнагародамі і яшчэ 17 намінацыямі.

Спасылкі

• Нябесныя істоты на сайце «Internet Movie Database» (англ.)