Нэцішын

Горад Нэцішын укр.: Нетішин Герб Сцяг Краіна Украіна Вобласць Хмяльніцкая вобласць Каардынаты 50°19′48″ пн. ш. 26°38′24″ у. д. Заснаваны 1542 Першая згадка 1542 Горад з 1984 Плошча 65,92 км² Вышыня цэнтра 198 м Насельніцтва 37000 чалавек (2018) Часавы пояс UTC+2, летам UTC+3 Тэлефонны код +380-3842 Паштовы індэкс 30100 КААТУУ 6810500000 Афіцыйны сайт netishynrada.gov.ua Нэцішын на карце Украіны ±

Медыяфайлы на Вікісховішчы

Нэці́шын (укр.: Нетішин) — горад абластнога значэння на поўначы Хмяльніцкай вобласці Украіны на рацэ Гарынь. Горад-спадарожнік Хмяльніцкай АЭС.

Гісторыя

• 1542 г. - першая згадка пра сяло Нэцішын у лісце караля Жыгімонта Аўгуста, па якім Нэцішын як замкавае сяло за дзяльбой зямель князя Канстанціна Астрожскага пераходзіць да княгіні Беаты Касцелецкай.
• 1566 г. - па Другому Статуту Вялікага княства Літоўскага Нэцішын уваходзіць у Луцкі павет Валынскага ваяводства.
• 1793 г. — пасля другога падзелу Рэчы Паспалітай Нэцішын ўваходзіць у склад Расійскай імперыі, сяло ўключана ў склад Ізяслаўскай губерні.
• 1797 г. - згодна з указам імператара Паўла I аб новым адміністрацыйным падзеле, Нэцішын ўваходзіць у Астрожскі павет Валынскай губерні.
• 1975 г. — Міністэрства энергетыкі і электрыфікацыі СССР прымае рашэнне аб размяшчэнні АЭС у Нэцішыне Хмяльніцкай вобласці УССР.
• 1981 г. - Указам Прэзідыума Вярхоўнага Савета УССР сяло Нэцішын аднесена да катэгорыі пасёлкаў гарадскога тыпу.
• 1984 г. - Указам Прэзідыума Вярхоўнага Савета УССР пасёлак гарадскога тыпу Нэцішын аднесены да катэгорыі гарадоў раённага падпарадкавання Славуцкага раёна.
• 1987 г. - ажыццёўлены фізічны пуск энергаблока № 1 АЭС.
• 1990 г. - будаўніцтва энергаблока № 2 АЭС завершана на 95 %, праводзіцца падрыхтоўка да пусканаладачных работ, але ў гэты час Вярхоўнай Радай Украіны прыняты мараторый на будаўніцтва АЭС ва Украіне.
• 1993 г. - Пастановай Вярхоўнай Рады Украіны Нэцішын аднесены да катэгорыі гарадоў абласнога падпарадкавання.
• 1993 г. - Вярхоўная Рада Украіны адмяняе мараторый на будаўніцтва атамных электрастанцый.
• 2004 г. - запушчаны другі энергаблок АЭС.

Прамысловасць

У горадзе працуе 4 буйныя прамысловыя прадпрыемствы. Сярод іх найбуйнейшым і бюджэтаўтвараючым з'яўляецца найбуйнейшае прадпрыемства ўсёй вобласці — Хмяльніцкая атамная электрастанцыя, якая падключана да энергасістэмы Украіны. Яе доля ў агульнай вытворчасці вобласці складае 30 %.

Размеркаванне прамысловай прадукцыі па галінах:

• вытворчасць і размеркаванне электраэнергіі, цяпла і вады - 96,8 %
• вытворчасць машын і абсталявання - 1,6 %
• вытворчасць вырабаў з бетону - 1,1 %
• харчовая прамысловасць і перапрацоўка сельскагаспадарчай прадукцыі — 0,5 %.