Каташок

Каташкі алешніку

Каташкі вярбы

Каташок — бакакветнае (батрычнае), коласападобнае паніклае суквецце. Складаецца з вялікай колькасці аднаполых кветак і ападае цалкам пасля цвіцення (тычынкавы каташок) ці паспявання пладоў (песцікавы каташок). Да каташкоў адносяцца суквецці бярозы, вярбы, таполі, мужчынскія суквецці вольхі, дуба, грэцкага арэха, каштана і інш. драўнінных ветраапыляльных раслін. У вярбы, таполі каташок — просты колас, у алешніку, бярозы і інш. — колас з дыхазіяў (складанае суквецце).

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — 576 с. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• На Вікісховішчы ёсць медыяфайлы па тэме Каташок