Гаасюн — горад на паўднёвым захадзе Тайваня. Трэці па велічыні горад на востраве з насельніцтвам каля 2,77 млн чалавек. Буйны порт і прамысловы цэнтр. Плошча горада — 3000 км².
Гаасюн з’яўляецца важным портам і буйным прамысловым цэнтрам. Індустрыяльны парк Лінхай плошчай 2200 га, размешчаны на ўзбярэжжы і пабудаваны ў сярэдзіне 1970-х гадоў, уключае ў сябе сталеліцейны і суднабудаўнічы заводы, нафтахімічны комплекс і прадпрыемствы іншых галін прамысловасці. У горадзе ёсць таксама нафтаперапрацоўчы завод, развіта вытворчасць алюмінію, цэменту, угнаенняў, цукру, цэглы, чарапіцы, паперы і інш. Мае месца кансервавая прамысловасць, якая ўключае перапрацоўку рыбы і садавіны.
Баранкілья, Калумбія
Блантайр, Малаві
Брысбен, Аўстралія
Ганалулу, ЗША (4 верасня 1962)[3]
Мале, Мальдывы
Мацумота[d], Японія
Пусан, Паўднёвая Карэя
Рыа-дэ-Жанэйра, Бразілія[4]
На Вікісховішчы ёсць медыяфайлы па тэме Гаасюн
