Віла Медычы

Славутасць
Віла Медычы
італ.: Villa Medici
41°54′30″ пн. ш. 12°28′57″ у. д.
Краіна	Італія
Месцазнаходжанне	Рым
Архітэктурны стыль	рэнесансная архітэктура
Архітэктар	Nanni di Baccio Bigio[d], Annibale Lippi[d] і Барталамеа Аманаці
Сайт	villamedici.it
Медыяфайлы на Вікісховішчы

Віла Медычы (італ.: Villa Medici) займае схіл рымскага ўзгорка Пінча ніжэй садоў вілы Баргезэ. У антычнасці на гэтым месцы распасціраліся сады Лукула. Была тут і віла, на якой страціла жыццё імператрыца Месаліна. У Сярэднявеччы ўся тэрыторыя была аддадзена пад вінаграднікі.

У 1576 г. схіл Пінча набыў кардынал Фердынанда Медычы (будучы кіраўнік Фларэнцыі), які даручыў Барталамеа Аманаці ўзвесці для сябе вілу ў модным тады духу маньерызму. Гэта было першае памесце дому Медычы на тэрыторыі Вечнага горада. Са смерцю апошняга Медычы ў 1737 г. віла перайшла ва ўладанне Латарынгскага дому. Напалеон Банапарт перадаў яе Французскай акадэміі ў Рыме, і з тых часоў там пражываюць уладальнікі Рымскай прэміі.

Падчас будаўнічых прац была выяўлена значная колькасць антычных старажытнасцяў, якія выстаўлены на тэрыторыі саду. Яшчэ сто семдзесят антычных статуй і фрагментаў былі набыты кардыналам для ўпрыгожвання вілы ў рымскай знаці. Найбольш значныя экспанаты — так званая ваза Медычы (I стагоддзе) і выкананая ў традыцыі Праксіцеля статуя Венеры Медычы (I стагоддзе да н. э.) — былі ў XVIII стагоддзі перамешчаны ва Уфіцы, даўшы пачатак тамтэйшаму збору старажытнасцяў.

Спасылкі

• Віла Медычы - Французская Акадэмія ў Рыме (фр., іт., англ.)
• На Вікісховішчы ёсць медыяфайлы па тэме Віла Медычы