Амерыканскі інстытут кінамастацтва

Амерыканскі інстытут кінамастацтва
Краіна	ЗША
Адміністрацыйны цэнтр	Лос-Анджэлес
Адрас	2021 N Western Ave, Los Angeles, CA, 90027-1625
Тып арганізацыі	кінашкола[d], прыватная некамерцыйная адукацыйная ўстанова[d], кінаарганізацыя[d], адукацыйная арганізацыя[d] і некамерцыйная арганізацыя
Заснаванне
Дата заснавання	1967
Галіна	кінаіндустрыя[d] і вышэйшая адукацыя
Абарот	▼30,3 млн $ (2020)
Колькасць супрацоўнікаў	507 чал. (верасень 2020)
afi.com (англ.)
Медыяфайлы на Вікісховішчы

Амерыка́нскі інстыту́т кінамаста́цтва (англ.: The American Film Institute) — незалежная некамерцыйная арганізацыя, створаная Нацыянальным фондам мастацтваў і заснаваныя ў 1967 годзе, калі прэзідэнт Ліндан Джонсан падпісаў закон пра Нацыянальны фонд мастацтва і гуманітарных навук.

Першым выканаўчым дырэктарам і адміністратарам быў Джордж Стывенс-малодшы. З 1980 года і дагэтуль гэтыя дзве пасады займае Джын Пікер Фірстэнберг.

У 1973 годзе інстытут заснаваў прэмію Life Achievement Award.

У 1987 годзе заснаваў асабісты кінафестываль (AFI Fest), які штогод праводзіцца дасюль. Фестываль Амерыканскага інстытута кінамастацтва стаў першым у ЗША, які атрымаў акрэдыдацыю FIAPF.

У 1998 годзе, пад час стогадовага юбілею амерыканскага кінематографа, істытут пачаў цыкл AFI 100 Years… («AFI 100 год…») з мэтай падвышэння цікавасці да гісторыі кіно. Цыкл быў скрытыкаваны за сваю непаслядоўнасць: некаторыя фільмы па некалькі разоў патрапілі ў некаторыя катэгорыі, нягледзячы на меркаванне кінакрытыкаў і фанатаў, а зрэдчас нават і нягледзячы на іншыя жанры фільмаў.

Інстытут займаецца захаваннем старых кінастужак, якія могуць знішчыцца ад старасці.

У красавіку 2003 года ў Сілвер-Спрынг (Мэрыленд), каля Вашынгтона, інстытутам быў ізноў адкрыты пасля рэстаўрацыі кінатэатр AFI Silver.

Адзін з кірункаў працы інстытута — вытворчасць адукацыйных і наглядных відэаматэрыялаў для навучэнцаў школ. Нягледзячы на сваю назву, інстытут спецыялізуецца не толькі на кінастужках, але таксама на тэлебачанні і відэа.

Гл. таксама

• Рэйтынгі Амерыканскага інстытута кінамастацтва
• Прэмія Амерыканскага інстытута кінамастацтва
• 50 вялікіх легенд экрана па версіі Амерыканскага інстытута кінамастацтва
• Брытанскі інстытут кінамастацтва
• Фінскі фонд кінамастацтва
• Шведскі інстытут кінамастацтва

Спасылкі

• Вэб-сайт AFI (англ.)
• AFI Fest (AFI Los Angeles Film Festival) — афіцыйны вэб-сайт (недаступная спасылка — гісторыя, копія) (англ.)
• AFI Los Angeles Film Festival — гісторыі і інфармацыя (англ.)