Pianoçu (film, 2002)

Pianoçu
ing. The Pianist
Janr	musiqili film, dram filmi[…], bioqrafik film, tarixi film, müharibə filmi, kitablar əsasında film[d]
Əsas mövzu	Holokost, Vladislav Şpilman
Rejissor	Roman Polanski[…]
Prodüserlər	Roman Polanski
Əsərin müəllifləri	Vladislav Şpilman, Pianoçu
Baş rollarda	Edrien Broudi Tomas Kreçmann
İstehsalçılar	StudioCanal[d], Canal+, Babelsberg Studio[d]
Distribütor	Disney+
İlk baxış tarixi	24 may 2002, 24 oktyabr 2002, 2002
Müddət	148,7 dəq.
Büdcə	35.000.000 $
Gəlir	120.072.577 $, 32.572.577 $
Ölkələr	Fransa  Almaniya Federativ Respublikası  Birləşmiş Krallıq  Polşa
Dillər	alman dili, ingilis dili, rus dili, fransız dili
Rəng	rəngli
Çəkiliş yeri	Varşava
IMDb	ID0253474
Mükafatları

Pianoçu (ing. The Pianist) — 2002-ci ildə polyak rejissor Roman Polanski tərəfindən çəkilmiş tarixi dram filmi. Film pianoçu Vladislav Şpilmanın Polşada yaşadığı 7 il ərzində yaşadığı hadisələrin əsasında çəkilmişdir. Şpilman 1939-cu ildən etibarən böyük təhlükələrlə qarşılaşır və nasistlərdən gizlənməli olur. Vladislav Şpilmanın gizlənməsində çalışdığı Polşa radiosunun əməkdaşlarının və ən əsası isə alman zabiti Vilm Hosenfildin böyük rolu olmuşdur.

Film 2002-ci ildə Kann kinofestivalında Qızıl Palma Budağı, 2003-cü ildə Oskar mükafatına, ən yaxşı xarici filmlərə verilən Qızıl Qartal mükafatına və digər mükafatlara layiq görülmüşdür.

Məzmun

Film milliyyətcə yəhudi olan məşhur polyak pianoçusu Vladislav Şpilmanın həyatından bəhs edir. İkinci Dünya müharibəsinin ağır günləridir. Dəhşətli müharibə hər kəsin dinc həyatına son qoyur. Uçuq bir evdə gizlənən pianoçu canını qurtarmağa çalışır. Xarabalıqdakı otaqların birində piano tapan Şpilman hər şeyi unudaraq musiqi dünyasına qapılır. Amma musiqinin sehrinə yalnız o qapılmır.

Şpilmanın alman zabiti üçün Şopendən ifa etdiyi "Ballade No. 1 in G Minor, Op. 23

Vladislav Şpilman obrazı

Onu radiodalğalarda sevə-sevə dinləyirdilər. Deyirdilər ki, Şopeni heç kim onun kimi ifa edə bilməz. Müharibə hamının hər şeyini əlindən alır deyirlər, amma Polanskinin qəhrəmanı bizə bu deyimin əksini sübut etdi. Barmaqlarında olmasa da bütün müharibə boyu qəlbində yaşatdı və ölməyə qoymadı öz musiqisini. Elə sonda da məhz ağ-qara piano dilləri və öz barmaqları onu xilas etdi.

Ən yadda qalan obrazlar albomumuzdakı növbəti qəhrəman məhz Vladislav Şpilman obrazıdır. Bu məşhur musiqiçini ekranda Adrian Broudi canlandırdı və bu rol ona dünya şöhrəti gətirdi, həmçinin ekran işi öz yaradıcı heyətini saysız-hesabsız mükafatlara boğdu. Çox az film tapılar ki həm “Qızıl Palma Budağı”, həm də ən əsas nominasiyalarda “Oskar”a sahib çıxsın. Amma ən əsası mükafatlar yox, məhz sənətdir. Şpilmanın öz sənəti kimi..

Film olduqca real çəkilib, ikinci dünya müharibəsi illərində yaşanmış bir həyatı təsvir edir, müharibə dəhşətləri olduqca təsirləndirici bir şəkildə lentə alınıb. Şpilman incə sənətin sahibi olsa da dəmir iradəyə malikdir və film boyu evini, ailəsini, həyatdakı mövqeyini, bir sözlə az qala bütün həyatını itirsə də ümidini itirmir. Öz musiqisini bu dəhşətdən və kabusdan qorumağı bacarır. Müharibə hər yanı dağıdır, hər şeyi məhv edir, şəhər xarabalığa çevrilir, silah səsləri, yerə sərilmiş insan meyidləri.. Şpilmana isə yalnız bu dəhşətləri göz yaşıyla seyr etmək qalır. Və bir də yaşamaq uğrunda mübarizə. Əlindən başqa heç nə gəlmir..

Broudinin olduqca təsirli və emosional ifası bu obrazı həm klassik musiqi həvəskarları, həm də ümumiyyətlə kinematoqrafiya üçün unudulmaz bir simaya çevirdi. Vladislav Şpilman obrazı ekrana musiqi və dəhşət dolu bir həyatı daşıdı. Həm də insanlığın şahid olduğu ən böyük faciə olan ikinci dünya müharibəsinin timsalında..

Mükafatları

2003-cü ildə Oskar mükafatı:

• Ən yaxşı kişi rolu (Edrien Broudi);
• Ən yaxşı rejissor (Roman Polanski);
• Ən yaxşı ssenari (Ronald Harvud)

BAFTA mükafatı:

• Ən yaxşı film

2002-ci il Kann kinofestivalı:

• Qızıl Palma Budağı

2003-cü il Sezar mükafatı

Xarici keçidlər

• Pianoçu — Internet Movie Database saytında

• Pianoçu Box Office Mojo-da
• Pianoçu (film, 2002) Rotten Tomatoes saytında  (ing.)
• Pianoçu Metacritic-də
• Pianoçu YouTube-də