Büstqalter
Büstqalter (alm. Büstenhalter) ya da döşlük— qadınların bədənin döş hissəsini örtmək və formalaşdırmaq üçün altdan geyindikləri qolsuz geyim növü.
Tarixi
[redaktə | mənbəni redaktə et]2010-cu ilin aprelində Londonun elm muzeyinin anbarında 200 il bundan əvvəl tikilmiş büstqalter aşkarlanıb. Muzey əməkdaşları bildirirlər ki, bu büstqalter dünyada ən qədim qadın büstqalteri ola bilər. Muzey ekspertləri qeyd edirlər ki, bu günədək analoji büstqalterlər müasir dövrün ixtirası hesab olunurdu. Lakin tapıntı qadınların hələ 1800-cü ildə sinələrinin daha gözəl görünməsi üçün yollar axtardığını göstərir[1].
Maraqlı büstqalterlər
[redaktə | mənbəni redaktə et]Ər ovçusu
[redaktə | mənbəni redaktə et]Yaponiyanın alt geyim istehsalçısı "Triumph" Yaponiyada aşağı düşən evlilik nisbətinə diqqət çəkmək üçün "ər ovlayan büstqalter" istehsal edib. Model Hiromi Nishiuchinin nümayiş etdirdiyi büstqalterin üzərində bir xronometraj var və geyənin bioloji saatını göstərir. Qadın uyğun həyat yoldaşı ola biləcək namizədi tapdığında və gözlədiyi təklifi qəbul etdiyində üzüyü dəliyin üzərindəki yuvaya yerləşdirir və geri sayma dayanar-dayanmaz dövrəyə toy marşı girir. Müddətiniz tükənənə qədər ər tapa bilməzsəniz, sizi havaya uçurub parçalarınızı dörd bir tərəfə saçacaq bir mexanizmi yoxdur; tək məqsədi çox gec olmadan evlənməniz üçün üzərinizdə təzyiq qurmaqdan ibarətdir. Statistikaya görə, Yaponiyada qadınların evlənmə yaşı 28 təşkil edir[2].
Düyü əkmək üçün
[redaktə | mənbəni redaktə et]Yaponiyanın alt paltar istehsalçısı olan "Triumph" şirkəti təqdim etdiyi büstqalteri düyü əkmək üçün uyğunlaşdırılıb. Tokioda jurnalistlərə nümayiş etdirilən yeni model büstqalter "mini-plantasiyaya" bənzəyir[3].
Ölümdən qoruyan
[redaktə | mənbəni redaktə et]Hazırda ABŞ-də yaşayan Ukraynalı həkim Yelena Bodnarın ixtirası dünyada böyük marağa səbəb olub. Hazırladığı büstqalterin insanı bioloji və kimyəvi silah hücumundan qoruya biləcəyini iddia edir. Gündəlik geyim əşyası olan büstqalter fövqəladə hallarda 2 hissəyə ayrılaraq maska kimi istifadə edilə bilər. Bu maska donuz qripi, toz fırtınası və terror hücumu hallarında istifadə edilə bilər[4].
Ən bahalı
[redaktə | mənbəni redaktə et]Dünyada ən bahalı büstqalter 12,5 milyon dollar dəyərindədir. Almaniyalı fotomodel Haydi Klum onu Nyu Yorkdakı sərgidə nümayiş etdirib[5].
İstinadlar
[redaktə | mənbəni redaktə et]- ↑ Ən qədim büstqalter. 24.04.2010, merkez-az.com [ölü keçid]
- ↑ "Ər ovçusu büstqalter". 2012-01-05 tarixində orijinalından arxivləşdirilib. İstifadə tarixi: 2010-10-02.
- ↑ "Düyü əkmək üçün büstqalter". 2010-07-17 tarixində orijinalından arxivləşdirilib. İstifadə tarixi: 2010-10-02.
- ↑ "Ölümdən qoruyan büstqalter". 2010-10-04 tarixində orijinalından arxivləşdirilib. İstifadə tarixi: 2010-10-02.
- ↑ "Qadinlar haqqinda maraqli faktlar". 2016-03-04 tarixində orijinalından arxivləşdirilib. İstifadə tarixi: 2010-10-02.
