Yoyó
| Yoyó 🪀 | ||
|---|---|---|
 | ||
| Xéneru | afición | |
| Subxéneru |
xuegu d'habilidá, xuguete y habilidad circense (es)  | |
| [editar datos en Wikidata] | ||
El yoyó ye un xuguete formáu por un discu de madera, de plásticu o d'otros materiales con una ranura fonda nel centru de tol cantu, alredor de la cual endólcase un gordón que, anoyáu a un deu, faise xubir y baxar alternativamente. Remanar el discu por aciu sacudiones escontra riba y escontra baxo.
El Webster’s collegiate dictionary afirma que la pallabra yoyó deriva de la pallabra yóyo en idioma ilocanu, del norte de Filipines. Munches otres fontes, incluyíu Extraordinary origins of yesterdays things, de Panati, afirmen que yo-yo yera un términu tagalu, que significa ‘vien-vien’.[1]
Historia del yoyó
[editar | editar la fonte]
Nun se conoz l'orixe del yoyó. Nuna copa ateniense del sieglu V e.C. apaez un mozu que sostién un oxetu esféricu qu'escolga d'un filo, nuna actitú que recuerda a la del modernu xuegu del yoyó, ensin que pueda tase seguru de les carauterístiques concretes del oxetu o la so utilidá.
Escontra'l sieglu XVIII yera conocíu na India.
El 20 de payares de 1866, James L. Haven y Charles Hettrick, de Cincinnati (Ohio) roblaron la patente d'Estaos Xuníos, la primera dada a un filipín, sobre una construcción ameyorada d'un xuguete, comúnmente llamáu bandelore».[2]
Sicasí, el yoyó permaneció en relativa escuridá hasta qu'en 1928 un filipino-americanu llamáu Pedro Flores abrió la fábrica Yo-yo Manufacturing Company en Santa Bárbara (California). La empresa empezó fabricando una docena de modelos del xuguete. Pero un añu dempués, en payares de 1929, Flores tuvo qu'abrir dos fábriques más, en Los Angeles y Hollywood. Ocupaba a 600 trabayadores y producíen 300 000 unidaes diaries.
En 1930, l'americanu Donald Duncan mercó les fábriques de Flores.
Nos años sesenta apaecieron les empreses de xuguetes Plastimarx ya Impala, que producíen esti xuguete, según empreses multinacionales, como Flambeau Products Corporation (dueña de la marca Duncan), según la empresa Jack Russell, que promovía a la empresa Coca-Cola en tol mundu.
Usuarios conocíos
[editar | editar la fonte]Ente ellos topen los presidentes John F. Kennedy, Lyndon B. Johnson y Richard Nixon, quien se sabía que yeren grandes aficionaos del pasatiempu, pos de cutiu víase-yos xugando col yoyó na oficina presidencial de la Casa Blanca.[ensin referencies]
El 12 d'abril de 1985, el yoyó viaxó al espaciu cola tripulación del tresbordador Discovery, y años dempués, na nave espacial Atlantis.
Añalmente llévase a cabu una competencia mundial en Orlando (Florida).
Eddy Fast McDonald tien el títulu de la persona nel mundu que puede realizar más «enllazaes» nuna hora" en realizando 8437 llazaes col so yoyó.
Ver tamién
[editar | editar la fonte]Referencies
[editar | editar la fonte]- ↑ Charles Panati: Panati’s extraordinary origins of everyday things. Harper Paperbacks, 1989. ISBN 0-06-096419-7.
- ↑ «U.S. Patent 59,745».
Enllaces esternos
[editar | editar la fonte]- Educar.org, El yoyó.
