Wikipedia:Derechos d'autor
 | Esta ye una política oficial de la Wikipedia. Ellaboróse por tola comunidá, y el so cumplimientu ye obligatoriu pa tolos editores. Pues camudar coses menores, como meyorar la redaición o'l formatu, pero si quies camudar coses más importantes ties que consultalo a tola comunidá. |
Los derechos d'autor de los testos qu'apaecen en Wikipedia correspuenden a los editores que collaboraron nellos y tan protexíos automáticamente nel marcu del Conveniu de Berna. La mayoría de los testos de Wikipedia usen la llicencia Creative Commons Attribution/Share-Alike License 3.0 (Unported) o la GNU Free Documentation License (sin versión, sin secciones invariantes, testos de cubierta o de contra cubierta). Los reutilizadores pueden escoyer la(es) llicencia(es) que deseen. Estes llicencies sí permiten l'usu comercial del conteníu reutilizáu, mentanto l'usu que se-yos dea sia acordies coles condiciones d'usu de la respeutiva llicencia.
Pa más detalles mira la páxina sobro términos d'usu de los proyectos de la Fundación Wikimedia.
Rol de la Fundación Wikimedia
La Fundación Wikimedia nun ye'l titular de los derechos d'autor de los testos de los artículos o ilustraciones de Wikipedia. Poro, ye inútil unviar solicitúes al corréu electrónicu o a otros medios de contautu de la Fundación pidiendo autorización pa reproducir esos conteníos. L'autorización pal usu y reproducción ta concedida pa tol mundu, sin falta de pidilo especialmente, poles llicencies mentaes na sección anterior y les condiciones téuniques aplicables a Wikipedia; pa pidir autorizaciones de usu fuera d'esos términos y condiciones, tendrá de comunicase con tolos los autores voluntarios del testu o ilustración de que se trate.
Los únicos conteníos de Wikipedia sobre los que necesites comunicate cola Fundación Wikimedia son los logotipos de Wikipedia y de los otros proyectos de la Fundación, que son marques rexistraes que nun pueden usase sin autorización.