Supercopa d'España de Fútbol
La Supercopa d'España ye una competición de fútbol qu'organiza la Real Federación Española de Fútbol dende 1982 y qu'enfrenta al campeón de la Lliga española de Primer División escontra'l campeón de la Copa del Rei. Fasta l'añu 1996, si'l mesmu equipu ganaba dambes competiciones, yera campeón de la Supercopa darréu. Dende entós, si se da esa situación, el socampeón de Copa xuega escontra'l ganador de Lliga y Copa.
Anguaño Lionel Messi (con 12 goles) ye'l máximu goliador históricu del tornéu.
Antecedentes
[editar | editar la fonte]Ente 1940 y 1953 hebo torneos que, como la Supercopa, xugaron los campeones de Lliga y Copa (entós del Xeneralísimu). Per embargu, nin la Copa de Campeones (1940) nin la Copa de Oro Argentina, que xugóse en 1945 cuando l'embaxador arxentín ofreció el troféu daes les bones rellaciones ente los gobiernos de dambos países, fueron torneos oficiales.
Sí fueron oficiales, al tar organizaes pela Federación Española de Fútbol (FEF) la Copa Presidente FEF del añu 1941 y la Copa Eva Duarte de Perón, que davezu yera ún partíu na más y xugóse de 1947 a 1953 n'honor del presidente de L'Arxentina y la so muyer.
Formatu
[editar | editar la fonte]Los dos equipos xueguen dos partíos ente ellos, el primeru nel campu del campeón (o socampeón) de Copa y el segundu nel campu del campeón de Lliga. Gana la Supercopa:
- L'equipu que más goles marque nel conxuntu de los dos partíos.
- En casu d'empate, el ganador será'l que más goles marcara nel campu visitante.
- Si los dos equipos marcaren el mesmu númberu de goles nel tornéu, y el mesmu númberu de goles en campu visitante, na más finar el segundu partíu tienen de xugase dos partes d'añadedura de 15 minutos caúna. Si teniendo en cuenta'l resultáu d'eses dos partes ún de los equipos marca más goles que l'otru, esi equipú será'l ganador.
- Por contra, si estes dos partes terminen n'empate, el ganador será l'equipu que xuega de visitante, si l'empate ye con goles, pero ye necesaria la ronda de penaltis si l'empate ye ensin goles.
- En casu d'haber ronda de penaltis, los equipos tiren alternativamente cinco penaltis caún, resultando ganador el que más penaltis marque. Si marquen los mesmos siguirán tirándose penaltis alternativamente hasta qu'ún (que será entós el campeón) marque un penalti más qu'otru nel mesmu númberu de llanzamientos.
Palmarés
[editar | editar la fonte]Historial
[editar | editar la fonte]| Añu | Campeón | Campeón de | Socampeón | Campeón de | Resultáu |
| 2017 | Real Madrid CF | Lliga | FC Barcelona | Copa | 1-3 / 2-0 |
| 2016 | FC Barcelona | Lliga y Copa | Sevilla FC | Socampeón de Copa | 0-2 / 3-0 |
| 2015 | Athletic Club | Socampeón de Copa | FC Barcelona | Lliga y Copa | 4-0 / 1-1 |
| 2014 | Atlético de Madrid | Lliga | Real Madrid CF | Copa | 1-1 / 1-0 |
| 2013 | FC Barcelona | Lliga | Atlético de Madrid | Copa | 1-1 / 0-0 |
| 2012 | Real Madrid CF | Lliga | FC Barcelona | Copa | 2-3 / 2-1 |
| 2011 | FC Barcelona | Lliga | Real Madrid | Copa | 2-2 / 3-2 |
| 2010 | FC Barcelona | Lliga | Sevilla FC | Copa | 1-3 / 4-0 |
| 2009 | Barcelona | Lliga y Copa | Athletic Club | Socampeón de Copa | 1-2 / 3-0 |
| 2008 | Real Madrid | Lliga | Valencia | Copa | 3-2 / 4-2 |
| 2007 | Sevilla | Copa | Real Madrid | Lliga | 1-0 / 3-5 |
| 2006 | Barcelona | Lliga | Español | Copa | 0-1 / 3-0 |
| 2005 | Barcelona | Lliga | Real Betis | Copa | 0-3 / 1-2 |
| 2004 | Zaragoza | Copa | Valencia | Lliga | 0-1 / 1-3 |
| 2003 | Real Madrid | Lliga | Mallorca | Copa | 2-1 / 3-0 |
| 2002 | Deportivo de La Coruña | Copa | Valencia | Lliga | 3-0 / 1-0 |
| 2001 | Real Madrid | Lliga | Zaragoza | Copa | 1-1 / 3-0 |
| 2000 | Deportivo de La Coruña | Lliga | Español | Copa | 0-0 / 2-0 |
| 1999 | Valencia | Copa | Barcelona | Lliga | 1-0 / 3-3 |
| 1998 | Mallorca | Socampeón de Copa | Barcelona | Lliga y Copa | 2-1 / 0-1 |
| 1997 | Real Madrid | Lliga | Barcelona | Copa | 2-1 / 4-1 |
| 1996 | Barcelona | Socampeón de Copa | Atlético de Madrid | Lliga y Copa | 5-2 / 3-1 |
| 1995 | Deportivo de La Coruña | Copa | Real Madrid | Lliga | 3-0 / 2-1 |
| 1994 | Barcelona | Lliga | Zaragoza | Copa | 0-2 / 4-5 |
| 1993 | Real Madrid | Copa | Barcelona | Lliga | 3-1 / 1-1 |
| 1992 | Barcelona | Lliga | Atlético de Madrid | Copa | 3-1 / 1-2 |
| 1991 | Barcelona | Lliga | Atlético de Madrid | Copa | 0-1 / 1-1 |
| 1990 | Real Madrid | Lliga | Barcelona | Copa | 1-0 / 4-1 |
| 1989 | Real Madrid | Lliga y Copa | |||
| 1988 | Real Madrid | Lliga | Barcelona | Copa | 2-0 / 1-2 |
| 1987 | Nin el Real Madrid (campeón de Lliga) nin la Real Sociedad (campeón de Copa) toparon feches pal partíu, polo que nun lu xugaron. | ||||
| 1986 | Nin el Real Madrid (campeón de Lliga) nin el Real Zaragoza (campeón de Copa) toparon feches pal partíu, polo que nun lu xugaron. | ||||
| 1985 | Atlético de Madrid | Copa | Barcelona | Lliga | 3-1 / 0-1 |
| 1984 | Athletic de Bilbao | Lliga y Copa | |||
| 1983 | Barcelona | Copa | Athletic de Bilbao | Lliga | 3-1 / 0-1 |
| 1982 | Real Sociedad | Lliga | Real Madrid | Copa | 0-1 / 4-0 |
Títulos por clubes
[editar | editar la fonte]| # | Equipu | Campeón | Socampeón | Años de los títulos |
|---|---|---|---|---|
| 1 | Futbol Club Barcelona | 12 | 10 | 1983, 1991, 1992, 1994, 1996, 2005, 2006, 2009, 2010, 2011, 2013, 2016 |
| 2 | Real Madrid | 10 | 5 | 1988, 1989, 1990, 1993, 1997, 2001, 2003, 2008, 2012, 2017 |
| 3 | Deportivo de La Coruña | 3 | - | 1995, 2000, 2002 |
| 4 | Club Atlético de Madrid | 2 | 4 | 1985, 2014 |
| 5 | Athletic Club de Bilbao | 2 | 2 | 1984, 2015 |
| 6 | Valencia Club de Fútbol | 1 | 3 | 1999 |
| 7 | Sevilla Fútbol Club | 1 | 2 | 2007 |
| Real Zaragoza | 1 | 2 | 2004 | |
| 9 | Real Club Deportivo Mallorca | 1 | 1 | 1998 |
| 10 | Real Sociedad de Fútbol | 1 | - | 1982 |
| 11 | RCD Español | - | 2 | - |
| 12 | Real Betis Balompié | - | 1 | - |
Referencies
[editar | editar la fonte]Enllaces esternos
[editar | editar la fonte]- Páxina oficial de la RFEF (castellán)
| Control d'autoridaes |
|
|---|
Datos: Q485997
Multimedia: Supercopa de España