بت د الراديو
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
بت د الراديو (بالنّݣليزية: Radio communication) هو لعملية دلمسيفطة ديال السينيالات عن بعد، بلواسطة ديال لمواج لكهرومغناطيسية لي عندها طبيعة صوتية، ولا هدرة ولا مزيكا ولا شي نواع اوخرى. وهادشي بلإيستيعمال ديال لمواج راديوية لڭاع الناس لي عندهم مستقبِلات ديالها فلازون ديالهم.
صعيب تحدد التاريخ ديال الزيادة دراديو ولا حتا لمختارع ديالو، حيت هو جا منبعد بزاف ديال الاختيراعات لمرتابطة بيناتها شوية بشوية على طول بزاف ديال السنين. ومن بين الاعمال ديال لي ساهمات فتطوار ديال تيكنيك دالبت دراديو، كنلقاو الاعمال ديال شي عولاما كانو فلقرن تسعطاش، بحال: أندري ماري أمبير وألكسندر ݣراهام بل وصامويل مورس ومايكل ڤاراداي وجيمس واط وهاينريش هرتز وݣيورݣ زيمون أوم وألساندرو ڤولتا. وفنهاية ديال لقرن تسعطاش قدر لعالم ݣولييلمو ماركوني، يتبت عمليا بلي ممكن يتستعمل الهوا بحال شي زون ديال لمسيفطة دسينيال،[1] وهادشي فاش طلق أول بت د الراديو كيتكون من كريپطة د مورس، وبتو من محطة موقتة صايبها ماركوني فعام 1895.
وفلوقيتة لي من صعيب نسندو البراءة دلاختيراع تاع راديو لشي شخص واحد، ووخا هكك تعطات أول براءة دلاختيراع تاع الاذاعة لنيكولا طيسلا، وعطاهلو المكتب دبراءات لاختيراع فالولايات المتاحدة.
تكتاشفات الامكانية ديال لبت د الراديو غير بصدفة، فعام 1916 فواحد النهار كانو لمهندسين فواحد شركة ديال تصنيع فميريكان كيديرو تجارب على لمسيفطة ديال صوت، وطاح فبالهم يسيفطو لمزيكا لي كتخرج من الاسطوانات لكلاسيكية، فبلاصة الصوت. وبالصدفة، فنفس اللحظة كانو شي اشخاص هواة ممتوقعينش كيستعملو معدات ديال لايستقبال صايبوها فديورهم، وهنا غادي يستقبلو المزيكة فهاد لمعدات. ومنبعد غادي يسيفطو طلبات لديك الشركة باش تعاود تبت ليهم المزيكا مرة اوخرة، وهادشي غادي يدهش دوك لمهندسين، لي توصلو لاختيراع مهم غير بالزهر. مور شي فترة الشركة غتبدا تدير بت دراديو بشكل منتاظم، وغتسمى منبعد بسمية ديال KDKA، وغتكون هي أول محطة ديال بت د رايدو فلعالم. ومنبعد فلعشرينات غادي يبدا البت دراديو كينتاشر فبزاف ديال لبلادات دلعالم، بحال كانادا ف1920، وؤسطراليا لي غتفتح اول محطة تاعها ف1921، وفالنݣليز غادي تبان شركة لبت لبريطانية BBC فعام 1922.[2] وغيبدا فنفس الوقت أول بت دالراديو فـفرانسا لي غينطالق من برج إيڤل، وحتا أول بت درايدو فلإتحاد السوڤياتي. وف1923 غتصايب محطات دلبت دالراديو فـبلجيكا وتشيكوصلوڤاكيا وألمانيا وسپانيا، وموراهم فينلاندا والطاليان فعام 1924، ومنبعد النورڤيج وپولونيا ولمكسيك والجاپون فعام 1925 ولهند فعام 1927، وموراها التباقي ديال دول فلعالم.
-
لمحطة ديال راديو سانط پول - مينيسوطا -
لمخطاط ديال الإرسال دالراديو من نوع (AM و FM) -
سيسطيمات ديال لمسيفطة ديال AM و FM
- ^ Guarnieri, M. (2012). "The age of vacuum tubes: Early devices and the rise of radio communications". IEEE Ind. Electron. M.: 41–43. مؤرشف 2018-06-19 فموقع وايباك ماشين
- ^ "BBC History – The BBC takes to the Airwaves" http://news.bbc.co.uk/aboutbbcnews/spl/hi/history/html/default.stm مؤرشف 2019-11-22 فموقع وايباك ماشين